فعلا انا ما باقربش ناحية البنزينة ديه خالص و شكل احسن حل انك تنزل و تسحب المسدس بايدك و اللى ما يعجبوش طخه بالمسدس اللى فى ايدك
عرض للطباعة
فعلا انا ما باقربش ناحية البنزينة ديه خالص و شكل احسن حل انك تنزل و تسحب المسدس بايدك و اللى ما يعجبوش طخه بالمسدس اللى فى ايدك
أنا فعلا ما بحطش غير من إمارات مصر اللى عند كارفور المعادي على الدائري
بعديها وطنية ... بس وطنية مش ممكن أتعامل معاها غير في تموين البنزين فقط .. لأنهم مابيفهموش غير في كده
ممكن بقى بعد كده شل يعني لو مزنزق قوي قوي
جزاكم الله خيرا على التحذير
تمام تمام , انا كمان بعمل كده بس انا بحط 95 ولما سألت فى مركز الصيانة (الطارق النيل - إسكندرية) قالوا لو هتحط 92 لازم تحط أوكتان فلقيتها هى هى .
بمناسبة البنزينات : كنت عاوز أسأل ع التشحيم و التزييت ؟ هل ده بينعمل فى التوكيل ولا فى أى بنزبنة و كل اد أيه؟ و أيه أحسن ينزينة (انا فى 6 أكتوبر و آخر الإسبوع فى إسكندرية يعنى مش فارقة المكان)
و التشحيم ده للعفشة و لا للموتور و السيور ؟
سؤال كمان معلش تيل الفرامل لللينيا تربو بيتغير كل أد أيه؟ و الديسكات؟
و هل حد يعرف مركز خدمة محترم ؟ عشان اللى فى إسكندرية شكله أى كلام , أنا عملت صيانة الخمسة و العشرة عندهم بس أشك ان تيل الفرامل تم إستبداله والله أعلم !
معاك حق يا yoko كل بنزينات توتال هم أسواء محطات في مصر ... مرة كنت بمون من توتال إللي على الكورنيش عند مدخل المعادي و أنا بمون لقيت واد من العيال إللي بتمون العربيات قالع الجاكيت و بعلو صوته في المحطة (أنا مش شغال هنا تاني حرام عليكو أنا بشوفكو بتسرقو الزباين قدام عيني) ... واحد كبير شكله المسئول عن الناس دي قال له إطلع برة متورنيش وشك و كلامي مع إللي جابك وأنا الغلطان إني دخلتك تاكل عيش ... والله من ساعة الموقف ده مدخلتش البنزينة دي ولا أي بنزينة توتال بعد كمان الكلام إللي سمعته من أصدقاء لي ... واحد صحبي جابوله وش سليندر بسبب تغيير مياه التبريد (توتال إللي على الأوتوستراد) ... واحد تاني دبسوه في 460 جنيه تمن خوابير كواتشات (توتال إللي على الأوتوستراد) ... و غيرهم الضحايا كتيييييير.
من ساعة ما جيبت السيفيك مبومونش غير من الإمارات مصر قبل كارفور و أحيانا بروحلها مخصوص.
حصل معايا حوار الكاوتش ده زمان وفي نفس البنزينه وقاطعتهم مده بس حطيت منهم تاني (شكلي مبتعلمش)
انا لو مكانك انزل انفخة هوا و مدير المحطة!