الموضوع: يا ه أول مره أحس أنى فاضى

يا باشا الحياة كدة مش سهلة ومش حلوة دايما وبالنسبة لموضوع الخلافات

والمواضيع دى انا حاسس بيك قوى لانى انا كمان فيها


لانى اكبر اخواتى وبردو روحت لدكتور قلب وقالى نفس الى قالهولك وادانى مهدئات

بس انا كنت لسة صغير والخبرات قليلة بس الحمد لله دالوقتى احسن المشاكل

مخلصتش بس انا الى بقيت اعرف اتعامل معاها ودة فضل كبير من عند ربنا عشان

ترتاح لازم تتعلم ان الحياة مش مراحل مرحلة تبدا وتنتهى ونبدا مرحلة جديدة لا

الحياة كلها على بعضها مرحلة واحدة طويلة بيمر فيها الانسان بكل انواع الحياة

الحلو والمر والعصب والسهل والمهم انت هتعمل فيها اية انت التغير الحياة مش

الحياة هى التغيرك كان عندى المدير العام هنا فى الشغل راجل كبير فى السن

وكان ابن ناس قوى عامل زى البشوات بتوع المسلسلات الله يمسية بالف خير

فضلو وراة ناس لحد ما زهقوة وعرفو يمشوة من الشغل المهم كنت قاعد معاة مرة

فى المكتب بنتكلم فى الشغل وسالنى وقالى مالك فى اية شكلك مش مبسوط

قالتلة لا مفيش قالى انت هتخبى ياض يا تيييييييييييت كلمة كدة مينفعش اقولها

هههههههههههههههه قولتلة لا ابدا فى بعض الزملاء هنا بيعملو كذا وكذا قالى

طيب ما انا عارف وبيقولو عاليا انا كمان وبيحاولو يئذونى فى الشغل بس النت فية

دة نجاح ليهم هما كدة نجحو فى الهما عاوزينة قالى خاليك جامد وواجة دايما

ومتياسش ابدا لان لو ياست يبقى هما نجحو وانت خسرت وبالنسبة لموضوع الاهل

والخلافات بما انحكانت الكبير وهما بيرمو عاليك كل حاجة واظن انت مش بتتنصل

من المسئولية لان الى يشتكى شكوتك دى بيبقى شايل هم الناس فانت تعمل

الى تقدر عالية والى متقدرش عالية لا يكلف الله نفسا الا وسعها ودة مش تخاذل

منك لا هو فعلا كدة لا يكلف الله نفسا الا وسعها ولما يكون فى اختلافات بينهم

وطبعا محدش بيقتنع براى حد الا القليل كل واحد بيبقى شايف نفسة راية هو

الافضل والاحسن يبقى انت ما عاليك الا انك تقول يا جماعة دة صح ودة غلط الى

يعجبة الحل كان بها الى ميعجبوش هو حر لانك مش هتعجب الناس كلها وروق

دماغك ومش معنى روق دماغك انت مش بتحبهم ولا عاوز مصلحتهم لا بس هى

كدة طبيعة الامور محدش بيقتنع براى حد وفى الاخر اهم من كل كدة صحتك وراحة

بالك انت دى اهم حاجة لا قدر الله لو تعبت او جالك حاجة بسبب الفكر والزعل

تفتكر حد هيعملك حاجة ابدا ولا انت نفسك تقدر تعمل لنفسك حاجة الدنيا مش

مستهلة اى حاجة كلة بيعدى وكلة بيفوت وكلة بيتنسى ولما تفتكر مشاكل قديمة

مرت بيك وخلصت هتفتكر انها كانت هايفة وعدت مع ان ساعتها كانت كبيرة وصعبة

كلمة بردو قالهالى المدير بتاعنا القولتك عالية قالى خاليك زى البيلعب حديد كل ما

يشيل اكتر بيقوى اكتر وكل ما تشيل هموم وتتغلب عاليها تقوى اكتر انت التكسر

الهموم مش الهموم الى تكسرك




واسف انى طولت عاليك وعلى كل اللى هيقراء الرد دة وارجو اكون ردى دة فية شىء كويس ليك واسف تانى على الاطالة

ربنا يرحمه ويصبرك....

الله يرحمه ويدخله فسيح جناته
وإن شاء الله كل المشاكل اللى عندك تتحل وتنتهى على خير
أمــــــــين يارب العالميــــــــن

ربنا يعينك ويصبرك وهيا الدنيا كده مفيش حد مرتاح والله

ربنا يعينك و ان شاء الله في ميزان حسناتك

ربنا يعينك و ان شاء الله في ميزان حسناتك
و ربنا يرحمنا جميعا و يدينا القوة عشان نعرف نكمل الحياة