المشاركة الأصلية كتبت بواسطة ehab_11_22
عادل باشا
واحشنى والله
انا عارف انى بقالى كتير مش بخش بس غصب عنى الشغل حصل فية تغيرات وبقى فى ضغط علية مبقتش حتى اعرف افتح الإيميل وطبعا بروح ادلق على السرير
المهم انت اية اخبارك وعامل
اتمنى انك تكون فى أفضل حال ..
بالنسبة بقى للكاوتش الى عايز يتغير الى حصل كالأتى
العجلة الى قدام اتخرمت روحت عشان اصلحها عند بتاع الكوتش
فقلت أسألو عن العمر الأفتراضى للكاوتش
لقيتو بيقولى 30 الف كيلو
بقولو دا العربية عاملة 67 الف
قالى يبقى لازم تغيرو عشان تمشى وانت مطمن
المشكلة كمان ان اغلب الطرق الى بمشى عليها سريعة وربنا يستر طريقنا جميعاً
طبعا أحترت فقلت أخش على المنتدى أسلم على الحباييب
وأسألهم (( لا خاب من أستشار ))
أما بقى ياسيدى الأزاز الأمامى فدا لما أشتريت العربية عرفت انو متغير
بس المفأجاة الجميلة انى لما كنت بغسل العربية كنت بلاقى مية عمالة تنقط على نفوخى خليت واحد بص على الأزاز انا قلت هايقولى الزقة
لاقيتو بيقولى الأزاز دا مش بتاعها
لازم تغيرو لحن تاخد مطب جامد تلاقية اتكسر
وهى دى قصة حياتى ...
الحمد لله
المفضلات