الموضوع: لو أنت بتشتغل بره مصر تشتري عربيه ولا تأجر

المشاركة الأصلية كتبت بواسطة raouf

والله انا نفس ظروفكم
ووصلت لاحسن حلين :
1- بانزل بعربية كل اجازة والمشكلة الوحيدة اللى بتواجهنى بلطجية وحرامية المرور
2- وده حل كويس بس عايز حد فاهم يساعدك وهو تشترى كل سنة عربية مستعملة وتبيعها قبل ما تسافر بخسارة 1000-2000 جنيه بس لازم يكون ليك حد فاهم فى مصر قبل رجوعك يظبطلك عربية حلوة وبكده كل سنه هتركب عربية مختلفة

النزول بالعربيه مستحيل بالنسبالي لأن ظروف الشغل مكن أرجع في أي وقت لظرف طارئ في الشغل وذي حضرتك قولت مش هنسلم من البلطجيه

المشاركة الأصلية كتبت بواسطة محمد عز

نفس المشكلة اللى بتقابلنى

تشترى ولا تاجر

تشترى يعنى بتخسر فلوس دلوقتى وبعد كام سنة العربيه هتبقى مش جديدة ده غير الركنه اللى هتكلفك فلوس علشان لازم تحطها فى جراج

الايجار ، بتركب عربيه جديدة او مختلفه كل مره بس بتدفع مبلغ كبير بس يتريح دماغك ، ولمزيد من راحة الدماغ تاجر من شركة محترمه علشان لو حصل حادثه او اى مشكله فى العربيه انت السبب فيها بتخسر مبلغ من 200 ل 300 دولار وده يعتبر مبلغ صغير جدا

لو قارنتوا بالشيك اللى تمضيه مع مكاتب الايجار التانيه وترحم نفسك من الوقوع تحت رحمة مكتب ايجار معندهوش اخلاق او ذمة

لحد دلوقتى لسه مش لاقى حل

اشترى ولا اجر

انا عندى فكره حلوة

احنا نجمع الناس اللى مسافرة فى نايل موتورز

يعنى مثلا 8 اشخاص كل واحد يستعمل العربيه شهر ونص

نشترى عربيه اتوماتيك بنت حلال فى حدود ال 110 الف وكل واحد يدفع 15 الف

وال 10 تلاف الباقيين لصيانات العربيه والترخيص وخلافه

ب 15 الف ممكن تركب العربيه 4 سنين لقدام ونبيعها بعد اربع سنين ب 48 الف يبقى نصيب كل واحد 6 الاف

يبقى انت كده ركبت عربيه فى اربع سنين ب 11 الف يعنى السنة الواحدة ب 2750 بدلا من 8000 جنيه

مجرد فكره ، اكيد ممكن يبقى فيه مشاكل لتضارب المواعيد وحاجات تانيه

على فكره أنا اجرت من europcar بعد مسألتك قبل كده هما كويسين بس العربيه عفشتها كانت منتهيه

المشاركة الأصلية كتبت بواسطة som3aa

أجر طبعا احسن بكتير اوى من الخسارة فى عربية جديدة و لا حتى مستعملة و تركنها.
نحسبها 200*45=9000 .
يعنى فى 7 سنين تكون جبت تمن الفيرنا و بعدت عن مشاكل الصيانة و وفرت الركنة و رفع العربية و ريحت دماغك

اما لو اشتريت عربية على الاقل هتشترى فرنا ب 62000 يعنى هتدفع 62000 الف كاش و هتدفع ترخيص للعربية حوالى 1500 كل 3 سنين يعنى فى ال7 سنين حوالى 3500 جنيه (حوالى 500 فى السنة) غير الركنة قول 150 فى الشهر اقل حاجة فى جراج يعنى 1800 فى السنة (12600 فى 7 سنين) , غير الصيانة قول 300 جنية فى السنة (2000 فى 7 سنين) .
يعنى من الاخر هتدفع بتاع 80000 فى 7 سنين و لو جيت بعت العربية وقتها نقول هتجيب 35000 يبقى انت كدا وفرت 15 الف فى 7 سنين فدام انك خسرت راحة فى ترخيص و ركنة و الاهتمام بالعربية و تغيير الكاوتش كل شوية و توديها التوكيل لتغيير الزيت كل ما تيجى مصر و حاجات كدا و المكسب هيكون فى انخفاض قيمة الفلوس بمعنى انت بتدفع 9000 جنيه فى السنة و كل سنة قيمتها بتنخفض انما ال62000 بتدفعها مرة واحدة و تدفع عليها حوالى 3000 جنيه كل سنة و فى الاخر هتسترد 35 الف هيكون قيمتها ولا حاجة يعنى فى الاخر هتتطلع كسبان لما تأحر.
دا غير طبعا ان أيجار الفرنا مستحيل يتكون 200 فى اليوم و لو جربنا المثل دا على لانسر مثلا هتتطلع كسبان مليون فى المية.

أنا ميال لرأي حضرتك بردو بس طلعت في دماغي أشتري سيراتو المشكله الوحيده في الإيجار لو خبط العربيه ولو اجرت من شركه كبيره الأيجار غالي شوية بس مشكلتي كانت مع النمر السياحه
في ناس تستغل الموضوع ويفتكرك سايح واشتغالات للصبح والناس تبص عليك كأنك من كوكب تاني واحد مره قلي متطلع ياسطي مع أني كنت مإجر ميجان بس عليها نمر سياحه