الموضوع: الاتفاق على مكان مقابلة نيسان يوم 30/4 هنا .....

المشاركة الأصلية كتبت بواسطة maka

جى باذن الله

تنور يا فندم وعلى راسنا من فوق كل اعضاء المنتدى المحترمين
وان شاء الله يكون يوم ظريف ونتعرف على بعض

مين جى تانى يا جماعة عاوزين التاكيد على بعض وحصر العدد

المكان دندى مول الصحراوى طريق مصر اسكندرية الصحراوىى

واللى جى من مدينة نصر يفضل ماشى على كوبرى اكتوبر ويدخل دخلة كوبرى ابو العلا ويكمل على طول بردوا لغاية ما يمسك المحور وينزل نزلة المحور والمكان بعد اول نزلة فى المحور عند بنزينة الامارات على الصحراوى

واللى جى من محافظة وجى من طرق اسكندرية الزراعى يطلع الدائرى واكنه رايح على دريم بارك وينزل نزلة المحور

وبردوا اللى جى من المعادى يجى عن طريق الدائرى بتاع المنيب ويدخل من الوصلة الجديدة اللى بتربط بالدائرى بتاع اسماعيلية وينزل من اخر الوصلة دى على طريق دريم بارك وينزل نزلة طريق سكندرية الصحراوى

انا كنت امبارح هناك فى كارفور وشوفت المكان

المكان ظريف جدا وجراند كافيه وسفارى فى صف المطاعم هناك عشان لو حابين حتى ناكل من اى مطعم سواء كان هارديز او كنتاكى او ماكدونلد او التابعى وبعدهانقعد فى الكافية نشرب ونشيش مفيش مشكلة او لو حابين ناكل فى الكافيه ونشرب ونشيش بردوا مفيش مشكلة كله حيكون فى التمام

نتمنى التاكيد على الحضور وبجدية لان باذن لله عاوزين نتجمع ونقعد مع بعض ونتعرف على بعض لان كلكم شخصيات محترمة جدا والواحد بيتشرف لما يتعرف عليكم

وبعدين بعد اول مقابلة كل المقابلات الل بعد كدا حتكون سهلة باذن الله
وانشاء الله يكون يوم ظريف وقعدة جميلة وصحبة روعة,

وباذن الله حيكون معايا الكاميرا وليها استند عشان كلنا نتصور مع بعض
وانا محضرلكم مفاجاة جميلة باذن الله يوم الجمعة عشان خاطر عيونكم

وعلى فكرة يا جماعة بعت على الخاص للعضو محمد ممدوح عشان يشرفنا فى المقابلة , وبصراحة الراجل مكنش ممانع ابدا بس هو زعلان من مداخلة عضو معانا فى قسم النيسان بصورة غير لائقة عليه
مع ان استاذ محمد داخل يبدى رائه ويفيدنا بيه ,

فبصراحة عن نفسى وتسمحولى عن اسرة قسم نيسان انا بعتذر للعضو محمد ممدوح عن اى حاجة زعلته عندنا فى قسم نيسان
وهو بصراحة من الشخصيات المحترمة جدا ومش بيتاخر على اى استفسار او خدمة حد بيطلبه فيها

وعشان كدا عن نفسى يشرفنى انك تكون معانا ومشرفنا فى المقابلة وكل الناس حتكون سعيدة ان حضرتك حتكون موجود معانا وفى وسطينا
وكلنا اخوات فى المنتدى فى كل الاقسام مع بعض
وحتى لو حضرتك مقدرتش تيجى عشان ظروفك , بردوا يشرفنا انك تكون متداخل معانا فى قسم نيسان وتكون منورنا دايما

نتمنى اكيد انه يجى ويكون معانا استاذ خالد , وامير بعتله وقال انه حيحاول يكون موجود
ونتمنى ان لو حد يعرفه شخصيا ومعاه تليفونه يحاول معاه تانى

حتنور يا فندم ولينا الشرف تكون معانا

وانا بعت للناس على الخاص اللى كانت مشاركة فى الموضوع اللى قبل ده
عشان ناكد عليهم
عشان عاوزين اللى يدخل ياكد حضوره عشان الوقت بقا ضيق جدا والمكان محسوم خلاص لضيق الوقت

وكل اللى بيدخل وبياكد حضوره ححصر العدد واكتب الاسامى كلها على الموضوع هنا فى العام وبعد كدا حبعت رقمى ليهم كلهم عشان التنسيق فى يوم المقابلة عشان اللى حيتاخر مثلا او حصل اى ظروف او كدا

عاوزين الحسم بالكتير الاربعاء الظهر مش باليل كمان , لان احيانا المنتدى بيكون مغلق للصيانات ومش بيفتح زى ما حصل معايا امبارح باليل

وبالنسبة للمقابلة حتكون عند الجراج الساحة اللى قدام دندى مول نفسه وفى المعاد اللى ذكرناه وقت التجمع من 3 الى 3:30
وحنقعد فى جراند كافيه او سفارى , مش عارفين لسه , بس الاتنين جنب بعض , فارق بينهم مطعم هارديز على ما اعتقد
, فالرجاء المشاركة بالتاكيد الحضور يا جماعة

وان شاء الله هانت ويلتقوا الاحباب عل خير ويكون يوم جميل