انا معايا1300 بس 2007 وجميلة مش وحشة واقصادية جدا
عرض للطباعة
انا معايا1300 بس 2007 وجميلة مش وحشة واقصادية جدا
1400 معقولة ولكن مش هتديك العزم المتوقعه لان الموتور ضعيف نسبيا مقارنة بوزن السيارة ولكن 1600 عزمها جميل الخليجي 107 والجنوب افريقي 124 والفرق بينهم غير ملحوظ بس الخليجي تقفيلها احسن بس الجنوب افريقي فيها اوبشنز اكتربس انا في رايي ومع احترامي لكل من معهم الجنوب افريقي الخليجي اضمن.....
عربية 1300 cc مانوال ب 130000 جنيه
يا بلاش!
الفلوانس مانوال 1600 ب 113000
أغلى سيراتو بتقول بابا و ماما ب 126000 جنيه
أغلى تيدا بتقول جدو و تيتة ب 127500 جنيه
هى تويوتا بتبيع العربيات بالأسعار ديه لمين؟؟
الرينو قطع غيارها غالية و محدش يعرف يصلحها غير التوكيل و سعر اعادة بيعها واقع
سيراتو معنديش ثقة فيها و أقلق أركب عربية كوري
تيدا شكلها مش حلو و كمان اعادة بيعها واقعة و معرفش قطع غيارها و لا صيانتها أخبارهم ايه
كورولا عربية أثبتت وجودها و هيه من أكتر العربيات مبيعا على مر الأجيال و هتبيع نفسها بسهولة من غير خسارة كبيرة و قطع غيارها و صيانتها ممكنة بره التوكيل
يمكن دول الأسباب اللي مخليين العربية سعرها غالي جدا زيادة عن السعر المفروض تتباع بيه
أنا معاك إنها كده غالية
الكلام دة هايل و على عيني و راسي
بس عشان نوضح حاجة بس
ماينفعش نحاول نبرر فرق السعر
احنا المستهلكين
المفروض تفكيرنا يكون بيدور حول سؤال واحد
سعر سلعة X ده كدة كويس ولا مبالغ فيه
انما احنا بنشوف الغالي و نقول أيوة ماهو أكيد تمنو فيه
تعالو ناخد التيدا والكورولا
الاتنين ١٨٠٠ CC أوتوماتيك فى أمريكا
فرق السعر بينهم ٧٠ دولار
أيوة ٧٠ دولار بالتمام والكمال!!
يبقى العربيتين نفس الفئة و تقريباً نفس الكماليات
Tiida Options
Alarm
ABS + EBD
Traction control
CD changer + MP3 + iPOD control
Air condition
Cruise Control
Front + side + curtain airbags
Alloys
And Corolla options almost the same..
والاتنين ياباني
ولا فيه كوري ولا صيني ولا بتاع
يبقى فرق السعر فى أمريكا 400 جنيه مصرى لا غير
يعنى بجمركهم يبقى 650 جنيه مصرى لا غير
التيدا الفل اوبشن ب 128000
يعنى الكورولا 1.6 AUTO آآآآآآخرها يبقى 130000
هى بكام بقى؟؟؟
ب 145000
يعنى الفرق 17000 جنيه
يعنى 26 مرة ضعف الفرق الحقيقى!!!
لأ و الكورولا 1.6 AUTO فول أوبشن ب 160000 جنيه!!
يا جماعة العقل زينة
المفروض
و بقول تاني "المفروض"
يكونو نفس التمن
مفيش مبرر لفرق السعر المبالغ فيه ده غير في عقولنا احنا
أهلا بيك في مصر يا باشا ..................
العربية غالية مظبوط
فيه عربيات أحسن و أرخص معاك ( لينيا مثلا أنا شايف انها أحسن )
بس أنا عايز عربية هبيعها بعد 5 سنين بالكتير .... لينيا هخسر أكتر من نص تمنها ... كورولا مش هتنزل كتير ..
دي مشكلة محلية ماينفعش نقارن سوقنا بالأسواق المحترمة في ماركاتها و لا نوعياتها و لا أسعارها و لا مواصفاتها
احمد ربنا انهم سايبينا نركب عربيات بكاوتش يتنفخ هواء مش عجل خشب و كرباج