اية اسباب فشل الشارك

**ramy01011** · 26-04-2010 03:41 PM

في النص التاني من 2007 و انا في الامارت قالوا شكل الانسر هيتغير قلت كالعادة يا فانوس يا اكصدام لاكن لاقينا عربية تانية خالص شكلها تحفة حتي واحد صحبي كان لسة شاري بومة في شهر 12 2006 كان هيعيط لما شاف شكل الشارك و بثراحة كلنا اتجننا عليها و قلنا دي هتموت سوق الكرولا اللي هي واكلة الجو في الخليج المهم بعد فترة لاقيت العربية لا انتشرت و لا حاجة و قبل ما انزل الاجازة السنوية بتاعتي لمصر قلت خلاص اكيد العربية دي هتبقي مقطعة الدنيا في مصر علشان عارف عشق المصريين للانسر المهم لما نزلت لاقيت نفس الكلام و البومة هي اللي منتشرة انا عايز اعرف اية السبب يا جماعة العربية شكلها تحفة من برة و من جوة اوبشن و شكل تبلوه مالهوش حل انا طول عمري مبحبش البومة علشان بحس انها عربية غلبانة من جوة (وجهات نظر) المهم حد يعرف عربية زي دي منتشرتش لية لحد دلوقت ؟ انا بفكر كمان فترة اجيب عربية زيرو هنا في الامارات و ابقي انزلها مصر و كنت محتار بينها ةو بين الكرولا و ميزةالكرولا هنا انها يباني

**SkyBird** · 26-04-2010 04:01 PM

موضوع مهم
السبب من وجهة نظري انها سعر غالي على موتور 1500 سي سي

**Atrees** · 26-04-2010 04:09 PM

لانسر قدمت قفزة في التصميم الداخلي والخارجي ولم تقدم نفس الطفرة في الاداء - دة خللي ناس كتير تقارن تصميمها مقابل اداءها لانهم انتظروا اداء متوحش زي شكلها

الشارك فشلت امام نفسها مش امام اي عربية تانية - الشكل مقابل الاداء كانت مقبرة الشارك

انا معايا الشارك واقدر القولك انها اكثر من رائعة في كل حاجة عدا القوة المتوقعة منها

ازاي اركب وحش مش بيعض - هيا دي المشكلة ببساطة

**3ateef** · 26-04-2010 04:59 PM

انا شايف انها لم تفشل...
سعر غالى,,يقابله اداء شبه ضعيف بالمقابل..
وللأسف ناس كتير مسكت فى انها 1500 سى سى ...وازاى وليه ؟؟؟!!

لكن فى الاخر عربية اكتر من تحفة...

**girgiskamal** · 26-04-2010 05:43 PM

لم ولن تفشل المشكلة فقط ان اشركة استمرت فى انتاج الشكل القديم لكن بكل موضوعية هى الشارك جوهرة اليابانى فى السعر يعنى لو معك 110000 تقدر تجيب عربية 1 يابانى 2 عالية 3 واسعة غير مستهلكة للبنزين 4 شكلها حلو 5 اسال كل اللى بينتقدوها تلقى كلة سماعى فقط محدش جربها 6 انا اشتريتها كلاسيك وزى الفل ولو معايا ميزانية اكبر كنت جبت الهاى لاين

**SkyBird** · 26-04-2010 05:52 PM

اسال كل اللى بينتقدوها تلقى كلة سماعى فقط

فعلا ده كلام حقيقي وهنا المشكلة لان البائع لازم يوصل للفئة دي

علشان سلعة تنجح لازم اللي مجربهاش يعرف انها رائعة
وهيعرف منين انها رائعة اذا سمع عن وحش نزل السوق اسمه القرش وطبعا اول المستهلك ما يقارن هيقارنها باختها البومة
فيعرف انها اضعف من البومة (1500 سي سي) فيصاب بالاحباط
بيتهيألي لو الدعاية بتاعتها نزلت على انها سيارة جميلة وموفرة للبنزين وارخص سعراً كان افضل بدل الفشخرة على الفاضي والقرش اللي من غير اسنان
اظرف جملة اتقالت من الاخ عتريس

وحش مش بيعض

انا عن نفسي بحب شكلها وشايفها اجمل واشرس عربية في السوق واتمنى تنزل بموتور 1800 او على الاقل 1600 هشتريها علطول ان شاء الله

**Ahmed Samy** · 26-04-2010 05:58 PM

المشاركة الأصلية كتبت بواسطة atrees

الشارك فشلت امام نفسها مش امام اي عربية تانية

تصدق بالله

انت بتجيب من الأخر

انا هاقول رأيي بعدين بعد ما كلامك يبرد

**Ahmed A Rahman** · 26-04-2010 06:05 PM

استحملوني بس باعتباري جاركو من مالكي البوما

ازاي كلكم بتقولوا ان الشارك عربية شكلها حلو !!!

انا عارف انها مسألة اذواق , بس العربية مكشرة على طول

الشارك شوفتها بعد ما اشتريت البوما بشهور حسيت انها عايزه حلبة سباق على شكلها بس
سالت على سعرها لقيته 145 الف جنيه وده كان في معرض المصرية
من يومها مفكرتش فيها ثاني

البوما فعلا جميلة
السيراتو على الرغم من مظهرها الجريء والشرس انما برضه نقدر نقول عليها جميلة جدا

التصميم مش عاجبني في رأيي, ربنا يباركها لملاكها

**Atrees** · 26-04-2010 06:20 PM

المشاركة الأصلية كتبت بواسطة ahmed samy

تصدق بالله

انت بتجيب من الأخر

انا هاقول رأيي بعدين بعد ما كلامك يبرد

ههههههه حبيب قلبي يا دوك

انت تقول رايك براحتك وفي اي وقت من غير حاجة ما تبرد - دا انت دكتور عربيات

الموضوع: اية اسباب فشل الشارك

LinkBack

أدوات الموضوع

عرض

-

-

-

-

-

-

المواضيع المتشابهه

اخبار ثبات الشارك ايه - برجاء الرد من ملاك الشارك

اسباب البارومة ايه

أتحاد محبى الشارك(كفاية على البومة الشارك مظلومة)

ما اسباب ذلك

ايه اسباب للي حصل ده ؟؟؟!!!!

الكلمات الدلالية لهذا الموضوع

المفضلات

المفضلات

ضوابط المشاركة