>> حزام الامان و اهميته.... موضوع يهمك <<

السلام عليكم و رحمه الله و بركاته

الموضوع ده موجه لكل صاحب عقل سوي
و بتعذر لاصحاب العقول المريضه

و بوجه تحيه خاصه لكل عضو معانا بيساهم في الحد من حوادث المرور
و تحيه خاصه برضو لكل من ساهم في ردع جنون السرعه في الشوارع المصريه خصوصا علي صفحات المنتدي

و ارجو من اصحاب العقول السويه في المنتدي انهم يتصدو لمجانين السرعه و كل تصرف غير مسئول من بعض الاعضاء , خصوصا المواضيع اللي اثارت بخصوص حزام الامان
مش معني انك جاهل او احمق انك تتكلم بكل ثقه الدنيا عن تجربه ليك من غير حزام الامان
ابحاث الامان ابحاث مكلفه و بتقوم بيها دول و مؤسسات
مش واحد خبط عربيه في اشاره و ييجي يقولك حزام الامان مش مهم جوه البلد و تلاقيه بيقاوح كمان!!

باعتذر عن اي حده في الكلام
بس لازم للاسف نكون واعيين اكتر من كده بخصوص الموضوع ده
خصوصا اننا حتي و ان مكناش عارفين بعض معرفه شخصيه فأحنا بنقابل و بنحتك ببعض كل يوم اكتر من مره علي الطريق
فأكيد مش عايز اروج لأفكار تؤدي بيا او بغيري الي التهلكه
و اكيد احب ان الشارع المصري يكون امان للمشاه و قائدي السيارات اكتر من كده
انا بعلن الحرب علي مروجي التهور و الاستهتار علي الطريق
و علي كل عضو بيقدر حياته و حياه اسرته انه يشاركني نفس الهدف
===================================
النهارده جايب لكم شويه فيديوهات عن اهميه حزام الامان
كلها بلغات اجنبيه بس صوره تغني عن الف كلمه
و عايزكم تركزو في الفيديو الاول تركيز خاص
لأن العربيه في الاختبار ده كانت علي سرعه 40 كيلو متر في الساعه!!! (40 مش 60 ولا 70 ولا 80!!!!)
و باقي الفيديوهات متعلقه بحزام الامان و اهميته و بالنسبه كمان للراكبيين الخلفيين و خدو بالكو انهم بيكونو زي القذائف و بيشكلو خطوره علي باقي الركاب
و بالنسبه للاطفال فلازم نراعي سن الطفل و انه بيكون محتاج وسائل تأمين مختلفه عن الكبار
و فكره ان الام تحط الطفل علي حجرها في العربيه قدام ادي للاسف نتيجتها (طبعا كلنا شوفنا في الشارع ساعات الاب بيكون سايق و حاطط طفله علي حجره تخيلو المنظر ساعتها هيكون ازاي؟!!)
و في فيديو او اكتر بيوضح الخطوره الشديده لوجود اطفال في الكنبه الخلفيه من غير وسائل امان مخصوصه ليهم
======================================
ياريت نتفرج كلنا علي الفيديو كله و نفكر
هل انت بتربط حزام الامان؟
هل بتجبر الراكب بجوارك علي ارتداءه؟
هل مقتنع ان اي حزام مدلدل يكون كافي انه يحميك؟
هل مقتنع لسه ان حزام الامان منظر و الفكره ان المرور بياخد عليه مخالفه و بس؟
هل مقتنع انك تربط الحزام علي كتفك بدل ما تربطه بالاسلوب الصحيح؟
هل اخدت بالك وضع الحزام الخاطيء بيسبب ايه؟
هل بتعرف انجليزي كويس و سمعت الفيديو اللي بيتقال فيه ان لحظه الحادثه جسمك بيندفع و كأنك بتقع من الدور التالت و ان الجسم البشري مش بيتحمل الاصابات بالشكل ده؟
هل اخدت بالك من اندفاع الطفل في الكنبه الخلفيه كالطلقه الي الامام؟
هل اخدت بالك انه حتي لو بالغ و راكب في الكنبه الخلفيه برضو بيندفع نفس الاندفاع؟

هل ناوي تربط حزام الامان انت و من معك بعد كده؟!!

[youtube]http://www.youtube.com/watch?v=fQ-xOplVUyc&feature=related[/youtube]

[youtube]http://www.youtube.com/watch?v=eBbc5he19CE[/youtube]
[youtube]http://www.youtube.com/watch?v=6w0tHl-Oxjo&feature=related[/youtube]
[youtube]http://www.youtube.com/watch?v=bMgdJpVXcNM&feature=related[/youtube]
[youtube]http://www.youtube.com/watch?v=d7iYZPp2zYY&feature=related[/youtube]
[youtube]http://www.youtube.com/watch?v=d7iYZPp2zYY&feature=related[/youtube]
[youtube]http://www.youtube.com/watch?v=d7iYZPp2zYY&feature=related[/youtube]
[youtube]http://www.youtube.com/watch?v=1yUl4dCK1GA&feature=related[/youtube]
[youtube]http://www.youtube.com/watch?v=xU2jrQ4uunU&NR=1[/youtube]
[youtube]http://www.youtube.com/watch?v=orDM8tCn9pY&feature=related[/youtube]

[youtube]http://www.youtube.com/watch?v=6w0tHl-Oxjo&feature=related[/youtube]
[youtube]http://www.youtube.com/watch?v=6w0tHl-Oxjo&feature=related[/youtube]

[youtube]http://www.youtube.com/watch?v=bMgdJpVXcNM&feature=related[/youtube]


[youtube]http://www.youtube.com/watch?v=d7iYZPp2zYY&feature=related[/youtube]

[youtube]http://www.youtube.com/watch?v=d7iYZPp2zYY&feature=related[/youtube]

[youtube]http://www.youtube.com/watch?v=1yUl4dCK1GA&feature=related[/youtube]

[youtube]http://www.youtube.com/watch?v=xU2jrQ4uunU&NR=1[/youtube]

[youtube]http://www.youtube.com/watch?v=xU2jrQ4uunU&NR=1[/youtube]

[youtube]http://www.youtube.com/watch?v=orDM8tCn9pY&feature=related[/youtube]

[youtube]http://www.youtube.com/watch?v=tSs7pf5uqZY&NR=1[/youtube]

شكراً للفيديوات ,, ونرجو من الجميع بغض النظر عن المخالفة الإلتزام بربط الحزام قبل التحرك

الحمد لله...انا ببقى مبسوط جدا وانا رابط الحزام...
مش عارف ليه بالظبط بس يمكن عشان بحس ان لو لا قدر الله حصل حاجة ابقى انا كده عملت اللى علىّ ومقصرتش فى حق نفسى..

طبعا جزاك الله كل خيرعلي هذا الموضوع بس براحه شويه علينا في ناس لسه متعرفش اهميه حزام الامان و خصوصا الناس اللي مبتسافرش زي حالاتي و احب ارد علي اسئله حضرتك

هل انت بتربط حزام الامان؟ لا للاسف مبعرفش اسوق بيه
هل بتجبر الراكب بجوارك علي ارتداءه؟ لا طبعا
هل مقتنع ان اي حزام مدلدل يكون كافي انه يحميك؟ لا طبعا غير مقتنع و غير كافي علي حمايتي
هل مقتنع لسه ان حزام الامان منظر و الفكره ان المرور بياخد عليه مخالفه و بس؟ للاسف ده الواقع مع المرور المصري مجرد منظر عشان متخدش مخالفه ملهاش لازمه
هل مقتنع انك تربط الحزام علي كتفك بدل ما تربطه بالاسلوب الصحيح؟ لا طبعا غير مقتنع
هل اخدت بالك وضع الحزام الخاطيء بيسبب ايه؟ اكيد عارف و ربنا يستر

اقتباس:

---

المشاركة الأصلية كتبت بواسطة romeo_6887

طبعا جزاك الله كل خيرعلي هذا الموضوع بس براحه شويه علينا في ناس لسه متعرفش اهميه حزام الامان و خصوصا الناس اللي مبتسافرش زي حالاتي و احب ارد علي اسئله حضرتك

هل انت بتربط حزام الامان؟ لا للاسف مبعرفش اسوق بيه
هل بتجبر الراكب بجوارك علي ارتداءه؟ لا طبعا
هل مقتنع ان اي حزام مدلدل يكون كافي انه يحميك؟ لا طبعا غير مقتنع و غير كافي علي حمايتي
هل مقتنع لسه ان حزام الامان منظر و الفكره ان المرور بياخد عليه مخالفه و بس؟ للاسف ده الواقع مع المرور المصري مجرد منظر عشان متخدش مخالفه ملهاش لازمه
هل مقتنع انك تربط الحزام علي كتفك بدل ما تربطه بالاسلوب الصحيح؟ لا طبعا غير مقتنع
هل اخدت بالك وضع الحزام الخاطيء بيسبب ايه؟ اكيد عارف و ربنا يستر

---

كويس انك لقيت موضوع ليا تستفيد منه
بس ادي اخر كلام منك موجه ليا
و للاسف الموضوع كان اتقفل من غير حذف
فقدرت اقرا كلامك
لكن مقدرتش ارد
ادي كلامك اهو بفكرك بيه:
تشكر علي كلمه اعوذ بالله علي اساس
اني مليش مله و لا دين او بشتم في اهل بلدي
و شكرا علي اتهامك ليا اني مبفهمش
و اني غبي و مفهمش في ديني كويس
و بعدين لو مش عاجبك كلامي
او موضوعي يبقي متخش ترد احسن
الاخوه الباقيين اعترضوا اه بس مش بطريقتك دي
و بعدين انت بتشكك في طريقه المشرف و لا ايه ؟
انت غريب جدا
علي فكره انا اللي المفروض اقدم فيك شكوي
و اتمني انك متردش في اي موضوع ليا بعد كده

و اتمني المعامله بالمثل

صلوا على النبى يا رجالة.....

اقتباس:

---

المشاركة الأصلية كتبت بواسطة 3ateef

صلوا على النبى يا رجالة.....

---

متقلقش
الموضوع ابسط من كده
انا بطلب المعامله بالمثل
مش اكتر من كده
و خلينا بقي في الموضوع الاساسي و بلاش نشتت الموضوع
نفسي اعضاء المنتدي كلهم يتفرجو علي الموضوع ده
اهو اساهم في حمايه الارواح

اقتباس:

---

المشاركة الأصلية كتبت بواسطة amir

كويس انك لقيت موضوع ليا تستفيد منه
بس ادي اخر كلام منك موجه ليا
و للاسف الموضوع كان اتقفل من غير حذف
فقدرت اقرا كلامك
لكن مقدرتش ارد
ادي كلامك اهو بفكرك بيه:
تشكر علي كلمه اعوذ بالله علي اساس
اني مليش مله و لا دين او بشتم في اهل بلدي
و شكرا علي اتهامك ليا اني مبفهمش
و اني غبي و مفهمش في ديني كويس
و بعدين لو مش عاجبك كلامي
او موضوعي يبقي متخش ترد احسن
الاخوه الباقيين اعترضوا اه بس مش بطريقتك دي
و بعدين انت بتشكك في طريقه المشرف و لا ايه ؟
انت غريب جدا
علي فكره انا اللي المفروض اقدم فيك شكوي
و اتمني انك متردش في اي موضوع ليا بعد كده

و اتمني المعامله بالمثل

---

يا امير باشا انا دخلت الموضوع متعمدا عشان اوريك ان مش في دماغي اي زعل او ضغائن لكن يظهر انك لسه اللي زعلان او في ضغينه عموما اسف اني دخلت علي الموضوع بتاعك و لاحظ حضرتك روحت عملت شكوي و افتكر المشرف رد عليك و قال ايه ( انا قريت رد المشرف ) يعني الحمد لله الاداره شايفه اني معملتش حاجه غلط

بلبس الحزام..
بس مش بجبر اللى جمبى إنه يلبسه خالص..
مش بلبسه عشان حاجه...بس بلبسه..
يعنى معشان لجنه أو كمين..
ممكن متأثر بأفكار..
بس تسلم يا أمير على الموضوع..واضح نك تعبت فيه قوى..
فيه ناس مستهتره بالحزام رغم إنه فعال جدا جدا..و يكاد يكون السبب التانى بعد الله سبحانه وتعالى فى النجاه من الحوادث

انا بجبر اللى جنبى انه يلبسه..

انا الحمد لله على طول بلبسه عشاني انا مش عشان المخالفات ولا الهبل ده
لكن مجبرش اللي قاعد جمبي يلبسه الصراحه عير عشان المخالفات لو في كمين رخم ولا حاجه
الناس في مصر لازلت مقتنعه ان الحزام ده تكتيفه معرفش ليه وازاي بس هو كده وخلاص

الحمد لله بلبسه من أول ماجبنا عربيتنا - اللي فيها حزام - من 11 سنة ، وكان والدي - رحمة الله عليه - بيضحك عليا وأخواتي بيتريقو هما كمان ، لكني كنت عارف أهميته من زمان حتى على السرعات المختلفة ، ولو شوفنا أي فيلم أو مسلسل أجنبي ، هتلاقي دايما أي حد بيركب العربية أول حاجة بيلبس الحزام علطول .

جزاك الله خير امير باشا موضوع مهم وجاري التنفيذ

موضوع ممتاز وفعلا حزام الأمان من اهم عناصر الأمان اثناء القيادة وربنا يستر طريقنا

ياامير ملوش لزمه انك تقول احمق وجاهل
والكلام ده

شكراً للفيديوهات

اعتقد الشعب المصرى هو اول مكتشف فى العالم ان طالما احنا جوا البلد والدنيا زحمة يبقى ملهاش لازمة الحزام

وطبعا لو عربيتك واقفة مبتتحركش وحد جه من وراك بسرعة جامدة وخبطك حتلزق فى التابلوه لو مش لابس الحزام واظن مرة كريم كان مصور حادثة حصلت لما عربية دخلت فى عربية واقفة والست كانت قاعدة جنب السواق خبطت فى القزاز ودماغها اتفتحت

غير انى قريت بس مش متاكد ان بعض انواع العربيات الايرباجز متتفتحش الا لو الحزام مربوط..فتخيل بقى كمان ان لو حصل حاجة حتى الايرباجز مش حتشتغل

اقتباس:

---

المشاركة الأصلية كتبت بواسطة nab!l

ياامير ملوش لزمه انك تقول احمق وجاهل
والكلام ده

---

انا متفهم كلامك بس لازم الموضوع ده بالذات يكون في وضوح و قول الحق
اديك شايف الفيديوهات
فاكر مواضيع حزام الامان كان بيتقال فيها ايه؟
انا شادد حيلي بقي المره دي علي اي حد بيحب يقاوح علشان يسكت و الناس تستفاد

دكتور امير انا بشكر حضرتك جدا على المجهود الرائع.. بس انا بعتبر ان حزام الامان سلوك.. انا اتعلمت سواقة من 3 سنين واول حاجة اتعلمتها هى حزام الامان قبل اى حاجة .. ويمكن دلوقتى لو مره حتى فكرت اسوق من غير الحزام بلاقى نفسى مش عارف اسوق والله وبحس ان فى حاجة غلط.. اللى عايز اقولة انة تعود.

وبرضة عايز اقول ل الاستاذromeo انا شايف انة كاتب سوزوكى ماروتى قريبا.. ف نصيحة اخ بجد متنساش الحزام لان الماروتى الزجاج الامامى قريب جدا وانا فعلا بجبر الى جنبى انة يربط الحزام ومش بمزاجة هو هههه ده بمزاجى انا

جزاك الله كل خير موضوع جميل

جزا الله صاحب الموضوع كل خير

انا الصراحه لسه متعلم سواقه جديد بقالى شهرين تقريبا والحمد لله طول ما انا قاعد فى العربيه حتى لو واقفه الحزام على طول مشدود عليا ولما بفكه بحس انى تايه فى قلب العربيه :fun_36_3_4[1]:

بحس ان الحزام مخلينى راكز على الكرسى كده وان كل شىء تحت السيطره:049:

بس الصراحه مكنتش بجبر اللى جنبى انه يلبسه بس بعد اللى شوفته مفيش حد هيركب جنبى الا وهاخليه يلبس الحزام شكراااااااااااااااااااااا ا:Oc_sun1[1]:

مشكووووووووور

شكرا يا باشا على الموضوع دا
انا الحمد لله مش بدور العربية غير لما اكون رابط الحزام
وبقول للى جانبى كمان يربطه عشان لو لا قدر الله حصل اى حاجة
وربنا يسترها علينا كلنا

انا بربطه وانا بسخن العربية قبل ما اطلع بيها وكمان بخلى اللى معايا كلهم يربطوة حتى اللى قاعدين فى الكنبة الخلفية

بجد الحزام ده فعلا حاجة مهمة جدا

اقتباس:

---

المشاركة الأصلية كتبت بواسطة nab!l

ياامير ملوش لزمه انك تقول احمق وجاهل
والكلام ده

---

اقتباس:

---

المشاركة الأصلية كتبت بواسطة amir

انا متفهم كلامك بس لازم الموضوع ده بالذات يكون في وضوح و قول الحق
اديك شايف الفيديوهات
فاكر مواضيع حزام الامان كان بيتقال فيها ايه؟
انا شادد حيلي بقي المره دي علي اي حد بيحب يقاوح علشان يسكت و الناس تستفاد

---

عجبنى اسلوبك فى الاستهزاء بالاعضاء وتجريحهم وسبهم
مشكور على كلامك اللطيف

اقتباس:

---

المشاركة الأصلية كتبت بواسطة kasten

عجبنى اسلوبك فى الاستهزاء بالاعضاء وتجريحهم وسبهم
مشكور على كلامك اللطيف

---

انت مسيء الظن بيا انا قاصد النصيحه لوجه الله

تسلم إيدك - فعلا حزام الامان أمان حتى للراكب ورا

نفسي يكون في حلقات تلفيزيونية توعية بالمرور والسرعة وأخطارها واهمية حزام الأمان واسلوب الالقيادة الامنة و لو كل يوم نقلوا حادثة ويحللوها ويبينوا ان السبب السرعة او ان حد مخالف المرور زي الماشي عكس الاتجاه او النقل الماشي شمال وعدم الالتزام بالحارة المرورية

في السعودية ودول الخليج كان في زمان برنامج يومي اسمه ( قف ) كان عبارة عن برنامج للتوعية المرورية

http://www.youtube.com/watch?v=y_k6wTfS9B8

والله محتاجين زن على الودان بالرامج دي زي برامج تنظيم الاسرة وشلل الاطفال ووقفة مصرية وغيرها من البرامج الغير مفيدة ببرامج تحافظ على ارواح الناس بجد.