الحمد لله كترنا لدرجة أننا بقينا بنتلغبط في بعض

السلام عليكم
في الأول أحب قولكم أني ضد الموضوعات الغير مفيدة للجميع(المواضيع الغير موضوعية) بس أنا بقولكم على ظاهرة والحمد لله تأكدات بالموقف دا
الظاهرة هي أن عربياتنا الحمد لله بدأت تنتشر بقوة نقدر نقول أنها تقريبا بقت متواجدة بنسبة قريبة جدا للماذدا 3 والكورولا وأكتر شوية من الأوبل والانسر الشرك والكروز والرينو ميجان (طبعا أنا بتكلم من ناحية العدد في الشارع مش كإمكانيات علشان محدش يزعل مننا)
الموقف ركنت وسط كم هائل من العربيات يوم السبت اللي فات عند منطقة محلات مستلزمات كمبيوتر فمصر الجديدة وكانت واقفة قدامي لانوس المهم نزلت قديت مشوايري ورجعت للعربية من الجنب عيني راحة على خبطة رهيبة في الباب الخلفي شمال والرفرف لانهم كانوا من ناحية الشارع وقمت حاطت إيدي على قلبي وقلت البلد دي ميتركنش فيها وأنا واقف جنب العربية باصص على الخبطة لقيت السايس جالي وقالي (هي دي عربيتك عربيتك اللي قدامها أو اللي قودامها ) رجعت خطوة بصيت على صالون العربية دي لقيتوا مش بتاعي جة فبالي كمان الخبطة غيرت الصالون :eee: بصيت على اللي قودامها ذي مقال السايس دا لقيت فعلا عربيتي اللي قودامها ذي ما هي الحمد لله جاللي السايس طبعا يدنجل وقاللي (مينفعش تتخبط عندنا يابيه هو أنا بلعب مع أني مشفتوش وأنا بركن) وكمان كان في واحدة جت تلني أودامي بقنا أحنا التلاتة جين 2 أسود لو العضو صاحب العربية اللي كانت مخبوطة مشترك معانا وحابب أنوا يصلح عربيتوا ومحتاج مساعة ياريت يكلمني ممكن أساعدوا
المهم أننا خلاص بقينا نتواجد بقوة فياريت يكون في عوامل تحفيذية أكتر لزيادة الإنتشار دا يبقى مسؤلية كل واحد بقى في منطقتة الناس بتوع التوكيل يشدوا حيلهم شوية وبتوع المبيعات كذلك وكمان تجار قطع الغيار لو متواصلين معانا ياريت يخدوا بالهم مننا شوية ويبقوا عارفين أن العربية بقى عليها طلب فيخفوا أديهم علينا فالأسعار والا هما يهمهم أن أرقام تليفوناتهم تكون موجودة بس لازم المنفعة تبقى متبادلة بين الجميع وإلا بلاش منها........ لو في أي حد بينصح حد أو يستشيروا(إن كان فقطع غيار أو إصلاح أو حتى إقتناء العربية) فدي مودة وثوابها عند الله لكن أن يكون في محل أتعرف عن طريقنا وكسب مئات الأضعاف من غير ما يفيدنا بأسعار كويسة لا معلش دا لو في مستورد جديد فالبروتون ممكن يتشجع لما يلقينا بقنا فزيادة وإقبال يمكن يشتغل فقطع غيارها وأحنا كمان نشجعوا أو حتى التوكيل نفسوا يبص أننا بقينا وليمة كبيرة لا مينفعش
وأحنا كمان ياجماعة المفروض نشيل من دماغنا موضوع زيادة السعر اللي كان أتعرض قبل كدا بلاش نعيش نفسنا فالمود اللي ممكن نصحا نلقيه واقع
منتظر ردودكم وحتى لو فيها معرضة

الحمد لله انك سليم

و فعلا العربيه بدأت في الانتشار خصوصا بعد البرسونا بس مع ذلك بردو بحس ان انا ديما مميز بالعربيه

مش زي السيراتو
:b4_033:

بس برضه لسه مخدتش حقها زى عربيات تانيه نزلت بعديها وانتشرت جدااا... :049: وده بسبب ان ملهاش دعايه زى كل العربيات لكن هى شقت طريقها بنفسها واثبتت وجودها لوحدها وده شهادة تقدير كبيره ليها :fun_36_3_4[1]:
ربنا يوفق

السلام عليكم
كلامكم كله صح وبالمناسبه انا اشتريت جين 2 2006 زيرو وطبعا دي كانت مغامره وقتها لاني كنت تاني دفعه ولكن بفضل الله العربيه انتشرت بدون اي فضل او مجهود من التوكيل الغريبه انه بيكرر نفس الشئ مع الساجا انا حجزتها لاخويا وبرضه ايده علي قلبه وده بسبب ان التوكيل مستخسر يعمل اي دعايه زي الفيرنا واللانوس واللوجان اللي مابتمشيش علي الحيط
وها اقول ايه حسبنا الله ونعم الوكيل هوا اكرم من عز والتوكيل بتاعه
ملحوظه : حد ممكن يطمني هوا فيه اقبال علي الساجا ولا اهي دفعه ولا دفعتين وخلاص موش ناويين يجيبوا تاني؟

لاء العربية منتشرة ما شاء الله
وعندي في الجامعة ناس كتير معاهم العربية بكل الالوان :)

الساجا الحمد لله بدأت هيا كمان تشق طريقها بنفسها وبدون اى مجهود من عز باشا اللى نايم وشادد اللحاف على الاخر مع ان الصيف دخل مش عارف هو مستحمل اللحاف ازاى :36_1_50[1]:

وامبارح فيه واحد صاحب صحبى كان فى معرض سيارات وكان خلاص اتفق على أفيو هاف اوبشن مانيوال وهو نفسه يركب اتوماتيك عشان الزحمه وكده بس عشان السعر قولتله على الساجا الاتو وفول اوبشن الراجل فرح جدا وخلاص تقريبا شبه اقتنع بيها بس اللى كان مقلقه هو قطع الغيار واسعارها الناااااااار :O_stupid[1]:

المفروض اخد عمولتى بقى من عز فى الناس اللى عمال اكلمها على الساجا دا انا مكلم يجى 15 واحد دلوقتى عليها وفيه 4 جابوها من كتر كلامى عليها بس لدرجه ان الناس دى افتكرونى شغال فى عز العرب

عندنا في المنيا حوالي 10 عربيات جين تو