مشكلة خطيرة في السيراتو الجديدة

**Akram** · 26-04-2010 05:54 PM

السادة أعضاء منتدى الكيا ............. دي أول مرة اكتب موضوع في منتدى غير الدايو ............. بس للأمانة و خوفي على أخواني في المنتدى قلت أقولكم على الموضوع ده و أحذركم منه ............. واحد صاحبي معاه سيراتو الجديدة و هي أوتوماتيك بس مش أعلى حاجة في الفئة بتاعتها ............. المهم صاحبي بيقولي إنه اكتشف عيب خطير في العربية ............. و القصة إنه كان مع واحد قريبه معاه نفس العربية و بالصدفة بيجرب مفتاحه في عربية قريبه و كانت المفاجأة ............. العربية إتفتحت بمفتاحه بشكل عادي و دارت كمان ............. كأن مفتاحه هو المفتاح الأصلي لعربية قريبه ............. و من ساعتها صاحبي بقى قلقان لما بيركن العربية في أي مكان ............. فأنا حبيت أحذركم من الموضوع ده و يا ريت لو تجربوا القصة دي و تقولولنا ايه الأخبار ............. و يا تري إيه الحل من وجه نظركم للقصة دي .............

**ابو ليلى** · 26-04-2010 06:02 PM

فى الاول محتاج شويه توضيح للمعلومة

العربية توكيل ولا خليجى بتاعت صاحبك

وعربية قريبه توكيل ولا خليجى

هل نفس الموصفات بالملى ولا فى اختلاف بينهم ؟؟؟؟؟؟؟؟؟

**mameen** · 26-04-2010 06:22 PM

الموضوع محتاج توضيح وتجربة

**Ahmed.Ali** · 26-04-2010 06:30 PM

موضوع تشفير المفتاح سهله لان لو صاحب العربيه موجود و معاه المفتاح وحده التشفير هتلقط الشفره من المفتاح الاصلي لاكن الغريبه ان شكل المفتاح نفسه ميفرقش!!!

**NoRmAl** · 26-04-2010 06:30 PM

عنوان الموضوع دا هيلم دلوقنى :)))
هتلاقى أعضاء من كل حدب وصوب علشان العنوان الجميل دا :)

**ldsaklf** · 26-04-2010 07:10 PM

مفتاح السيراتو بتاعتي زي مفتاح الالنترا بالظبط يعني كدة الالنترا ملطوطة بردو :))))))))))

**egycome** · 26-04-2010 07:23 PM

موضوع غريب فعلا

**COOLCHEETOS** · 26-04-2010 08:15 PM

اكيد فيه حاجة غلط عنده لان فى واحد صاحبى معاه سيراتو وكيل والانذار قفل والمفتاح جوه الكونتاكت وحاولت افتحها بمفتاحى منفعش خالص

**AHMED1718** · 26-04-2010 08:20 PM

انا هعمل رابطة لكل من يريد يولع ف عربيته النيو سيراتوو علشان نرتاح

كل منطلع من اشاعة نلاقى اختها لازقه فيها

الكلام ده مش منطقى بالمرة انتا مش بتتكلم على عربية متقفلة ف الهند مع احترامى لحضرتك يعنى

حتا لو كان الموضوع ده حقيقي فده فكرة هايلة للعربيته السيراتو اتسرقت ربنا يكون ف عونه بس ينزل يشوف اى واحدة شبهاا وياخدها

وهكذا

واللى نفسه يجرب اى سيراتو واقفة ف الشارع يشاور بس بمفتاحه علشان يعرف الفرق بينه وبين الفئة بتعته

ويبقا زيتنا فى دقيقنا ومحدش ناقصه حاجة عند حد

وياريت كمان ف الالفية الجديدة يبقا كل العربيات بمفتاح واحد علشان بردو اللى عنده عربية مش محتاجها اكيد غيره محتاجها

-

الموضوع: مشكلة خطيرة في السيراتو الجديدة

LinkBack

أدوات الموضوع

عرض

مشكلة خطيرة في السيراتو الجديدة - انشر الموضوع فى :

-

-

-

-

-

-

المواضيع المتشابهه

مشكلة خطيرة فى الفرامل!!

مشكلة خطيرة فى الدركسيون

مشكلة خطيرة بالماتريكس

مشكلة خطيرة في فرامل

الكلمات الدلالية لهذا الموضوع

المفضلات

المفضلات

ضوابط المشاركة