ابه الافضل بوينتر 2004-2007 او polo 2003-2004 او كوري جديد

السلام عليكم
انا لسه جديد و محتاااار اوي ابه الافضل بوينتر 2004-2007 او polo 2003-2004 او كوري جديد من حيث
1 السعر ( شراء و قطع غيار )
2 تجمبع العربيه و خصوصا ال بولو لانها 1000 سس

و تواجد فطع الغيار
و شكرا

وعليكم السلام ورحمة الله وبركاته

قبل أى حاجه أحب أقولك بلاش تجيب البوينتر خالص لان عرفت من الاعضاء هنا انها برازيلى و قطع غيارها مش متوافره وكمان بطيئه فى التداول غير ان شكلها الخارجى مش زى البولو + برده البولو موديلااات فوق 2001 برازيلى وبطيئه فى التداول وبرده قطع غيارها مش متوافره أوى بس طبعا شكلها أفضل بكتير من البوينتر أذن : بالنسبه للسعر انت ممكن تجيبلك بولو 2000 او 2001 حاله فابريكه بره وجوه وعامله كيلوات قليله أستعمال نظيف متعديش ال 50 حلو + أنها طبعا المانى كلها وتقفيلها أسبانى تقريبا وسريعه فى البيع وموضوع أنها 1000 سى سى دى متخفش منه خالص لانها فى الالمانى ممكن يعادل ال 1300 فى اليابانى أما فى الكورى ممكن يعادل أكتر من كدا كمان ؟
فى حين أنك لو فكرت تجيب كورى جديد هيبقى عندك خيارين فى وجهة نظرى ملهومش تالت لان الاحسن منهم هيغلى كمان وهى البونتو الايطاليه
الخيار الاول : الكيا بيكانتو سعرها زيرو تكييف وراديو كاسيت وباور مانيوال ب 59900 جنيه / ولو جميع الكماليات مانيوال ب 62900 جنيه / ولو جميع الكماليات اتوماتيك ب 69900 جنيه تمام ؟
الخيار التانى : الهيونداى أى 10 نفس الكلام بتاع البيكانتو بس غير بقى الاسعار بالدور اسعارها 58900 , 63900 , 71900 تمام ؟

-أما من ناحية قطع الغيار فأنا برده عرفت من المنتدى هنا ان قطع غيار الكورى زى البيكانتو والأى 10 غاليين مش رخاص يعنى ممكن أوى تلاقى أسعار قطع غيار البولو نفس الرينج بس هنا بقى طبعا فى فرق ان عمرها الافتراضى أطول يعنى الغلو الى انت دفعته أستفدت بيه مش غلو وخلاص وأماكن تواجده أخواتنا الاعضاء بقى يقولولك بس انا عرفت برده من هنا انهم كتير و موجود أصلى وأستيراد وأنواع تانيه تقريبا كل دا حاجه وفرق الركوبه حاجه تانيه خالص سواء بقى ركبت البوينتر او البولو العيون او البولو 2001 كل دول شىء والكورى فى ركوبته شىء تانى وعلى العموم قبل ما تشترى جرب برده تسوق دا ودا عشان برده تبقى مرتاح نفسياً

وارجو أكون أفدتك يا باشا

شكرا جدا ليك . وانا مقتنع جدا بالبولو من حيث الشكل انا كل اللي مخوفني انها ١٠٠٠ سس .وانا نويت ان شاء الله اجيب بولو بس محتار ما بين ٢٠٠١ و ٢٠٠٤ لان ٢٠٠٤ هاتكون اجدد وشكلها احلي .
وعلي فكره بالنسبه للكيلوهات انا مالقيتش غير اللي معدي ال ١٠٠ الف كم فهل ده عادي.
وشكرا تاني

البولو لحد 2001 عليها طلب جامد ولف ودور كويس لحد ما تلاقي حالة كويسه .
بس مافيهاش زجاج كهربا ولا مرايات كهربا للاسف

اقتباس:

---

شكرا جدا ليك . وانا مقتنع جدا بالبولو من حيث الشكل انا كل اللي مخوفني انها ١٠٠٠ سس .وانا نويت ان شاء الله اجيب بولو بس محتار ما بين ٢٠٠١ و ٢٠٠٤ لان ٢٠٠٤ هاتكون اجدد وشكلها احلي .
وعلي فكره بالنسبه للكيلوهات انا مالقيتش غير اللي معدي ال ١٠٠ الف كم فهل ده عادي.
وشكرا تاني

---

لا شكر على واجب يا باشا واى حاجه عايز تعرفها انا فى الخدمه بس على أد معلوماتى طبعا
من حيث ال 1000 سىسى فامتقلقش من النقطه متخليش النقطه دى هيه الى مخوفاك لان زى ما قولتلك قبل كدا ممكن تتفوق على 1300 فى انواع تانيه او على الاقل هتبقى زيها .

اما من ناحية حيرتك فانا قولتلك قبل كدا برده أسباب عدم ترجيحى ليك ال 2004 لأنها على فكره ممكن تكون عجباك أه بس مبتعجبش الفئه العظمى من الناس بس حتى هيه لو فعلا شكلها أحسن على رأيك تكفى معرفتك انها برازيلى وقطع غيارها غير متوافره زى توافر قطع غيار ال 2001 وإنك لو حبيت تبيعها هتتعب على ما تبيعها ولو بعتها ممكن تخسر فيها أكتر من ال2001 دا إذا مكنش أكيد .

وعلى العموم انت لو عجباك أوى و الاسباب دى مش مهمه بالنسبالك يبقى خلاص توكل على الله بس أهم حاجه فى كلا الحالتيين سواء 2001 او 2004 انها تكون حالة نظيفه ومتستعجلش

اما من ناحية انها معديه ال 100 ألف كم فدا تبقى كويسه بالنسبه لل 2001 اما ال 2004 فصعبه شويه لان دى بقالها 9 سنين اهو ودى مكملتش 6 سنين