سؤال إلى السادة المتزوجون ؟

**yoko** · 26-04-2010 08:24 AM

المشاركة الأصلية كتبت بواسطة tlrsiap

اي حاجة انت بتهتم بيها او اي حاجة انت معجب بيها , يعني لو بتحب عربيتك , مراتك هاتغير منها , بس على فكرة , في رأيي دي مش اشارة سيئة

فعلا وإحنا مش عاجبنا العجب بتغير من الكومبيوتر والعربيه نقول بتخنق علينا منفضلنا ونعمل الي نعمله نقول مش مهتمة بينا طب يعملوا إيه

الحمد لله لسه مدخلتش القفص

**shaddadfalcon1** · 26-04-2010 10:29 AM

انا والدي والدي كان دايما يقولي وانا خاطب انت هتبقي مشاكلك للصبح مع مراتك بسبب الكمبيوتر
قبل مااتجوز كان والدي بشيل فيوذ الكهربا عشان اطلع من الأوضه واكل وبعدين يشغله تاني من غير مااعرف
وساعات كانو بيسلطو عليا اخويا وكان لسه صغير قوي (3 سنين) فكان يدخل يضغط علي زرار البور ويمشي وانا فاجاه كده الاقي الجهاز بيطفي

اما مراتي فهي معندهاش عربيه بس هتجنن من اهتمامي بالعربيات وبتبقي عايزه تولع في الكمبيوتر ومسمياه ضرتها التانيه
دي حته بتقول لاخواتها اوعو تتجوزو مهندسين كمبيوتر

بس الحمد لله ان مراتي متفهمه وعارفه اني مش بلعب

بس المشكله لما بتدخل وتلاقيني مشغل لعبه (بقولها اني بتعمل منها حاجه عشان اعمل زيها)

**brown-eyes** · 26-04-2010 11:25 AM

المشاركة الأصلية كتبت بواسطة mgazaly

لو مفيهاش تططفل
هوا مش انت فى ايطاليا

ايوه في ايطاليا بس مراتي مصرية بس صدقني الستات كلهم دماغهم واحدة مابتفرقش الجنسية

**gomangy** · 26-04-2010 11:29 AM

لما بتطلب شيء واطنش تقولي ماهو لو كان للعربية ماكنتش نسيت معتبراها ضرته

**zaza_lanos** · 26-04-2010 01:41 PM

ولا الدموع
عربيتى هى مراتى التانية
وفيها مميزات كتيرة عن الاولى وعمرها ماتعملك وحش الا لو اهملتها

**M.Zaher** · 26-04-2010 01:45 PM

المشاركة الأصلية كتبت بواسطة abogogo

لما بتطلب شيء واطنش تقولي ماهو لو كان للعربية ماكنتش نسيت معتبراها ضرته

مشكلتي بالظبط

**M.Mostafa80** · 26-04-2010 01:50 PM

ههههههههههههههههه
الحال من بعضه الكمبيوتر والعربيه عايزه تولع فيهم بجاز
بس مادام كلنا معترفين وحاسين كده يبقى لازم يكون فى وقفه ونديهم حقهم والا الأكياس والشواتير هتطلع

**human** · 26-04-2010 02:01 PM

الموضوع كله ان الزوجه بتدور على اى حاجه جوزها مهتم بيها و تطلع عينه و عين اللى جابوه عشان بيعملها
يعنى لو حضرتك بتقرا كتاب يبقى يا ويلك و سواد ليلك
لو بتحب التليفزيون تبقى قاعد عمرك و سايبها
لو بتحب تتمشى يبقى مالكش شغله غير السرمحه فى الشوارع
لو بتحب تنام يبقى سايبهم و نايم على طول
لو بتحب تقعد مع صحابك يبقى خارج كل يوم و سايب الجاريه اللى جابوهالك
لو بتحب الكومبيوتر تبقى قاعد عليه ليل و نهار و مش مهم شغلك ولا اى حاجه و اكيد فيه واحده شغلاك على النت
لو بتحب عربيتك تبقى انت مش بتحبها و العربيه عندك اغلى منها
لو بتحب التصوير ابقى خلى الكاميرا تنفعك
لو بتحب تتكلم فى التليفون تبقى عامل زى الستات و مش وراك حاجه
لو بتتكلم معاها تبقى رغاى و كل حاجه تحكيها و الحياه ممله
لو مش بتتكلم معاها تبقى انت مش بتحبها

لو اى حاجه هيه هتلاقى حاجه تقرفك بيها

**M.ABDEEN** · 26-04-2010 02:05 PM

لو معملوش كده ميبقوش سيتات ؟؟؟؟؟؟؟؟؟؟

الموضوع: سؤال إلى السادة المتزوجون ؟

LinkBack

أدوات الموضوع

عرض

-

-

-

-

-

-

-

المواضيع المتشابهه

فضفضه للاخوه المتزوجون و غير المتزوجون

السادة خبراء الدايو لانوس سؤال هام ؟؟؟؟؟؟؟؟

هام جدا الى السادة راغبى شراء كيا كارينز و الى السادة المشرفيين على المنتدى

سؤال الى الاخوه المتزوجون

سؤال ال السادة سكان قاهرة المعز ...

الكلمات الدلالية لهذا الموضوع

المفضلات

المفضلات

ضوابط المشاركة