طقم الصوت الموجود فى التكوتوك

**محمد بازيد** · 26-04-2010 04:30 PM

بسم الله الرحمن الرحيم

فكرة عمل الموضوع جتلى لما واحد صاحبى باع عربيتة واشترى عدد 2 توكوتك لاسباب اقتصادية المهم دة مش موضوعنا المهم رحت ابارك له عليها لقيت التوكتوك دة طالع منه صوت جبار المهم قعدت اسالئه على الامكانيات دى عاملها ازاى المهم جابلى واحد متخصص تقفيل اطقم صوت لتوكتوك قعدت اتكلمت معاة وصورت طقم صوت كان بيقفله فى تكوكتوك التكلفة حوالى 750 جنية ودى الشعبى ذى ما اهل الصنعة بيسموه فى الهاى كلاس اللى هو فية شاشات عرض امام السائق والثانية فى المسند بتاع الكرسى ودة قالى بيتكلف حوالى 1800بندق المقهم اتصدمت لما شوفت طقم الصوت وقولت اوريكم الصور
أول حاجة بيسموها الحلة ودة 1200 وات عامل 250 بندق

ثانى حاجة الى بيقولو علية جى ام ودة عامل 290 بندق

ثالثا السماعات ودى سنفونى عادية

الكارثة بقى واللى خلانى افرقع من الغيظ ان اللى بيطلع الصوت دة mp4 من اللى بيتباع فى المحلات اللى ب50جنية مش بتاع الولاعة اللى بيشتغل فى العربية بشريط كاسيت واهم حاجة فهمتها من الباشمهندس اللى بيقفل كما ينادى علية الناس هى سر المهنة هى المقاومة حاجة كدة ب5بندق اللى بتظبط الليلة وبتظبط التيار بتاع الكهرباء فاية رايكم نعمل الحوار دة فى العربية

الموصوع مطروح للنقاش
أسف للاطالة