عايز أشترى غطاء سيارة ووتر بروف بس عايز حل....

**amr mokhtar** · 24-01-2008 07:48 PM

انا محتاج أجيب غطاء ووتربروف (مضاد للماء )عشان أحمى العربية من المطر و الرطوبة و طبعآ عارفين مشكلة الإسكندرية و انا خايف على العربية من البرومة
بس المشكلة ان انا جبت واحد قبل كده و اتسرق فى أول يوم رمضان (شوفوا الأدب) بعد 6 شهور من الإستعمال
فلو حد عنده حل لموضوع سرقة الغطاء يا ريت تساعدونى فيه؟
و ياريت برضه إيه أرخص حاجة فى السوق؟و لو حد جاب حاجة كويسة و رخيصة يا ريت يقولى جابها منين؟

جزاكم الله خيرآ

تم النقل بمعرفة الادارة (1)

**tutankhamoun** · 24-01-2008 08:08 PM

بالنسبة لموضوع السرقة
هاقول حضرتك على طريقة لذيذة و حلوة و ممكن تنفع
تجيب 4 قطع خشبية بطول 10 سم و يكونوا مستديرين مثل رجل الكرسي الخشب
و تعشق كل واحدة مع جزء من الغطاء في كل باب و بعد كدا تقفل العربية و لا يمكن حد يقدر يسرقه
و ربنا هو الحامي

**Ahmed Samy** · 24-01-2008 10:59 PM

تاني كده ؟؟؟
بس بشويش علشان شكلها فكرة كويسة

**SEATLOVER** · 24-01-2008 11:06 PM

اكتب نمرة العربية على الغطا بشكل كبير وو واضح بى اى نوع بوية عند اى خطاط ....لأن اللى بيسرق الغطا بيبيعة للناس بتوع غطيان العربيات تانى فا لو كتبت النمرة مش هيلاقى فايدة من سرقتة ...ولو هو اى شخص تانى عايزة لعربيتة هايتكسف يحط عليها غطا مكتوب علية نمرة عربية تانية (يمكن يتكسف) . أو لو هو قماش اقفل باب من الابواب علية .

و بالنسبة لنوع الغطا فى شركة كويسة اوى بتعملة من مادة مضادة للمية و القطع و خفيف اوى كمان و مش بياخد مساحة فى الشنطة بس غالى جدا اظن انة مش اقل من 180 جنية ها جيبلك اسم الشركة و تليفونها .

**tutankhamoun** · 24-01-2008 11:06 PM

المشاركة الأصلية كتبت بواسطة Ahmed Samy

تاني كده ؟؟؟
بس بشويش علشان شكلها فكرة كويسة

أنا تحت امرك ياباشا
أنت تغطي العربية عادي جدا ........ تمام ؟؟
بس قبل ما تقفل السنتر و تربس الباب تجيب الأربع قطع خشب و تروح حاطط الخشبة على الغطاء ما ناحية الباب من أعلاه
و بعدين تدخل الخشبه و هي على الغطاء جوه الباب
و بكده بيكون في جزء من الغطاء جوه العربية و لا يمكن أي حد يقدر يشد الغطاء لأن الخشبة بتوقف الشد
و بعدين تروح تقفل السنتر و تطلع تنام في أمان
و بهذه الطريقة لن يستطيع احد أن يسرق الغطاء :) :)

**Hesham A.Megid** · 24-01-2008 11:11 PM

انا جبت spray و رشيت نمره العربيه بطول الغطا....صحيح شكله بقي زي الزفت بس وريني مين هيسرقه بقي! :D

و موضوع قفل الباب علي الغطا ده كنت بعمله في الغطا القماش بس الغطا ال water proof تقيل و تخين اوي فمش بينفع فيه الموضوع ده.

**Ahmed Samy** · 24-01-2008 11:41 PM

فكرة ممتازة بس فعلا عايزة غطا خفيف

**mido777** · 24-01-2008 11:49 PM

فى شركة اسمها Top cover egypt بتعمل اغطية السيارات حسب مواصفات العميل
وانا اتعامبت معاهم قبل كده وجبت غطاء لعربيتى متفصل عليها تمام وضد المياه وكمان عليه لوجو هيوانداى

وكمان فيه حزام علشان تدخله من جوه العربية وتقفل عليه الباب (نفس فكرةأ/ توت )

**casperinoo** · 24-01-2008 11:53 PM

من 120 ل140 في التوفيقيه

**amr mokhtar** · 25-01-2008 02:15 AM

ألف شكر يا جماعة على الردود و المساعدات
أعتقد ان أسهل حل هو انى أجيب سبراى و أكتب عليه رقم العربية زى ما أستاذ هشام قال
و بالنسبة لفكرة الخشبة بتاعة أستاذ tutankhamoun هى فكرة حلوة بس صعبة شوية
على العموم انا هجيب واحد إن شاء الله و أكتب عليه رقم العربية و خلاص الواحد مبقاش عارف يلاحقها من سرقة الغطاء و لا العلامات
ربنا يستر

الموضوع: عايز أشترى غطاء سيارة ووتر بروف بس عايز حل....

LinkBack

أدوات الموضوع

عرض

عايز أشترى غطاء سيارة ووتر بروف بس عايز حل.... - انشر الموضوع فى :

-

-

-

-

-

-

-

المواضيع المتشابهه

عايز اشتري غطاء ووتر بروف لعربيتي اللوجان

عايز اشترى غطاء ووتر بروف لسيارة فيرنا

عايز اشترى غطاء ووتر بروف لسيارة فيرنا

غطاء ووتر بروف للوجى

عاوز غطاء ووتر بروف

الكلمات الدلالية لهذا الموضوع

المفضلات

المفضلات

ضوابط المشاركة