الموضوع: لو أنت بتشتغل بره مصر تشتري عربيه ولا تأجر

بص يا باشا أنا اشتريت ماتريكس في ٢٠٠٨ و رافعها في جراج كويس و بصراحه انا مريح دماغي كده احسن مانزل و اقعد ادور علي حد يأجرلي و شيكات و كلام كبير.و ان شاء الله ناوي ابيعها كمان كام شهر كده عشان ماخسرش فيها كتير لأن طبعا لما الموديل يقدم السعر هينزل و لما ابيعها هبقي اجيب حاجه احدث و هكذا لحد لما استقر في مصر ان شاء الله.

شكرا يا جماعة على الردود بس أنا لسه محتار على العموم أنا بأجر من شركه كبيره من غير شيكات ولا حاجه بس معظم الناس اجمعت على الشراء

المشاركة الأصلية كتبت بواسطة som3aa

أجر طبعا احسن بكتير اوى من الخسارة فى عربية جديدة و لا حتى مستعملة و تركنها.
نحسبها 200*45=9000 .
يعنى فى 7 سنين تكون جبت تمن الفيرنا و بعدت عن مشاكل الصيانة و وفرت الركنة و رفع العربية و ريحت دماغك

اما لو اشتريت عربية على الاقل هتشترى فرنا ب 62000 يعنى هتدفع 62000 الف كاش و هتدفع ترخيص للعربية حوالى 1500 كل 3 سنين يعنى فى ال7 سنين حوالى 3500 جنيه (حوالى 500 فى السنة) غير الركنة قول 150 فى الشهر اقل حاجة فى جراج يعنى 1800 فى السنة (12600 فى 7 سنين) , غير الصيانة قول 300 جنية فى السنة (2000 فى 7 سنين) .
يعنى من الاخر هتدفع بتاع 80000 فى 7 سنين و لو جيت بعت العربية وقتها نقول هتجيب 35000 يبقى انت كدا وفرت 15 الف فى 7 سنين فدام انك خسرت راحة فى ترخيص و ركنة و الاهتمام بالعربية و تغيير الكاوتش كل شوية و توديها التوكيل لتغيير الزيت كل ما تيجى مصر و حاجات كدا و المكسب هيكون فى انخفاض قيمة الفلوس بمعنى انت بتدفع 9000 جنيه فى السنة و كل سنة قيمتها بتنخفض انما ال62000 بتدفعها مرة واحدة و تدفع عليها حوالى 3000 جنيه كل سنة و فى الاخر هتسترد 35 الف هيكون قيمتها ولا حاجة يعنى فى الاخر هتتطلع كسبان لما تأحر.
دا غير طبعا ان أيجار الفرنا مستحيل يتكون 200 فى اليوم و لو جربنا المثل دا على لانسر مثلا هتتطلع كسبان مليون فى المية.

مظبوط كلام حضرتك لو هتشتري جديد

المشاركة الأصلية كتبت بواسطة horas3000

شوف يا زعيم
انا كنت في نفس المشكله ده قبل ما ارجع الكويت سنه 2005
كان معايا كرولا 2002

حسبتها لقيت ان رفع العربية و ايجار الجراج اللي هترفعه فيها كان هيكلف ساعتها في حدود من 150-200 جنيه شهريا و بخبرتي مع الجراجات فرصه انك ترجع تلاقي العربية مخبوطة او فيها حاجة كانت عاليه و شوف بقي حرقة الدم من موقف زي ده تسوي كام غير تمن بطاريه جديده كل سنه و مصاريف الصيانة و خلافه.

ده غير ان و لاي ظرف نزلت فجاه او لمده قصيرة انسي العربية تنزيلها و تظبيتها و رفعها تاني قبل ما تمشي هياخد وقت

المهم اللي وصلتله اني بعت العربية و جابتلي ساعتها 90000 عملت بيهم شهادات استثمار و بالعوائد باجر عربية لما انزل

اهم حاجة تتعامل مع مكتب ايجار كبير و محترم و يكون مامن علي عربياته و من غير حوار الشيكات و خلافه و تبص علي العقد كويس قبل ما تتفق

شكرا أنا غالبا بتعامل مع أباظة عندهم تأمين شامل