-
شكرا لكم جميعا على شعوركم الطيب لان كل واحد فينا معاه عربيه بيقدر حاجه زى دى وربنا ما يكتبها على حد منكم ابدا لان الخربوش فى العربيه الزيرو بيزعل جدا.
ولكن الحمد لله ان ربنا ستر ورحمنى والخبطه كانت ورا فى الشنطه وفى جنب واحد وقدر الله وما شاء فعل.
بالنسبه ليه انا رحت لسمكرى كويس وشافها وقال لى تعالى بكره علشان اعملها لك براحتى هايرد الصاج اللى ورا الاكصدام (المرايه) ويفرد الشنطه على البارد وبالنسبه للاكصدام هايلحمه ويرده ويرجعه لأصله وان شاء الله بعد مايخلص هاقول لكم ايه اللى حصل.
وطبعا المصاريف هنا مش هيه المشكله ولكن المشكله هو الشغل فى العربيه وان فيها مكان اصبح مشغول ولكن ان شاء الله مش هافكر فى البيع وربنا مايحوجنا لبيعها ابدا.
وشكرا لمروركم مره ثانية
-
ربنا يعوض عليك و الحمد لله علي كل شيء
شوف سمكري شاطر و اشتري الفانوس و الموضوع بأذن الله يتلم من غير مصاريف كتير
لو الخبطة بسيطة بمعنى انك شايف ان ممكن سمكرى شاطر يلمها يبقا بلاش التوكيل واعملها عند سمكرى شاطر بره
-
الحمد لله و قدر الله و ما شاء فعل و ربنا يعوض عليك و إن شاء الله ترجع زى الأول و أحسن كمان
و بالفعل النهاردة الواحد كل ما ينزل مشوار بالعربية بيعانى الأمرين و بعد رجوعه من مشواره بالسلامة بيتشهد على رجوعه سالم و الله هذه حقيقة وليست مبالغة
ناس سايقة عربيات و مترددة مش عارفة تمشى إزاى و عربيات الميكروباص بيسابقوا الزمن مع أنهم لن يأخذوا أكثر مما سيرزقهم به ربهم و عربيات نقل سائقيها مدمنين مخدرات بالإضافة إلى الشوارع المكسرة الغير أدمية و البالوعات المفتوحة و ربنا يكفينا شر طريقنا و شر أخطاء الأخرين
-
حمد الله على سلامتك و مش مهم العربية و ان شاء الله تتصلح و ترجع زي الاول و احسن و اعرف ان ربنا بالحادثة دي بيبعدك عن شئ اكبر و متنساش تقول اللهم اجرني في مصيبتي و اخلفني خيرا منها
-
لاحول ولا قوة إلا بالله .. ربنا يعوض عليك والحمد لله جت على كده
-
قدر الله و ما شاء فعل
طبعا الخدش لما بيبقى على عربية جديدة بيبقى مؤلم جدا
فربنا يجزيك عن صبرك خيرا
و ان شاء الله ترجع زى الاول
-
الحمد لله على سلامتك
اللى يجى فى الريش بقشيش واهم حاجه سلامتك
واشكر ربنا انها جت فى الصاج هي هتتكلف صحيح بس هتعمل ايه
انت فى مصر وده حال الطرق فيها
-
قدر الله وماشاء فعل والحمد الله انها جت على قد كده وربنا يحفظك ويحميك ويكفيك شر الطريق....
-
لاحول ولا قوة الا بالله اللهم اجرني في مصيبتي واخلفلي خيرا منها
الف سلامة عليك التيدا فعلا عربيه نجمها خفيف وبتتحسد بسرعه ربنا يعوض عليك ان شاء الله
-
قدر الله وما شاء فعل
الحمد لله إنها جت في الحديد المه إنك سليم و أهلك سلام ولله الحمد
Content Relevant URLs by
vBSEO 3.6.0 PL2