كده اظن ان استهلاك البنزين حلو لعربيه 1600 بس جوه المدينه بتعمل كام فى الظروف العاديه
عرض للطباعة
يا باشا ماهى الظروف العادية دى ملهاش تعريف محدد
يعنى واحد بيجى من اكتوبر لمدينة نصر زى مشواره نصه زحمة و نصه سالك
غير واحد مشاى من الدقى لمصر الجديدة مشواره تقريبا كله زحمة
عشان كده لازم حضرتك تحسبها بالتقريب ..ده كمان الارقام الى بتطلع على كمبيوتر العربية دى متوسطات استهلاك لكل 100 كم ..مش معدل استهلاك لحظى
الى نقدر اقولهولك و اعتقد ان كتير من الاعضاء يتفقو معايا ..انه قياسا على انها 1600 يعتبر معدل معقول جدا ...لو انت عايز اقل من كده لازم تفكر فى حاجة 1300 زى الياريس مثلا و ان كان فرق السعر بعيد قوى
بالتوفيق ...
غريبة جدا الارقام دية أنا الارقام عندى أعلى من كدا.
أنا عامل 5200 كيلو متوسط الاستهلاك 7.9
بقطع مسافة يومية من البيت الى الشغل الصبح ومن الشغل الى البيت بعد الشغل والمسافة حوالى 44 كيلو متر ذهابا وعودة وبسلك صلاح سالم ومتوسط الزمن ذهابا 20 دقيقة وعودة 45 دقيقة. وسافرت مرة واحدة برا القاهرة الى أسكندرية وكان متوسط السرعة 110 كيلو فى الساعة.:b4_048:
أنا حاسس أن أستهلاك البنزين عندى عالى...اية اللى ممكن يتعمل؟؟؟؟؟
قلب العداد وشوف الاستهلاك ده على متوسط سرعه كام
وعشان تحسم الموضوع صفر العداد مره وجرب لمده كام دقيقه على صلاح سالم (يستحسن لو بالليل وفى جزء فاضى من الطريق عشان والاحسن خالص الصحراوى )
بس مع ملاحظه
1- أن الطريق يكون فاضى
2-وأنك تكون ماشى على متوسط سرعه 90 أو 80 كحد ادنى واحسب الاستهلاك فى الحاله ديه اعتقد هيمثل الحد الادنى للاستهلاك عندك وهتلاقيه 5 وكسر على حسب رجلك على الدواسه
السلام عليكم ورحمة الله
و الله يا شباب انا مستغرب جداً للأرقام دى ، مفيش حد قال 10 و لا 11لتر|100كم داخل المدينة ، ده معظم استهلاكى داخل المدينة لا يقل عن القيم دى أنا متأكد ان فيه حاجة عندى غلط. :majd(4):
انا مشاويرى متوسطه يعنى مش طريق سفر ولا زحمه خانقه وبعمل من 7.8 إلى 8 لتر لكل 100 كم
إللي عايز يحسب صح مالوش دعوة بجوه البلد خالص ، يطلع على طريق و يصفر العداد ( كمبيوتر الرحلات )و يبتدي الرحلة بسرعة من 80 إلى 100 و يكون طريق سفر ( يعني مش زحمة ) لمدة نص ساعة مثلا و بالتكييف و لو المتوسط عدى 6 لتر لكل 100 كلم يبقى فيه مشكلة و لو أقل من كده يبقى كله تمام .
السلام عليكم و رحمة الله ...
يا جماعة و الله انا شايف ان التكييف برئ تماما من موضوع الاستهلاك ده لانه بيشتغل بالكهرباء مش بالبنزين.... يعني هو بياخد من الدينمو مش من الموتور بدليل حاجتين:
الاولى ان RPM لا يتغير بتشغيل التكييف او اطفائه
الثانية: انك ممكن تشغل التكييف و انت طافي العربية يعني على البطارية (بس طبعا ده للتجربه فقط و الا هاتلاقي البطارية فاضية في نص ساعة :majd(4):)
بس بالنسبة لمعدل الاستهلاك اعتقد انها حوالي 6-7 ليتر على الطرق الطويلة و 8- 9 ليتر جوه البلد