لو أنت بتشتغل بره مصر تشتري عربيه ولا تأجر

**ابو فرح** · 27-04-2010 09:32 PM

تأجر طبعا وتريح الدماغ

**m_kamal** · 13-05-2010 11:03 AM

أنا عن نفسى بنزل بعربيتى كل اجازة
و الحكاية دى مريحانى فى مصر بصراحة
بس طبعا المشكلة كلها بتبقى فى طريق السفر و الرجوع

**ehabbasha30** · 25-07-2010 04:33 PM

المشاركة الأصلية كتبت بواسطة أحمد كمال

اي شركة عالمية زي budget, avis, hertz, thrifty

و احجز مسبقا من عالموقع بتاع الشركة بيبقى ارخص كتير

و طبعا لازم كريدت كارد و رخصة مصري سارية (لو مصري او اجنبي مقيم مع اثبات الاقامة) او رخصة دولي سارية (مع اثبات الجنسية و التاشيرة انها مش اقامة)

ياريت لو تقوللى انواع السيارات عندهم واسعار التاجير لمدة شهر او شهر ونص
ولو امكن تليفونات وعناوين
معلش هتعبك معايا

**omaroof** · 26-07-2010 05:14 AM

نفس مشكلة كل المغتربين
كان عندى نفس المشكله وكان الحل فى الاول الايجار طبعا ولكن له مخاطره عند حدوث اى شئ للعربيه انته كاتب شيك على بياض يعنى لازم تتصلح ووقفة العربيه عند التصليح بتدفعها اكن العربيه انته لسه ماجرها
الحمد لله ماحصلش معايا حاجه من دى لكن الايجار كان غالى وسايق خايف العربيه يجرلها حاجه
2- انك تشترى عربيه ومعظم اجازاتك بتبقى الفلوس اللى معاك نازل تعمل بيها حاجه موش عاوز تحطها فى عربيه خصوصا للمغتربين عارفين ان القرشيت اللى نازل بيهم بيبقو يادوب
فالحل ايه؟
انك تجيب عربيه مستعمله ورخيصه تقضى بيها الاجازه اما اذا ربنا سهلهالك شويه جيب حاجه صغيره وزيرو عاشان ماتدخلش فى دوامة الخسائر (خسارة التصليحات وخسارة وقفتها وكمان ماحدش يطمع فى سرقتها) فكان اختيارى للماروتى المدام تستخدمها وفى نفس الوقت زيرو ملهاش اعطال المستعمل
لكن الحل ده ماينفعش بعض الناس اللى عاوزه عربيه للمنظرة فى الاجازه

**fadod** · 26-07-2010 07:48 AM

الموضوع داه في الجول ..لأن مجربه وحاسه..
الموضوع انك نازل تقضي أجازه وأكيد البلد اللي إنت كنت فيها سواء أوروبية أو عربية ..كنت راكب فيها عربية أنضف واحسن بكتر من معظم العربيات اللي بتتاجر في مصر. أنا ماقلتش كل أنا قلت معظم العربيات
بتنزل مصر تلقي العربيات غاليه نار ، صغيرة جداً كمساحه، إمكانيات تعبانة..وشيكات علي بياض ...ومشاكل ..عن تجربة
في 10 أيام غيرت 3 عربيات وخسرت فلوس ..أول عربية فيرنا 2007 ، قالي ليك في إليوم 100 كم ، وبعد كده كل كيلو بجنيه ونص ، العربية بسوقها خبط ورزع ، يعدي مني u ترن اللي بعده بكام كيلو .يعني لقيت نفسي ال-100 كلو دول ولا حاجة ، ولو فسحة برا القاهره إنسي.. واجرها 160 إليوم ، وشيك علي بياض كان عملي صداع
ثاني عربية اوبترا مش عرف موديلها كام ، بس أعتقد د أول اوبترا نزلت ، تكييف زبالة ولو بتجيب مارش وكاسر العجل علي السلانسيه ،العربية بتطفي..وكاوتش بيتنفخ أخر كل يوم ، وديه ب-150 ، ينفع بقي الكلام ده ، أنا حتي يومها كنت رايح اسكندرية وخفت تعملها معايا ، ركنت العربية الايجار عند محطة مصر ونزلت خدت القطر أبو 50 جنيه..ودفعت أخر إليوم parking لعربية إيجار ..
ثالت عربية قعدت معايا يوم واحد وجبتها لما جبت أخري من الايجار أخر يوم في الاجازة علشان فرح أخويا.كانت جيب لبرتي .تعتبر أحسن عربية بس ايجارها 500 جنيه في إليوم ..
من الأخر تأجير العربيات طلع بهدله غير البلاوي اللي صاحب المكتب يرميها عليك ،،ديه محكوكه من هنا ، مخدوشة من هناك ، أي مصلحه يعملها عليك ،بالذات لما يعرف انك نازل أجازه
ولذلك قررت اني أشحن عربيتي لما أنزل تاني ( لغايه ميفتحو البري) علشان ديه قله أدب

**HISHAM80** · 26-07-2010 09:30 AM

شكلك بتاجر من مكاتب في شركات محترمه بتاجر من غير شيكات وبتعمل الصيانه في مواعيدها لو عايز قولي وأنا إبعتلك على الخاص وبأسعار كويسه الحاجه الوحيده ألي مش عارف هتمشي ازاي موضوع الحوادث أنا بره عملت حادثه وطبعا أترعبت بس الموضوع مخدش نصف ساعه اتعمل محضر والعربيه كانت متاجره وعليها تأمين شامل شركه الإيجار جابت عربيه بديله وبس تخيل لو كان في مصر أيه ألي مكن يحصل حتى لو العربيه عليها تأمين

**horas3000** · 26-07-2010 10:52 PM

فعلا اهم حاجة تنقي المكان اللي بتاجر منه
و طبعا لازم لازم لازم العربية يكون متامن عليها تامين شامل

**ashouhdy** · 27-07-2010 04:31 AM

أنا رأيى تبرشت ع عربية اخوك او اختك او صاحبك ! او ذى ناس قرايبى اشتروا زيرو اللى ع كييف كيفهم و يسيبوها للام او الاب طول السنة و الشهر الاجازة يخدوها يتفسحوا بيها ودة أجمل الحلول

-

الموضوع: لو أنت بتشتغل بره مصر تشتري عربيه ولا تأجر

LinkBack

أدوات الموضوع

عرض

-

-

-

-

-

-

-

المواضيع المتشابهه

لو مش معاك تمن عربيه جديده - يا ترى تشتري قسط ولا مستعمل؟؟!!

لو معاك 150 الف.....تشتري عربيه مفيهاش esp

هل تشتري السياره ذات الماركة و الإسم المشهور أو تشتري ذات الكماليات بدون النظر للإسم

عربيه بتشتغل ببطارية الموبايل ........

لو انت فالكويت تقدر دلوقتي تشتري عربيتين بسعر عربيه

الكلمات الدلالية لهذا الموضوع

المفضلات

المفضلات

ضوابط المشاركة