أنا كنت هعمل موضوع جديد بخصوص الموبينه والأسبراتير الألكترونى
الموضوع كله ان المشكله ديه ظهرت فى بعض الويرا القديمه ومعظم الحديثه
والسبب الرئيسى هوه كبلات البوجيهات والبوجيهات العاديه .
الكبلات الأصليه اللى بتنزل فى العربيه مقاومتها عاليه وبتسبب عطل للموبينه فى السيارات اللى فيها موبينه وبتسبب عطل للأسبراتير الألكترونى بالكامل فى السيارات اللى فيها الأسبراتير الألكترونى مدمج به الموبينه
تانى حاجه البوجيهات العاديه
من الضرورى أستعمال بوجيهات من النوع الألكترونى لتحسين الحرق ولعدم تلف الأسبراتير ذى اللى فى الصوره ديه
خلى بالك البوجيهات الألكترونى بيميزها حرف R اللى مكتوب عليها
ولو معليهاش الحرف زى الدنسو اليابانى هتلاقى الصاموله اللى فيها مبتتفكش (مصبوبه صب فى البوجيه)
هتلاقي البوجيهات الngk فى السوق ب 45 جنيه والكبلات الكورى ب40 جنيه
الحق غيرهم .
المفضلات