الموضوع: السرقة بانت و وضحت زى قرص الشمس على أفه الفلاح (يا نصابين هتروحوا من ربنا فين)

بصراحة دمى فاير زى الفوار سواء بتاع حموضة أو فوار بتاع أملاح
الموضوع بأختصار كنا بنتكلم من حوالى كام شهر كدة عن عربية أسمها Byd F1
و دى التعديل للسيارة Byd F0 الصينيه يعنى من الواضح أن Byd F1 أفضل من الـF0
المهم دا كان الموضوع و سعر الـFyd F1 يبلغ 3 ألاف دولار
هنـــا
فمن الطبيعى بما ان Byd F1 تعديل Byd F0 فأكيد الـByd F0 أقل فى السعر حتى لو أشياء بسيطة
مش دى المشكلة يا عم عديــــــــــها نقول برضة إنها بـ3 ألاف دولار زى أختها المعدله عليها




طيب أستنوا قبل الصدمه شوفوا الصور
دى الـByd F1 المعدله من F0






طيب و دى الـByd F0 النسخه الأولى من Byd F1
يعنى الغير معدله









طيب نحسبها يا عم مفيش مشاكل سعر الدولار قول 6 جنيه
طيب 3 ألاف جنيه فى 6 جنيه يعمله من غير كلام 18 ألف جنيه طيب عالبركه
طيب المحرك كام يا عمنا قالك 1000 سى سى
طيب هوووووووووب بقدرة قادر توكيل الامل يقولك السعر كام بقى ؟
هووووووووووب نسمع كلمة حلوة كدة
42,900 جنيــــــــه
يعنى العربية إلى سعرها فى بلدها و فى أوروبا 3 ألاف دولار يعنى 18 ألف جنيه مصرى
هنا بقيت بـ42,900 جنيه يعنى المكسب كام بقى يا حلوين ؟
42,900-18,000=24,900 جنيه دا المكسب طيب أزاى المكسب من (جمارك-ضرايب-وكيل) يكون سعرة أغلى من العربيه نفسه !!؟؟



و أنا كمان أدفع المبلغ دة ليه يعنى من غير كلمة صينى ولا يابانى ولا أوروبى أنا بتكلم عن النظام
أنا أدفع كل دة ليه و أنا واثق أن الحاجة دى سعرها ميتكلفش نص إلى بدفعه و أبقى فرحان أنى أتضحك عليها فى 25 ألف جنيه و هيـــــــــــه هيـــــــــــه أنا جيبت عربية وأتضحك عليا بجد حاجة تفقع المرارة و جمارك نصابه و ضرايب نصابه و وكيل معندوش دم حرامى و فى الأخر خالص المستهلك أو العميل مغفل بيشترى و يلا نفسى مفيش ترابط بين الناس و كل إلى معاه قرشين بيلحق يشترى بدل ماتغلى لما الأقبال يزيد عليها لان مفيش ثقافة تجارية ولا عقليه حتى عشان تفكر و بعد كدة الوكيل يهزقة لما العربية تتعطل ولا يروح يعمل الصيانه كأنه شاحتها منه



يا ريت إلى شايف فى نفسه أنه مش عايز يشارك فى حمله تكمله مسيره خليها تصدى
هنا الجروب
و إلى مش عايز براحته أنا مش هضرب الناس على أيدها بس يا ريت نفوق بدل ماولادنا لما يكبروا يقولوا أنتوا السبب زى ماحنا بنلعن الجيل إلى قبلنا و إلى قبلنا كان بيلعن إلى قبله و هكذا تكتمل السلسله


أنا أتخنقت من المنظومات دى بصراحه أنتوا أية رأيكم ؟