الموضوع: الاتفاق على مكان مقابلة نيسان يوم 30/4 هنا .....

اولا:

تاكيد الحضور : باذن الله معاكم معاكم اكيد وجى انشاء الله
المقابلة : دندى مول الصحراوى
الكافية: جراند كافية او سفارى
اليوم : الجمعة 30/4
الساعة : الساعة 3:30

----------------------------------------------------------
ياريت اللى جى ياخد اقتباس من الكلام ده عشان نبتبدى ناخد ارقام بعض وناكد على بعض بينا ونحصر العدد
----------------------------------------------------------
ثانيا :

مش يوم الخميس نعرف ونحسم الموضوع لان مينفعش نحسم الموضوع قبلها باليلة عشان ميبقاش فى بلبلة والناس تكون استقرت على المعاد والمكان
ومن راى يكون اخر معاد ناكده على بعض يوم الاربعاء ويكون قبل كدا لو قدرنا
عشان عاوزين نركز فى نقطة العدد ونبتدى نحصره

ثالثا:

بالنسبة للمكان لو اقترحتوا مكان تحت البيت عندى حختار بردوا دندى مول وده لسبب اقتراب المعاد يوم الجمعة وعشان اتفقنا عليه من الاول خلاص , وكان مفروض الاستطلاع ده يكون من بدرى شوية من اول ما د.امير اقترح الموضوع فى البداية وقولنا على المقابلة
وكمان احنا قولنا مفيش مكان قريب من حد ابدا لحد , ودندى مناسب من ناحية الركنة ومن ناحية ان فى مطاعم كتيرة , ومن ناحية ان فى سوق كبير عشان لو حد جاب اسرته معاه وسابهم فى السوق

رابعا:

-احب اوجه شكرى لكل الناس اللى حابه تيجى المقابلة من قسم نيسان ومن الاقسام الاخرى, وفعلا حيكون يوم ظريف باذن الله

-واحب اوجه شكرى بردوا للعضوhanyelrakhawy الدكتور هانى الرخاوى على مجهوده ايضا ونزوله وسؤاله على الامكان , وده بياكد عزيمتنا فى اننا نتقابل ونتعرف على بعض واتمام المقابلة على خير

-وطبعا بردوا بشكر كل الناس اللى بذلت مجهود فى اننا نتجمع على خير

خامسا :

بالنسبة الى المكان فى دندى مول وعلى موضوع ايه الكافيه المناسب
عن نفسى بختار كافيه يكون كبير ويكفى العدد باذن الله
وعن نفسى برشح جرند كافيه الصحراوى اوسفارىنظرا لكبر المكان على كلامكم لانى مروحتش ولا شوفت حاجة لسه