الموضوع: اريد مساعدتكم فى شراء سيارة BMW 316i

اهلا بك يا باشا في المنتدي....
انا مرت بنفس الكلام اللي انت قلت عليه و الحمدلله وصلت لقرار مناسب بفضل هذا المنتدي...
انا كمان نفسي اركب بي ام و من حوالي شهر كنت باسال الناس في المنتدي ايه الاحسن سعرها 240 الف316 ولا فانتازيا هاي لاين 200 الف جنيه
و طبعا نسبة كبيرة من الناس كانوا بينصحوني ب اوكتافيا عشان الكماليات و كمان نقطة الضعف الشهيرة بتاعة 316 انها كانت مانيوال و بصراحة هتبقي حاجة تكسف ان الواحد يدفع مبلغ كبير زي ده و برده يبقي راكب مانيوال
طبعا نزول 316 الجديدة اوتوماتيك بدون زيادة السعر خلاني اغير راي و الحمدلله انشاء الله هاجيب 316 بس هاستني كم شهر و اجيب موديل 2011
خلي بالك لو انت هاتجيب 316 اوتوماتيك هتلاقي ناس كتير تقولك بلاش...البي ام ماتتركبش غير 320 فما فوق... والعربية الاوتوماتيك هتبقي بطيئة جدا و هاتجيبب سرعة 100 في 12 او 13 ثانية و كلام من ده...
طبعا لو انت بتاع شد و سرعة يبقي اسمع كلامهم و بلاش 316 اوتوماتيك
انا بصراحة لا بتاع شد ولا عمري شغلت نفسي العربية هاتجيب 100 بعد 10 ثواني ولا 11 ثانية فالحكاية دي مش فارقة معاية
(بالمناسبة من كتر ما قريت هنا عن مقارانات السيارات و دي بتجيب 100 في 7 ثواني و دي في 8.5 طلع في دماغي اجرب السبيرانزا بتاعتي علي المحور و اشوف هاتعمل ايه....قرصت علي النقلات علي الاخر و كان نفسي اوصل 100 في 6 ثواني زي الفئة الخامسة بس للاسف فرقت حاجة بسيطة و الحمد لله وصلت 100 بعد 25 ثانية...يعني لو البي ام 316 الاوتوماتيك هاتجيب 100 في 13 او 14 او حتي 15 ثانية انا برده هاحس بفرق عن العربية اللي معايا
النقطة التانية
مفيش 316 ب اي درايف ولا فتحة سقف ولا حتي ينفع تركبهم في التوكيل الاي درايف في ال 320 وانت طالع
ال 316 الاوتوماتيك نازلة بريميم ب 239900 و اكسكلوسيف ب 268000 و الفرق بينهم مرايات بتقفل كهربا و كروز كنترول

بالنسبة لل facelift
ده تغير بسيط في شكل السيارة الامامي (لحد دلوقتي مش قادر اميزه) و تغير في شكل الفوانيس الخلفية(ده واضح و الجديد احلي من القديم) التغير ده اتعمل في 2008 او 2009
لو عايز تشوف صور و الوان و شكل العربية مجسم من بره و من جوه ماتتعبش نفسك و اتفرج هنا في موقع بي ام مصر
BMW Egypt
هتلاقي معلومات و خواص السيارة و اسعار و حتي كتالوج السيارة هتلاقيه في ملف بي دي اف

و لو عايز اي اسئلة او استفسارات تحت امرك
والف مبروك مقدما

تمام كدا يازعيم وفعلا ال بي ام افضل اختيار

شكراً قوووى يا وائل على المعلومات القيمة ديه

المشاركة الأصلية كتبت بواسطة wael17

و كمان نقطة الضعف الشهيرة بتاعة 316 انها كانت مانيوال و بصراحة هتبقي حاجة تكسف ان الواحد يدفع مبلغ كبير زي ده و برده يبقي راكب مانيوال
طبعا نزول 316 الجديدة اوتوماتيك بدون زيادة السعر خلاني اغير راي و الحمدلله انشاء الله هاجيب 316 بس هاستني كم شهر و اجيب موديل 2011

انا كمان ان شاء الله هستنى الأصدار الجديد لسنة 2011 وان شاء الله طالما السعر واحد او متقارب يبقي مافيش مشكلة

المشاركة الأصلية كتبت بواسطة wael17

خلي بالك لو انت هاتجيب 316 اوتوماتيك هتلاقي ناس كتير تقولك بلاش...البي ام ماتتركبش غير 320 فما فوق... والعربية الاوتوماتيك هتبقي بطيئة جدا و هاتجيبب سرعة 100 في 12 او 13 ثانية و كلام من ده...
طبعا لو انت بتاع شد و سرعة يبقي اسمع كلامهم و بلاش 316 اوتوماتيك
انا بصراحة لا بتاع شد ولا عمري شغلت نفسي العربية هاتجيب 100 بعد 10 ثواني ولا 11 ثانية فالحكاية دي مش فارقة معاية
(بالمناسبة من كتر ما قريت هنا عن مقارانات السيارات و دي بتجيب 100 في 7 ثواني و دي في 8.5 طلع في دماغي اجرب السبيرانزا بتاعتي علي المحور و اشوف هاتعمل ايه....قرصت علي النقلات علي الاخر و كان نفسي اوصل 100 في 6 ثواني زي الفئة الخامسة بس للاسف فرقت حاجة بسيطة و الحمد لله وصلت 100 بعد 25 ثانية...يعني لو البي ام 316 الاوتوماتيك هاتجيب 100 في 13 او 14 او حتي 15 ثانية انا برده هاحس بفرق عن العربية اللي معايا

انا عارف لأنى لاحظت ان فى اعضاء كتيير بيتكلموا فى الموضوع ده

وعلى فكرة برده انا كنت قرأت مواضيع فى المنتدى عن الكلام ده بتاع تجيب سرعة 100 فى وقت اد ايه والكلام ده .. لا لا لا انا مش بتاع شد ولا جذب ... هههههههههههههه

انا الانسـر الى معايا اتوماتيك يا وائل .. لأن مصر المانيوال خلاص بقي ماينفعش واكيد انتا عارف الزحمة


انا النقطة الى قلقتنى فى كلامك هيا النقطة التانية ديه

المشاركة الأصلية كتبت بواسطة wael17

مفيش 316 ب اي درايف ولا فتحة سقف ولا حتي ينفع تركبهم في التوكيل الاي درايف في ال 320 وانت طالع
ال 316 الاوتوماتيك نازلة بريميم ب 239900 و اكسكلوسيف ب 268000 و الفرق بينهم مرايات بتقفل كهربا و كروز كنترول

بجد زعلتنى قوووى طيب الـ iDrive ماشي مش موجود قولنا ديه اقل فئة .. وطيب مافيش فتحة سقف كمان .. ياريت ترد عليا يا وائل فى النقطة ديه الأوبشن بتاع الـ S/R الى هوه فتحة السقف مش موجود اطلاقاً فى الـ 316 ؟؟؟

المشاركة الأصلية كتبت بواسطة wael17

بالنسبة لل facelift
ده تغير بسيط في شكل السيارة الامامي (لحد دلوقتي مش قادر اميزه) و تغير في شكل الفوانيس الخلفية(ده واضح و الجديد احلي من القديم) التغير ده اتعمل في 2008 او 2009
لو عايز تشوف صور و الوان و شكل العربية مجسم من بره و من جوه ماتتعبش نفسك و اتفرج هنا في موقع بي ام مصر

شكراً على المعلومة يا وائل

المشاركة الأصلية كتبت بواسطة vip1985

شكراً قوووى يا وائل على المعلومات القيمة ديه

العفو...الحمدلله اني قدرت افيدك زي ما ناس كتير هنا افادتني

المشاركة الأصلية كتبت بواسطة vip1985

بجد زعلتنى قوووى طيب الـ iDrive ماشي مش موجود قولنا ديه اقل فئة .. وطيب مافيش فتحة سقف كمان .. ياريت ترد عليا يا وائل فى النقطة ديه الأوبشن بتاع الـ S/R الى هوه فتحة السقف مش موجود اطلاقاً فى الـ 316 ؟؟؟

للاسف هي دي الحقيقة...انا كمان حسيت بالاحباط زيك لما اكتشفت الحكاية دي...في الاول لما كنت باتفرج علي صور العربية من جوه كان عاجبني قوي الكومبيوتر اللي في التابلوه (idrive)
بس طبعا مواقع السيارات بتحط دايما صورة اعلي فئة وعرفت بعد كده ان316 مابتنزلش ب اي درايف ولا فتحة سقف...فتحة سقف موجوده في 318 بس هتوصل 320 الف و اي درايف في 320 بس هتوصل 360 الف...للاسف عربية زي البي ام عشان تعلي في الاوبشنز بتاعتها للاخر ممكن تتكلم في 100 الف جنيه زيادة

وده السبب اني ساعات افكر اجيب 320 كسر زيرو...التوكيل ساعات بيعرض عربيات حالتها ممتازة عاملة 5000 او 10000 بس و بالضمان بس حتي دي سعر موديل 2008 و 2009 لا يقل عن 270 الف...طبعا كتير و هاتحس انك راكب عربية مستعملة حتي لو كانت عاملة 1000 كم بس
علي العموم من هنا لحد وقت الشراء اخر السنة دي يكون الواحد رسي علي قرار نهائي...

عايز عربيه امكانياتها علي قد فلوسك عندك
1- جيتا هالاين
2- باسات هاي لاين
3- فانتازيا
4- سوبيروب
5- سيات ليون

الفولكس والمرسيدس عربيات تديك اكتر ممادفعته
لكن البي ام دي تديك اقل من اللي دفعته

المشاركة الأصلية كتبت بواسطة wael17

...فتحة سقف موجوده في 318 بس هتوصل 320 الف و اي درايف في 320 بس هتوصل 360 الف...للاسف عربية زي البي ام عشان تعلي في الاوبشنز بتاعتها للاخر ممكن تتكلم في 100 الف جنيه زيادة

معاك حق بس زى منتا عارف ان الـ 318 و الـ 320 من ناحية المحرك 1800 سي سي و2000 سي سي
وده بيتعاملوه معاه بضريبة غير الـ 1600 سي سي .. ده غير ان الضريبة هتكون عالية لأن العربية هتكون اصدار 2010 .. وده كله كوم .. وثمن الـ 318 او 320 كوم تانى ..
طيب والـ 316 الأصدار الى جى بتاع موديل السنة 2011 مش ممكن يكون فيه فتحة سقف ... اقصد لما غيره الجير وبقي اتوماتيك مش ممكن يكون فيه فتحة سقف او تغييرات .. ولا ,, ....؟؟؟؟؟؟؟

المشاركة الأصلية كتبت بواسطة wael17

بس حتي دي سعر موديل 2008 و 2009 لا يقل عن 270 الف...طبعا كتير و هاتحس انك راكب عربية مستعملة حتي لو كانت عاملة 1000 كم بس

الله ينور عليك يا عم وائل .. ده الى انا عاوز اقوله لأان فى ناس كتيير لاقيتها كاتبه عن الموضوع ده
كسر الزيرو .. اولاً زى منتا قولت طلعت ولا نزلت انت راكب مستعملة .. ممكن تكون اللون مش الى انت بتحبه بس يالا بقي ماهى كسر زير .. برده هتكون مستعملة والواحد هيحس بكده وعمرها ما هتكون فرحتها زى الزيرو فى الوقت الى الواحد يدفع فيه 260 او 270 الف

المشاركة الأصلية كتبت بواسطة wael17

علي العموم من هنا لحد وقت الشراء اخر السنة دي يكون الواحد رسي علي قرار نهائي...

ان شاء الله الفترة الى جاية الواحد يقدر يقرر ... ومعانا الوقت لحد اخر السنة
وتسلملى يا غالى على المتابعة معايا
شكراً يا وائل

both 318i and 320i are 2000cc the difference in the HP, 318i is 136HP and 320i is 156HP

المشاركة الأصلية كتبت بواسطة obvanman

both 318i and 320i are 2000cc the difference in the HP, 318i is 136HP and 320i is 156HP

i don't cared

and 2000cc or 1800cc .. you know the TAX in egypt

ومن ناحية الحصان 136 فى الـ 318 او 156 فى الـ 320 ... انا بعيد عن الموديلين

ياريت تفيدنى فى الـ 316 ... وشكــراً لمرورك ولمعلوماتك