:S_thum1[1]:
عرض للطباعة
موضوع مفيد..
بس انا برضه ضد الإيجار في مصر ...
انا مع انك تشتري عربية و تسيبها لأبن حضرتك مثلاً يستخدمها... و لما تيجي تستخدمها انت او مع اي حد ثقة يدورها و يحركها كل اسبوع في مشوار بسيط ولا حاجة....
بص يا باشا أنا اشتريت ماتريكس في ٢٠٠٨ و رافعها في جراج كويس و بصراحه انا مريح دماغي كده احسن مانزل و اقعد ادور علي حد يأجرلي و شيكات و كلام كبير.و ان شاء الله ناوي ابيعها كمان كام شهر كده عشان ماخسرش فيها كتير لأن طبعا لما الموديل يقدم السعر هينزل و لما ابيعها هبقي اجيب حاجه احدث و هكذا لحد لما استقر في مصر ان شاء الله.
شكرا يا جماعة على الردود بس أنا لسه محتار على العموم أنا بأجر من شركه كبيره من غير شيكات ولا حاجه بس معظم الناس اجمعت على الشراء
يا فندم حضرتك مثلا نفترض انك نازل مصر بكره
تشترى عربية ليها سوق فيرنا مثلا
فيرنا موديل 2007 ب 52000
تقعد شهر او شهرين و بعدين تبيعها هتخسر فيها بالكتير الفين او تلات الاف
شوف يا زعيم
انا كنت في نفس المشكله ده قبل ما ارجع الكويت سنه 2005
كان معايا كرولا 2002
حسبتها لقيت ان رفع العربية و ايجار الجراج اللي هترفعه فيها كان هيكلف ساعتها في حدود من 150-200 جنيه شهريا و بخبرتي مع الجراجات فرصه انك ترجع تلاقي العربية مخبوطة او فيها حاجة كانت عاليه و شوف بقي حرقة الدم من موقف زي ده تسوي كام غير تمن بطاريه جديده كل سنه و مصاريف الصيانة و خلافه.
ده غير ان و لاي ظرف نزلت فجاه او لمده قصيرة انسي العربية تنزيلها و تظبيتها و رفعها تاني قبل ما تمشي هياخد وقت
المهم اللي وصلتله اني بعت العربية و جابتلي ساعتها 90000 عملت بيهم شهادات استثمار و بالعوائد باجر عربية لما انزل
اهم حاجة تتعامل مع مكتب ايجار كبير و محترم و يكون مامن علي عربياته و من غير حوار الشيكات و خلافه و تبص علي العقد كويس قبل ما تتفق
ارجو وضع اسماء الشركات المحترمة والتى يمكن التأجير منها دون شيكات او ايصالات امانة او ماشابه ويكون بها تأمين شامل حيث اننى اعانى من نفس المشكلة
وجزاكم الله كل خير