مشاكل اسبرانزا 516

**mahmooud135** · 26-04-2010 04:37 PM

الموضوع من الاول انى انا اشتريت العربية شهر 6 \2009 وكانت فى الاول جميلة جدا جدا وبعد اول صيانة 1000 ظهر فيها عيوب جسيمة اولها طرومبة البنزين , عمود دركسيون واخير الفرامل ودى كانت هئدى لموتى غير دخول هواء سخن من فتحات التكييف الزجاج الخلفى بيعلق فى الصعود غير دبدبة فى العفشة غير التقفيل الغير سليم للعربية كمتن كنت بلقى مسامير سوداء داخل الكابينة مش عارف بتاعت اية
المهم روحت التوكيل حل مشكلة طرومبة البنزين نسيت اقولكم على طرمبة البور تم تغيرة عند صيانة ال5000 وتم تغير عمود الدكسيون تقليل دخول هواء ساخن عدم حل دبدبة العفشة واما اتكلمت مع المهندس المختص قالى لسة ادام ممكن تجبلك مياة زرقاء داخل الكابينة و اول اما يحصل كدة هاتة وتعالة طيب اعملها دلوقتى قال لى لاء اما يحصل يعنى العربية كل شوية فى اعطال اريد ابداء الراى عن هذة السيارة
و

**attiahf** · 26-04-2010 11:04 PM

معلش بس العربية كدة فيها عيب صناعة
نصيحة اشتكى لجهاز حماية المستهلك فى اقرب فرصة

**ALshahba** · 30-04-2010 03:04 AM

المشاركة الأصلية كتبت بواسطة attiahf

معلش بس العربية كدة فيها عيب صناعة
نصيحة اشتكى لجهاز حماية المستهلك فى اقرب فرصة

تمام او خد بدلها عربية جديده

**gade2** · 21-05-2010 01:08 PM

"قالى لسة ادام ممكن تجبلك مياة زرقاء داخل الكابينة و اول اما يحصل كدة هاتة "
حلوه دى

**egypt0777** · 21-05-2010 11:24 PM

العربية مشكلتها

الحرامى ابو الفتوح

الله ياخده

كرهنى فى العربية بيحط فيها اقذر قطع غيار ممكن تتخيلها

والله حرام عليه

**w_shahin99** · 30-05-2010 02:41 PM

نفس المشكلة عندي انا عربيتي موديل 2010 وبعد ما استلمت العربيه لقيت طقطقه في الدركسيون رحت التوكيل قالي لا مفيش مشكله ده تربيط المهم عند صيانة الالف لقيت زنه في الدركسيون وطقطقه عالية رحت التوكيل غيرلي طلمبة البور والاسكترا ولسه حغير قطمة الدركسيون عشان مش موجوده المهم ان كل ده من شهر 9/2009 لحد اليوم وانا دايخ مع التوكيل ومش عارف اعمل ايه ياريت حد يفيدني وللاسف في حجات تانيه بس الواحد متغاضي عنها

**mramzy** · 30-05-2010 03:19 PM

المشاركة الأصلية كتبت بواسطة w_shahin99

نفس المشكلة عندي انا عربيتي موديل 2010 وبعد ما استلمت العربيه لقيت طقطقه في الدركسيون رحت التوكيل قالي لا مفيش مشكله ده تربيط المهم عند صيانة الالف لقيت زنه في الدركسيون وطقطقه عالية رحت التوكيل غيرلي طلمبة البور والاسكترا ولسه حغير قطمة الدركسيون عشان مش موجوده المهم ان كل ده من شهر 9/2009 لحد اليوم وانا دايخ مع التوكيل ومش عارف اعمل ايه ياريت حد يفيدني وللاسف في حجات تانيه بس الواحد متغاضي عنها

عندك استعداد تحل بفلوس
والا عايز تحل ببلاش لو ببلاش خليك مع التوكيل
ول بفلوس وتقضى على المشاكل دى فى متخصص فى مصر القديمه
عفريت بيحل كل حاجه عن تجربة انا معيا 2009