الحكم دى عجبتنى جدااااا ونقلت ليكم شوية علشان تتفائلوا فى حياتكم وهاتكلم معاكم فى كل واحدة شوية وكل واحد يدخل يقول حكمة عجبتة ويناقش باقى الاعضاء فيها بطريقتة ....
( المنقول باللون الازرق ومناقشتى انا باللون التركواز )



أن تضيء شمعة صغيرة خير لك من أن تنفق عمرك تلعن الظلام
- هاقول ببساطة انك لما تشوف مطب مؤذى قدام بيتك بدل ما تقعد تشتم فى الى عملة طول حياتك ...ممكن تشيلة وتستمتع بالراحة طول حياتك .

كلما ازدادت ثقافة المرء ازداد بؤسه
- لية بنبص للحياة من منظور علمى وثقافى ونقول اسكندرية زحمة اوى واسوان بعيدة اوى والعين السخنة بايخة اوى والقاهرة ملوثة جدااا لما ممكن نبص ليها من منظور الحياة حلوة واسكندرية
مصيف واسوان مشتى والعين السخنة اجازة الويك اند والقاهرة بلدى ....بس طبعا كلة فى حساب دينك وتقاليدك .

لا تفكر في المفقود حتى لا تفقد الموجود

- ماتفكرش فى ان الاجازة الى فاتت ضاعت عليك فى البيت والمشاكل لانك هاتضيع الاجازة الجاية بتفكر فى الاجازة الى فاتتك .

البستان الجميل لا يخلو من الأفاعي
- لما تلاقى حد بيحاول يضرك او ينتقم منك فى الشغل او من الاقارب ف اعرف انك ماشى صح وهوة ماشى غلط ومش عارف يدارى نفسة لان الناس بتقارنة بيك وانت صح .

العمر هو الشئ الوحيد الذي كلما زاد نقص
- ماتقولش انا عاوز اتجوز فى ال30 واخلف فى ال35 واغير العربية فى ال40
لا قول انا عاوز اتجوز واخلف واغير العربية فى ال30 وحاول تحقق كلامك حتى لو كان صعب .
الخبرة .. هي المشط الذي تعطيك إياه الحياة .. عندما تكون قد فقدتَ شعرك

- يعنى الناس الاكبر منك سننا (زى الوالد مثلا) خد الخبرة بتاعتة لانك مش هاتعرفها غير لما تبقى قدة ...
ولما يقولك بلاش اصدقاء السوء وانت تقول اصلة مايعرفهمش دول رجالة ...هاتلاقى نفس الموقف اتكرر معاك انت وابنك باختلاف انك انت الى هاتقول الكلام دة ..وهوة هايقولك اصلك ماتعرفهمش دول رجالة ....وتدور الدائرة

لا داعى للخوف من صوت الرصاص .. فالرصاصة التى تقتلك لن تسمع صوتها.
- المشاكل الى حواليك فى البلد مش هاتأذيك لانك بتقرأ عنها فى الجرايد انها اذت ناس غيرك ... فحافظ على نفسك علشان محدش يقرأ عنك مشكلة ...



إذا كان لديك رغيفان فـكُل أحدهما واشتر بالأخر زهوراً

- مش كل ماتنزل السوق تجيب اكل واكل واكل ....وفى الاخر نقول مش لاقيين ناكل ....شوف انت الاكل الى بيترمى من عندك فى الثلاجة قد اية وصرفت علية فلوس قد اية ....ومحدش بيشوف فائدة منة لانة بيكون بااااظ ....
الزهور هاتترمى اة صحيح بس بعد ما تكون استفدت بشكلها ورائحتها ..مش استغلت مكان فى الثلاجة
يعنى من الاخر هات اكلك على قدك ومتع نفسك على قد ما تقدر

الكلب السعيد يهز ذيله المنافق يهز لسانه.
- الشخص المنافق هايردلك جميلك بطلب يطلبة منك ....اما الشخص الحقيقى هايردلك جميلك بطلب انتة ماطلبتهوش منة ..
.
.
.
.
.
.
.
.
يارب كلامى يكون عجبكم وعاوزين نتناقش فى الكلام دة وكل واحد يقول الى عجبة والى ماعجبهوش