انا حجزت الرينو سيمبول

**hossam_ggg** · 26-04-2010 03:32 PM

السلام علي المنتدي الجميل
انا الحمد لله و بفضله حجزت علي الرينو سيمبول و ان شاء الله هاتوصل علي نهايه الشهر الحالي و انا بصراحه اخدت فتره كبيره علشان اوصل للقرار دا و دا كان من خلال دخولي علي المنتدي و قرايه كل رسائل الاصدقاء الافاضل و الحمد لله محدش عاب في العربيه خالص من اي شئ و هيا عجباني و امكانيتها كمان عجباني

بس انا يا جماعه كل ماقول علي حد عليها يقولي لا اوعي دي ديقه و قطع غيراها غاليه خاليك في الريو (كيا) او خليك في اللوجان و لا مسيوبشي مستعمل (بوما) و لا خليك في الافيو

و انا بصراحه مش عاجبني و لا نوع من اللي هنا بيقولولي عليه لانه مش زي السيمبول في مواصفاتها و ثباتها
و اللي يقولي خليك في الاكسنت علشان منتشره مش زي دي قلقيله

المهم انا مش قلقان من الاختيار لاني استخرت ربنا سبحانه و انا مرتاح ليها
بس انا يسالكم عن رايكم انتوا كمان لاني في ناس فيكم جربتها فعلا و شافتها و قارنتها علي الحقيقه بعربيات تاني

انا عايز رايكم و دعمكم ردوا عليا بسرعه

**bukla** · 26-04-2010 03:58 PM

اولا الف مبروك ربنا يديك خيرها و يكفيك شرها
ثانيا العربية دى مع واحد صاحبى جايبها لابنة و لما سالتة عليها بصراحة شكر فيها قوى و ما اشتكاش منها خالص
للاسف هى دى المعلومات اللى عندى عن العربية دى لو عندك اى استفسارات محددة قولى عليها و انا ممكن اسألهولك

**AHMEDmostafa79** · 26-04-2010 07:03 PM

الف مبروك وتستلم علي خير ان شاء الله
بس قولي حضرتك حجزت منين لانهم كانو بيقولو انها هتنزل فيها تعديلات
1- الفيتيس الاوتوماتيك هيتعدل
2- هتبقي 2 ايرباجز
دة اللي سمعتة من واحد صاحبي معاة سيمبول من سنة وعاملها 20000 ك وهي هتكون المرجع في ردي علي حضرتك
- التكيف بتاعها كويس بس تكيف الوجان اشد في سرعة الهوا
-العفشة ممتازة حتي الان
- الcd صوتة نقي ومحترم وبيشغل mp3 اتنين سماعة في البيبان واتنين صغيرين في التابلوة.

**AHMED1718** · 26-04-2010 08:26 PM

بصراحة اختيارك فى محله وان شاء الله مش هتندم

العربية دى ممتازة هوا فعلا العيب الوحيد الكنبة الورانية انا شايفها ضيقة شوية بس ده بالنسبة لناس كتير مش هتفرق وبعدن اتعوضت جامد ف الشنطة الهايلة بصراحة لدائمى السفر

مشكلة ضيق الكنبة ده لو انتا زى حلاتى 192 سم فبترجع الكرسيى على الاخر وبتكفى ضهره ورا
غير كده لو طولك متوسط متهيألى كويسة جداا زيها زى الللانوس من جوا تقريبا ف الحجم

**hossam_ggg** · 27-04-2010 06:46 PM

المشاركة الأصلية كتبت بواسطة AHMED1718

بصراحة اختيارك فى محله وان شاء الله مش هتندم

العربية دى ممتازة هوا فعلا العيب الوحيد الكنبة الورانية انا شايفها ضيقة شوية بس ده بالنسبة لناس كتير مش هتفرق وبعدن اتعوضت جامد ف الشنطة الهايلة بصراحة لدائمى السفر

مشكلة ضيق الكنبة ده لو انتا زى حلاتى 192 سم فبترجع الكرسيى على الاخر وبتكفى ضهره ورا
غير كده لو طولك متوسط متهيألى كويسة جداا زيها زى الللانوس من جوا تقريبا ف الحجم

تسلم يا غالي علي النصيحه الجميله علي العموم انا مش طويل اوي انا متوسط و يمكن دا ان اشاء الله مش هايعمل معايا مشكله و لو دا بس العيب اللي ممكن الاقيه فيها بيقي هيا كدا عشره علي عشره يعني ممتازه جدا و يارب ان شاء الله تبقي كدا

**nomercy22** · 27-04-2010 06:48 PM

مبرووووووووووووووووووووك

**mohaismail** · 27-04-2010 07:49 PM

مبروك غليك السيمبول عربية جميلة جدا
والريو برضه جميلة ونفس التوكيل

**emadhassan** · 29-04-2010 01:35 AM

الف مبروك السيمبول اختيار موفق بأذن الله العربية فعلا ممتازة انا مرتاح جدا من يوم ما استلمتها من حوالى شهرين وما تشغلش بالك بموضوع الصالون دى حاجة نسبية ومش حتحس بيها لو حضرتك متوسط الطول 0
العربية ثباتها ممتاز واستهلاك البنزين رائع الشنطة بحر كمبيوتر الرحلات عملى جدا الصاج امتن بكتير من الأنواع اللى حضرتك ذكرتها التقفيل جيد جدا 0