عاوز كاسيت وسمعات ايهما افضل

**jojowork1** · 26-04-2010 11:34 AM

معلش يا جماعه هاتعبكم بطلب كده انا كنت عاوز اجيب كاسيت كويس وبفكر قدام ان ممكن اجبله شاشه يعني لو حاجه من اللي بتعرض علي الشاشه يبقي كويس مكنش مش مشكله برده بس انا عاوز حاجه كويسه بمعني كويسه ومش عاوزه كاسيت عشان ما عنديش شرايط اصلا يعني ياريت لو سي دي وبرده ده مش مهم المهم يكون فيه usb وكارت ميموري دول اهم حاجه
الاحسن بايونير ولا كلاريون ولا سوني ولا بلاوبونكت
وكمان عاوز سمعات بس عاوزها تركب مكان السمعات القديمه علطول يعني عاوز سمعات 6 بوصه مدوره وطبعا عاوز حاجه جامده وسمعات للابواب بس مش فاكر 4 بوصه ولا 5 مدوره برده ممكن اجيب ايه انواع والاقي الحجات ديه فين وايه الافضل وتعمل كام
شكرا مقدما

**Salamonti** · 26-04-2010 12:36 PM

نصيحة حاااااااااارة..

السماعات لو جبت مدورة مش هاتسمع الصوت اللي بالك فيه عشان الأجهزة اللي بتتكلم فيها دي خرج الباور بتاعها عالي وعاوزة سماعات قوية عشان تسمع صوت صح..

عموما دي حرية شخصية وانت أدرى بحالك ولك حرية الاختيار..

أما بخصوص الكاسيت فانا عندي نصيحة هي انك لو عاوز حاجة تكون تدعم خرج للشاشة مستقبلاً لازم تاخد بالك ان يكون عليها لوجو vcd
ودي غالبا هاتكون بتدعم اسطوانات اوديو وام بي ثري..
وممكن الموديلات الحديثة تلاقي فيها فلاشة وميموري كارد..

بس أهم حاجة تاخد بالك انك لازم تلاقي لوجو vcd

والموديلات دي منتشرة كتير في الكينوود ونادرة أوي في البايونيير..

ده كل اللي اعرفه..

بانتظار الإخوة هنا يزودوا معلومات أكتر

**Ahmed Galal** · 26-04-2010 12:50 PM

انا جايب كاسيت بايونير سى دى و فيه خرج يو اس بى و اوديو خارجى موجود فى مصر و مش غالى و صوته كويس جدا انا جبته من قطر فمعرفش سعره هنا و مركب هنا 4 سماعات بايونير 2 فى الابواب الامامية و 2 ورا عند الازاز الخلفى و الصوت نقى و الحمد لله كويس بس طبعا ما فيش الدب بتاع الحاجات الكبيرة و مخرج اليو اس بى ده ضرورى و ممتاز قوى يا ريت لو هاتجيب حاجة يكون فيها و كمان مخرج الاوديو

**jojowork1** · 26-04-2010 01:44 PM

شكرا
بس انا مش هافتح في الصاج الاصلي بتاع العربيه لو حصل ايه وكمان فيه سوسته بتاعت الشنطه ماشيه بطول الصاجه اللي تحت السمعات يعني حتي لو فتحت مش هاعرف احط سمعات اصلا وفاكر ان كان في موضوع برده عن الحكايه ديه هنا عن العربيه الدايوا في الموضوع ده
وبصراحه انا السمعات اللي عندي الاصليه بتاعت العربيه جامده جدا وصوتها حلو خالص بس المشكله انها خلصت عشر سنين في الشمس والاستعمال يعني خلاص وانا شوفت سمعات مدوره بنفس الحجم سوني واحد كان جايبهم من المانيا علي كاسيت سوني كان برده جايبه من المانيا في حياتي مسمعتش صوت بنقاء ولا جوده ولا قوه الكاسيت ده حتي الان علي السمعات ديه ولا حتي سمعات الديجيه الكبيره مهما وصلت من علو مش هاتوصل للنقاء ده والعمق ووضوح الالات الموسيقيه اللي شغاله حاجه مش معقوله فعلا لدرجه ان واحد عرض عيله 5000 جنيه فيهم مرضيش برغم من ان جايبهم ارخص من كده بكيتر خالص بس هو راجل كبير سميع ومش جايب عشان يبيع
فا انا شايف ان مش المشكله في السمعات بيضاوي ولا مدور المهم كفائه السماعه ونوع الرق وحجم ونوع الكويل والمغناطيس حجات تاني كتير ملهاش علاقه بالشكل
وياريت اسعار عشان اعرف المناسب ليا

**devilishtigers** · 27-04-2010 08:01 AM

عندك حق دي مشكلة معايا انا كمان وعايز اغير السماعات بتاعة الباب والرف الخلفي بس ولا اعرف مقاس السماعات اللي ورا ولا اللي في الرف الخلفي ياريت اللي يقدر يساعدني في حاجة زي دي.؟؟؟؟
وياريت حد يقولنا حل علشان انا فعلا سمعت كلام كتير على السماعات المدورة بس بجد مش هينفع افتح في الفبريكا..؟؟؟
في سماعات بيونير مدورة مسمينها champion series كانت 500w ومكتوب جنبها 80w وسماعات تانية 300 w ومكتوب جنبها 50w .؟؟؟؟؟
ممكن حد يفدنا ويقولنا على تمنها او ايه اخبارها؟؟؟؟؟