حد عنده اخبار عن الشركة دى؟؟؟؟؟؟
افيدونى بالله عليكم
عرض للطباعة
حد عنده اخبار عن الشركة دى؟؟؟؟؟؟
افيدونى بالله عليكم
انا مامنة عندهم من سنتين ولم اطلب اى تعويض سوى من اسبوعين وكان التعويض عن مراية فيرنا يمين
ادونى الجوال بالموافقة وقالوا الشيك هايطلع خلال 20 يوم
باقى خمس ايام عن انتهاء المدة واول مالشيك يوصل هابلغ حضرتك لان ساعتها اعتقد يبقوا كويسين
لكن كان فيه عضو فى المنتدى اشتكى انهم لم يدفعوا له القيمة بس كانت كبيرة شوية ومش عارفة عمل ايه معاهم
دى كل معلوماتى ارجو اكون افدتك
مطلوب توضيح أيضاً عن " التكافلي " ؟ وشكراً للردود
اللى اعرفه عن موضوع التكافل ده انه بيعتبر نفسه بيجمع فلوس من الاعضاء و ذلك لاعانة المتضرر منهم و عند نهاية السنة يقوم بتوزيعنسبة من الفائض فى حالة وجوده على الاعضاء و يحتفظ بنسبة اخرى له نظير اداراته لهذا الموضوع
و هذا هو التكافل مما يجعل هذا النظام التامينى اسلامى و الله اعلم
لا مش صحيح حضرتك بتروح عندهم تصور العربية كاجراء سريع وبعدين توديها مركز الصيانة اللى يعجبك وتروح تانى يصوروا العربية ويختموا على الورق وبعدين تنتظر الشيك
او بتعمل اخطار وتتفق معاهم على اليوم اللى هاتودى فيه العربية للتصليح وبييجى مهندس من عندهم يعاين قبل وبعد التصليح وبرده بتروح تختم الورق وتستنى الشيك
اعتقد حكاية تكافلى دى اسم فقط لاغير
لانى معاهم بقالى سنتين وتقريبا لم اطالب يشئ سوى المراية من اسبوعين ومحدش منهم ادانى جنيه واحد
واكيد السبب معروف انه مفيش فائض فى الميزانية للتوزيع
السلام عليكم
انا حبيت احكى باقى تفاصيل موضوع الشيك للافادة
انا اتصلت بيهم الاسبوع الماضى قالو معلش اصل الشيك هايطلع كمان اسبوع
اتصلت النهاردة وكان نفس الرد
لدرجة انى قلت للموظفة دى هاتبقى اخر مرة اتصل وبعد كدة هاشتكى فى حماية المستهلك
لكن بصراحة انا بقيت مش عارفة الشيك هايطلع والا لا
ولو ماطلعش المفروض اعمل ايه غير حماية المستهلك
مع الشكر
انا اسفة ماردتش على موضوع المحضر
حضرتك لو التكلفة اقل من 5 الاف جنيه بتبقى من غير محضر
ربنا يطمنك انا خلاص امنت معاهم
استكمالا لموضوع الشيك
احب اطمن حضرتك انى النهاردة صرفت الشيك هو بس اتاخر شوية
وان شاء الله ماتحتاجش لفلوس التامين ابدا
يا رب محدش يحتاج للتامين فى حاجة بس نسبة التحمل الفعلية كانت كام
يعنى انتى دفعتى كام و اخدتى كام ؟؟؟؟؟؟؟؟؟؟؟
شكرا على اهتمامك
النسبة 95% ولو احتفظت بالقطعة القديمة بتبقى 5% كمان
ولو الموضوع له علاقى بالصاج بيخصموا 10%
شكرا على ذوقك و اهتمامك
ربنا يبعد عنا الشر جميعا يا رب
انا مامن مع المصرية للتامين التكافلى و العربية مكملتش 9 شهور اهية
امبارح العربية و انا سايبها فى الجراج السايس الله يحرقة خبطهالى ( فانوس امامى و رفرف و اكصدام امامى)
المفروض اعمل اية عشان احصل على مزايا التامين!
شكرا ليكو
هو طبعا اهم حاجة علشان تحصل على التامين انك للاسف هاتقول انك انت اللى خبطتها
كل الحكاية هاتتصل بيهم وهم هايقولولك على الاجراءات
ممكن يقولولك تروح شركة اسمها موتور كير ايجيبت ودى ورا كارفور المعادى وهاتعمل اخطار هناك
او هايقوقولك تروح مركز الصيانة وتتصل بيهم وتقولهم على اسم ورقم المهندس اللى هايستلم منك العربية
وحضرتك بتحاسب على التكاليف والشبك بيطلع بعد شهر
واتمنى ان وربنا يحفظهالك
شكرا لسرعة ردك!!!
بس انا عاوز اصلحها فى التوكيل!
عشان ترجع على ما كانت علية !
خصوصا العربية مكملتش ال10 الاف كيلو!
و حضرتك متاكد من الموضوع دة!
انى ادفع التكلفة كاملة و بعدين اخد شيك!
اولا لا شكر على واجب
ثانيا طبعا متاكدة وحضرتك ممكن تصلحها فى التوكيل براحتك لكن للامانة مش عارفة لو التكلفة اكتر من 5000 جنيه هايطلبوا محضر والا لا ومش عارفة فى التوكيل ممكن يقولولك التكلفة هاتبقى كام ممكن المبلغ يبقى كبير شوية لان حضرتك عارف سياسة التوكيلات عندنا
ارجو انى اكون افادتك
وبعدين حضرتك اتصل بالتامين دلوقتى مواعيدهم من 9 ل 5 من الاحد للخميس وبالتوفيق
شكرا ليكى و انا كلمتهم و خدو البيانات و كدة و قالولى حضرتك شوف عاوز تصلح فين و نبعت المهندس يعاين و بعد التصليح ادفع و اودلهم الفواتير و يصرفولى شيك خلال 20 يوم!
لفة رخمة شوية بس ربنا يعديها على خير!
معلش 1000 سلامة عليك بس انت لازم تغير الجراج و ابقى بلغنا باللى حيحصل مع التامين
قدر الله وما شاء فعل
الحمد لله بس هوا بقى قدرنا بقى كدة احنا هنسيب المنطقة اصلا مش الجراج :)
انا وديتها التوكيل انهاردة الصبح و سيبتها هناك يعملو المعاينة و المقايسة و اشوف الكلام على اية!
السلام عليكم
انا عندى شوية شغل فى الصاج ومهندس التوكيل قال تتكلف 4500 جنية ده يحتاج محضر وياترى موضوع اقل من 5000 جنية مفيش محضر معلومة منين لو سمحتوا أفيدونى
السلام عليكم ..
اولآ : موضوع التكافل ليه ثلاث اركان اساسيه وبعدها التطبيق :
1 - يكون فيه هيئه رقابه داخليه شرعيه ورئيسها رجل دين مش رجل تأمين .
2 - فصل ما بين حساب المساهمين والمؤمنين (( العملاء يعنى )) .
3 - توزيع نسبه من الفائض تحدد من الشركه فى الاساس ويجوز لهم زيادتها لا انقاصها .
ده الاساس فى التأمين التكافلى انه يكون قائم على الشريعه والعبره فيمن يطبق ويقوم على الامر ، على انه اى شركه تكافل فى بداية عملها وعلى الاقل لمدة الثلاث سنوات الاولى لاتقوم بتوزيع فائض ومن المفترض ان يتم توزيع فائض بعد ذلك فى ضوء كفاية الشركه من تكوين المخصصات وربحيتها .
اما بالنسبه لموضوع الشيك من المفروض الزهاب الى الشركه والسؤال وليس الاتصال بالتليفون وفى حال تجاوز الامر امكانيات من يقوم بتقديم الخدمه الذهاب الى المستوى الاعلى منه وهكذا ، علشان احيانآ فرد وخدمته السيئه يضر بسمعة الشركه التى يعمل بها .
التوقيع
خالد
السلام عليكم ورحمة الله وبركاته - قمت بالتأمين على سيارة جدية تأمين شامل و حدذ حادث ادى الى تلف السيارة هلاك كلى بعد اقل من شهرين من اقتناء السياره الجديدة و قمت بعمل محضر و معاينه السايرة بتوكيل نصور شيفورليه و التقرير هلاك كلى - و منذ يوم الحادث و الشركة تقوم بانتداب خبير لفحص السيارة على نفقتها و رفضت الشركة اطلاعى على تقرير الخبير و قامت بالفصال مبدئيا بخصم 10000 جنيه من ثمن السيارة ليصبح التعويض 70000 و اعترضت و قيل لى ان الشركة ستعرض السيارة على خبير اخر و لم يحدث و عند مراجعتهم زادوها لتصبح 72000 - وبالرغم من قناعتى باحقيتى فى الاطلاع على التقرير الذى هو اصلا موضع اعتراض لان الخبير يدفع اجر زيارته الشركة اذا سوف يجامل الشركة لامحالة و اصرت الشركة على ان اوثق عقد بيع السيارة لها علما بانها عندما ستبيع الشركة السيارة سيقوم المشترى بتوثيق عقد البيع- وعند مناقشة مدير الشركة اكد لى ان الشركة ستوثق للمشترى عقد بيع السيارة و نفاه فى نفس الجلسة محامى الشركة - مابال سيادتكم صدور ذلك من مدير الشركة أحمد مرسى وعند مواجهته بكدبق قال لى بالحرف البيزنيس كده و تحدث باسلوب سوقى و يتعامل موظفوا الشركة وع المؤمنيين باستعلاء من موقف قوة و ان الشركة دفعت لها 3000 و انها هتدفعلى 72000 و كان الشركة تدفع من اموالها وليس اموالنا كمؤمنيين - احذروا هذى الشركة. قبلت فى النهاية بذلك لكن عند صدور الشيك بالمبلغ سأتوجه للقضاء لاقاذى الشركة و اقاضى هيئة التأمين التابعة للحكومة حيث انه فى كل الدنيا تعتبر السيارة جديدة و تستحق كامل المبلغ المؤمن به فى الستة شهور الاولى و ان حكومات مبارك القذرة وضعت المؤمنيين بين فكى شركات التأمين لتأكلهم
يبقى انا اللى حظى كان حلو معاهم لان الاجراءات خدت منى زيارتين بالظبط مرة للفحص ومرة لصرف الشيك وبس
وكل اللى كانو هناك برده قدامى كان ده اللى بيتم معاهم من غير مشاكل ولاحاجة
سبحان الله
اكيد صرفتى اقل من حقك انتى واللى كانوا موجوديين علشان كده امورك مشيت سهله
لو كنتى اختلفتى معاهم على حقك انتى واللى موجودين . دى شركه بتخدع الناس مدير الشركة لما طلعته بيكدب قاللى قدام مدير الشئون القانونية قاللى البيزنيس كده يا خويا وكاننا واقفيين على الناصية ولا هو مدير شركة ولا انا مهندس - منتهى الوقاحة انك تقابلى انسان بالفجور ده والبجاحة دى - نوع البيزنيس اللى بيعتمد على الكدب مايختلفش فى شىء عن الشوو بيزنيس بالظبط كله قذارة - بس انا مش هسيبهم الاسبوع اللى جاى هبدأ جراءات تفعيل الشكوى لجمعيه حماية المستهلك و كمان قضية تعويض بباقى حقى و تعويض عن الضرر النفسى و تعويض عن 3 شهور مماطله و تضييع وقت
اعتقد ان حظك مكانش حلو ولا شىء انتى واللى صرفوا فلوسهم بسرعة القصة انك اكيد رضيتى باللى هما بيسمحوا بيه و الامور مشيت من ناحيتك من دون معارضة - دى شركة مبنيه على الاكاذيب مدير الشركة بنفسه قاللى كده لما قلتله انى ماسمعتش فى الشركة دى الا كل اكاذيب قاللى هو البيزنيس كده يا خويا كاننا بنتكلم مع بعض على الناصية فى الشارع ولا كانه مدير شركة ولا كانى مهندس - على فكرة انا قباله صدفة هو م المدام بتاعته فلى جراند موول و عرفته ومارضيتش اقوله يا كداب قدام مراته الكداب ده .
أنا لى تجربة معاهم :
عملت حدثة يوم خميس بعربيتى sx4 وحاولت أتصل بيهم محدش رد على كل تليفوناتهم, المهم رحت عملت محضر
يوم الاحد رحت مقر الشركة عشان أبلغ, خلونى املأ نموذج ابلاغ وقولتلهم ان العربية فى التوكيل بس أنا مسافر قالولى مهندس الفحص هيروح يفحصها فالتوكيل, وماخدوش المحضر عشان التلافيات أقل من 5000 جنيه.
بعد كده بأيام راح المهندس فحص العربية واتفق مع التوكيل على المقايسة.
بعد ما خلصت الأصلاح رحت مقر الشركة بالفاتورة سلمتها وهى كانت ب4000 جنيه, بعديها بشهر رحت أستلمت شيك على البنك الأهلى بقيمة 3700 جنيه تقريباً, ولما سألتهم عالفرق قالوا أهلاك