الموضوع: السواقة في مصر

بصراحة كنت فاكر انا بس اللي اعصابي تعبانة من الموضوع ده
ياجماعة احنا في مشكلة كبيرة اكبر من مشكلة العربيات احنا في مشكلة اخلاقية الناس مابقتش تفكر ولا طايقة بعضها ودي اكبر من اي مشكلة تانية
السواقة بالنسبة لي بقت مبدا اتغدي بالعربيات قبل ماتتعشي بيك !!!!!!!!!
ودي شوية حاجات من اللي بضيقني
1- الترلات دي بجد حاجة فظيعة لازم يكون ليها حل المشكلة ان سواقينها بيشربو مخدرات عشان المسافات الكبيرة اللي بيسافروها فاكرينها هتفوقهم
2-الميكرباصات والنقل في دخان اسود بيطلع منهم بجد بحس انه حاجة مسيلة للدموع انا بحس اني هتخنق جوه العربية مش عارف ازاي العربيات دي ماشية كده انا حاسس ان هي دي اللي عاملة السحابة السودا
3- الناس اللي ماشية في الشمال علي طريق سريع ومالوش دعوة بحد تقلب تزمر مفيش اي حاجة حتي مش هاين عليه يديك اشارة شمال يفهمك انه مش هيوسع ده بصراحة بطلع منه وارمي عليه ممكن ادخله في الرصيف مافيش حل تاني وبردو مالوش دعوة بحد
4-الناس اللي قافلة المرايات واللي بتكلم في الموبايل وايكش تولع
5- الجبال اللي مشييين فيها عشان اكييد دي مش شوارع انا لو ماشي في الصحرا اكيد احسن
6-الواحد بيبقي ماشي مش عارف يتفادي الطبات والبلاعات ولا الناس اللي بتعدي وماتفكرش تبص حتي ولا العربيات التانية ولا الفزب والموتسيكلات
7-سواق التاكسي اللي بينزل او بيركب الناس وهو في نص الشارع فيها اه لاما يقف علي جمب ؟! ويسلام بقي لو بيدور علي زبون مفروض اننا نستناه طبعا يمكن الزبون مايعجبوش وطبعا ماينفعش اطلع منه في الحالتين
8-سواقة الستات بردو لا تعليق دي محتاجة صفحة لوحدها انا اي حد بعلمه السواقة اول نصيحة بقولهالو خلي بالك من الستات حتي وهما بيتعلمو حاجة نيلة خالص قبل كده بعلم واحدة صاحبتي الصواقة دخلت في واحد تانية بتتعلم بردو
9-لو فرضنا مثلا ان في اشارة وفي شرع يمين الطبيعي اللي ماشي علي طول يمسك الشمال عشان اللي داخل يمين مايطعتلش وراه انا بحس ان هيجلي جلطة تلاقي سواق تاكسي وممكن يكون قدامه فاضي ولا عايز يدخلك يمين ولا عايز يمسك الشمال هو بس عايز يفرسك
10-الناس اللي داخلة عكس مش كفاية انه داخل عكس لا كمان مولع النور في وشك انا حليت المشكلة دي وركبت زينون واحنا الاتنين بنتعمي
11-تكون في مكان زحمة وماصدقت تلاقي مكن تركن ومدي انتظار وفجات تلاقي واحد جه ودخل مكانك قولولي طيب ده اعمل معاه ايييييييييه
كفاية كده بقي عشان زهقت بصراحة من المواقف انا مابصدق انزل من العربية عشان انسا الماساة دي