الموضوع: ارجوا الرد- تركيب كماليات في التوكيل

يا جماعة الحاجات دى موجودة فى التوكيل و مودرن موتورز هو التوكيل الأصلى و الرئيسى للنيسان فى مصر و الصنى 2010 مجهزة لتركيب حساس الركن و كذلك وحدة الرفع و تركيبهم فى التوكيل الأثنين معاً بـ 550 جنيه شاملين مصنعية التركيب و الأثنين قطع أصلية و هم من الكماليات الخاصة بالعربية و بالفعل وحدة الرفع بتقفل الزجاج واحد واحد و لكن هذا للحفاظ على الكتاوت الخاص بالعربية و اليابانيين بصفة عامة يهتمون بزيادة معامل الأمان ووسائل الحماية المختلفة لجميع معداتهم و أجهزتهم و أنا ركبتهم فى مودرن موتورز الإسكندرية و إتصلت قبلها لحجز صيانة الـ 1000 كم و لتركيبهم حيث النظام عندهم لو القطع موجودة بمخزنهم بيحجزها بإسمك و إذا لم يكن هناك مخزون لديهم بيطلبهم من المركز الرئيسى فى القاهرة و بيحددلك ميعاد التركيب و ليس لهذا الموضوع أى علاقة بضمان العربية لا من قريب و لا من بعيد و تركيبهم الأثنين معاً لا يأخذ أكثر من ساعة زمن

المشاركة الأصلية كتبت بواسطة atefadel

انا لسة متصل ب مودرن الهايكستب
و قالي عادي بنركبة
بس قالي لازم الزجاج كلة ميطلعش مرة وحدة يعني وحدة وحدة

على فكره انا اشتريت وحدة الرفع اللى بترفع كل الزجاج (ال 4 ) و هى بترفع واحد واحد بس لما ركبهالى فى التوكيل لقاها بتفصل و مبتكملش رفع فقاللى هنعوز و حدات تانيه و قاللى ياريت تجيب الوحدتين اللى كل واحده بترفع شباكين و اللى الزجاج كله بيرفع مع بعضه يعنى عكس ما قالولك !!! فاشتريتهم ب 80 جنيه و رحت لهم تانى و ركبوهم

و الضمان سنة و مش مشكلة مع ضمان العربية
السنسور و وحدات الرفع ب 660
و كفر المرايات ي الاشارة ب 660 كتير طبعا
و الفرش فية ب 450 جلد
و 550 جلد و قطيفة
عاوز اعرف رايكم و بالاخص وحدات الرفع وحدة وحدة

وحدة رفع الزجاج اللى ركبتها من التوكيل مودرن موتورز الإسكندرية و بتقفل الزجاج واحد واحد و شغالة زى الفل و أنا إستلمت منهم قبل إنصرافى و قمت بفتح الزجاج كله (الأربعة) و قمت بالغلق بيشتغلوا بغلق زجاج السائق أولاً ثم زجاج المجاور للسائق ثم الزجاج الخلفى الأيمن ثم الزجاج الخلفى الأيسر و بعد تركيبهم فضلت ما يقرب من أسبوع كل ما أخرج بالعربية أجرب أفتح الزجاج كله و أجرب و الحمد لله شغالة زى الفل

العيب فى صناعة الوحده اللى انا اشتريتها انا عارف بس اغلب الكهربائيه بتقول بلاش اللى بترفع الزجاج واحد و احد لانها صينى اما الاخر ى اللى بترفع كله مره واحده تايوانى بس اقول برده التجربه خير دليل و ده كلام صنايعيه يعنى ميكانيكيه كلام و اللى جرب دى ولا دى يقول هى عامله ايه معاه

المشاركة الأصلية كتبت بواسطة mohamedhamam

وحدة رفع الزجاج اللى ركبتها من التوكيل مودرن موتورز الإسكندرية و بتقفل الزجاج واحد واحد و شغالة زى الفل و أنا إستلمت منهم قبل إنصرافى و قمت بفتح الزجاج كله (الأربعة) و قمت بالغلق بيشتغلوا بغلق زجاج السائق أولاً ثم زجاج المجاور للسائق ثم الزجاج الخلفى الأيمن ثم الزجاج الخلفى الأيسر و بعد تركيبهم فضلت ما يقرب من أسبوع كل ما أخرج بالعربية أجرب أفتح الزجاج كله و أجرب و الحمد لله شغالة زى الفل

كنت بسأل حضرتك هل في اي سلك ظاهر في حلوق الابواب
او في اي مشكلة واجهت حضرتك في وحدات الرفع
لان تقريبا مودرن هو الفرع الوحيد الي قالي ممكن يركب الوحدات
و قلتلة علي موضوع وحدة وحدة قالي دة لازم علشان امان الكهرباء
وانا واثق في كلام حضرتك و هروح اركبة عندهم

لا يوجد أى سلك ظاهر فى الأبواب و صدقنى بعد تركيبهم لم ألاحظ أى شىء نتيجة عملية التركيب لدرجة أنك ممكن تعتبرها فابريكة مع العربية و ده من الأسباب الرئيسية اللى بسببها ذهبت إلى التوكيل و أنا كنت متخيل أن تركيبهم سيأخذ يوم كامل مثلاً و لكن تركيبهم لم يستغرق أكثر من ساعة