صحاب جين 2 محترمين

**ayman_83** · 26-04-2010 03:05 AM

ازيكو يااحلي جيناويه
من كام يوم كنت قاعد قدام المحل ولاقيت عربيه جين 2 2008 واقفه عند بتاع الورد اللي قدامي بتتزوق
المهم رحت وكان في شابين ذوق واقفين جنبها ودخلت عليهم دخلت مخبرين (قصدي ظباط )
وقلتلهم مين صاحب العربيه دي التنين ردو وقالولي انا
رحت قايلهم ايه رايكم في العربيه دي عشان انا عايز اجيبها ان شاء الله
قالولي هاتها وعمرك ما هتندم وقالولي هما عاملين بيه 90000 كيلو في سنتين والعربيه مشتكتش منهم في اي حاجه وشكرولي فيها بطريقه خلتني اعشقها اكتر واكتر وقالولي الاحسن اني اشتريها زيرو عشان اريح دماغي من كل حاجه
ونصحوني اجيبها اتوماتيك عشان اريح واسهل قالي من اول ماتنزل من البيت لحد ماترجع وانت جايبها علي(d) بس انا عايز اعرف منكم في فرق في استهلاك البنزين من المنوال والاتوماتيك وهل فيه اي مشاكل او عيوب عشان انا خلاص اتخنقت وخايف علي نفسي اغلط مع اي عربيه جين 2 مش بمسك نفسي قدامها
وايه رايكو في اللون الابيض وناوي اجيبها تقسيط وامري لله

**Ayman_52** · 26-04-2010 04:24 AM

اهلا بيك يامعلــم ... كنت صورتلنا جينا وهى متزوقه كده للذكره :)

بخصوص استهلاك البنزين الاوتو اعلى شويه ... و اظن السبب الاكتر للاستهلاك هو اسلوبك فى السواقه , اللى هيخليك تحسم قرارك بين الاوتو والمانيوال هو طرقك اللى بتمشى فيها وانت بتحب سواقه انهى اكتر ... وبخصوص الفتيس مافيش فيه اى مشاكل والحمد لله اعتمادى جدا .

وبخصوص اللون الابيض هو جامد عليها جدا جدا ... بس التوكيل صعب يجيبوه فانت لو نويت عليه فعلا واستقريت عليه خلاص ... لازم تروح التوكيل وتطلبها منهم يجبهولك مخصوص لان اللون دا مش بيتجاب غير بالطلب وقليل جدا .

وربنــا يوفقك وتستلم على الف خير -ان شاء الله-

تحيـــــــــــــاتـــى

**ayman_83** · 27-04-2010 04:03 AM

ازيك يامن والله انت باشا في كل حاجه سرعه ردك وطريقه ردك روح ياشيخ ربنا يخليك لينا ويخلينا ليك بس قولي انت رايك ايه في لون احلي عليها من الابيض ولا ايه رايك بيبان فيه التراب والتجريح ولا ايه

**eslam_wega** · 27-04-2010 04:13 AM

الابيض تحفة بس عايز اهتمام زيادة

**Ayman_52** · 27-04-2010 04:25 AM

المشاركة الأصلية كتبت بواسطة ayman_83

ازيك يامن والله انت باشا في كل حاجه سرعه ردك وطريقه ردك روح ياشيخ ربنا يخليك لينا ويخلينا ليك بس قولي انت رايك ايه في لون احلي عليها من الابيض ولا ايه رايك بيبان فيه التراب والتجريح ولا ايه

انا عن نفسى بحب جينا فى كل الوانها ... بحبها فى كل حالاتها ... انا بحب جينـــا

.
.
.

نتكلم بجد شويــا

شوف يامعلــم انزل التوكيل وروح عالمخازن واتفرج على جينا بكل الوانها وشوف ايه اكتر لون حاسه انه قريب منك ولايق مع شخصيتك

شوف كده اللون دا ... جامد ومش منتشر وبيجى باعداد قليله

ربنا يوفقك وتحجز وتستلم على الف خير -ان شاء الله- , واحنا تحت امرك فى اى استفســــــار

تحيــــــــــــــاتــى