- ماهو لو قلنا مدن كاملة بمرافقها هاتقابلنا عقبة التمويلاقتباس:
ياراجل انت ترضى تترمى الرمية دى في سينا وكمان في مستوطنات او كرافانات
الحكاية عايزة مشروع كامل مدن كاملة بمرافقها بطرقها بمدارسها بمستشفياتها
بلد قائمة بذاتها عشان نقدر نقول ان الناس دى تعيش بجد
- لكن كرافانات هاتكون أسهل و أرخص كبداية ممكن تتحول الي مدن كبري فيما بعد
- أما حكاية رمية و ناس ترضي , يعني اللي ساكنين في العشوائيات دول في عشش صفيح من غير سقف يحميهم من مطر و برد الشتاء و لا دورات مياه أدمية و متكومين في غرفة متر في متر كده عايشين ؟؟
لكن اللي أنا بأقول عليه أكرم و أحسن لهم 100 ألف مرة
هااقتباس:
مش هيحصل، اللى مسكنها مش عوزين، اللى فى العشوائيات مش عوزين
ماهو أحنا قولنا ده مجرد حلم عايز أرادة سياسية تحوله لمشروع قومي زي مشروع بناء السد العالي و بناء الألف مصنع و تأميم قناة السويس و عبور قناة السويس
كل دي كانت مجرد أحلام و أمنيات وقتها لكنها تحققت رغم ضعف الامكانيات بالارادة و العزيمة و ألتفاف الناس حولها
ياسيدي الفاضل ..
المصريين مش ناقصهم حاجة علشان يبدعوا و يشتغلوا و يثبتوا حبهم و انتمائهم لبلدهم و لكن محتاجين اللي يوجههم الي مشروع و هدف قومي كبير و جبار زي ده بدل مابيتم توجيههم لمباريات الكورة و أستاد القاهرة الدولي
ماهو لما يكون مشروع زي ده هدف قومي و أستراتيجي هايتم تنفيذه و لو بالقوة و الجيش يقدر علي كده زي مابيعمل لما بيطردوا الناس دي من مساكنها لكن المرة دي هاينقلوهم لأماكن نظيفة و مجهزة للعيشة الادمية و أحسن من العشش الصفيح اللي كانوا عايشين فيهااقتباس:
الفكره إن أغلب سكان العشوائيات مرتبطين بالقاهره في أعمالهم
الحل الوحيد فقط إيجاد فرص عمل بديله في سينا ساعتها الناس هتروح لوحدها إحنا مهملين في سينا بشكل فظيع
أما عن فرص العمل :
هما مش لازم يتوظفوا علي مكاتب هناك .. لأ دول هايشتغلوا في أستصلاح و زراعة الاراضي المحيطة بهم و هايعملوا مصانع صغيرة و الجيش و الحكومة هما اللي هايمولوا و يقدموا المساعدة لهذه المشاريع علشان الناس دي تنتج اللي هما بيستهلكوه من غذاء و ملبس
علي فكرة انا والدي كان طبيب بوزارة الصحة و لما جت له الفرصة يشتغل في سيناء راح و لم يتواني و قضينا هناك 5 سنوات و في بداية حياته كطبيب أشتغل بالوادي الجديد في الستينات
و انا شخصيا مستعد اترك مجالي و أشتغل في الزراعة و احاول أعمل مزرعة نموذجية و منتجة بس اللي يديني حتة أرض في سيناء و لا أي مكان بعيد عن القاهرة بضوضائها و تلوثها
المشكلة ان أحنا دائما بنفكر نعيش و نشتغل في المكان اللي نشأنا فيه و لو بعدنا عنه يبقي بضع كيلومترات , جه الوقت اللي لازم نتغير فيه و نخرج بقي من الوادي الي ضاق بينا مصر مساحتها 1000000 كم مربع و أخنا كلنا 80 مليون في بلاد مساحتها 1/10 من مساحتنا و عدد سكانهم يمكن أكثر و مافيش عندهم زحام مروري و لاتكدس و لا شوفت عندهم عمارات و أبراج سكنية