حاجة مستفزة فعلاً!!! ادخل و احكم ...

**wesam_salom** · 28-04-2010 09:39 PM

المشاركة الأصلية كتبت بواسطة 3ateef

اللى يحط بنزين 80 وعربيته المفروض ميتحطش فيها اقل من 90 بصراحة انا مش حقول رأى فيه......

اقولك انا

واحد بياخد حقه من الدعم زى اى واحد تانى وده على حساب عربيته اللى شاريها من فلوسه

المشاركة الأصلية كتبت بواسطة maged_samy

او يكون صاحبها ورثها من جده اللى فى الصعيد ومش لاقى ياكل ولا يأكلها .

او بيأكلها بالرخيص عشان ياكل هو كويس
هى العربيه احسن منه

المشاركة الأصلية كتبت بواسطة maged

ايه المشكلة ان واحد يمون 80 لعربية حديثه طالما ان العربيةهو شايف انها ماشية كويس مع ال 80 وطبعا هو عارف المشاكل اللى ممكن تحصل من كده ومتحمل كافة العواقب ومستعد يجازف بالموتور مقابل فرق السعر مع ان الموتور الزيرو مش هيجراله حاجه خلال 5 سنين وبعد كده يبيعها عادى ولا من شاف ولا من درى

وممكن يقول على كل اللى فيها ده لو البنزين كان عمل معاه مشاكل من اساسه

المشاركة الأصلية كتبت بواسطة 3ateef

يبقى يجيب 128 حمراء ويحط فيها البنزين اللى هو عايزه...واللى مش اد مصاريف عربية ويجيبها يبقى سورى يعنى.........

وحكاية المصاريف مفتكرش ان ليها علاقة بالموضوع.....

ربنا شايفه وشاهد على اللى هو بيعمله....بس لو يفكر..

واللى معاه 128 مكسره وكل يوم عطلانه ومعطله الطريق ومطلعه دخان قارف الناس ده نعدمه بقى ولا ايه

المشاركة الأصلية كتبت بواسطة m.osman

و مع احترامي للرأي اللي بيقول هو حر.... معلش
حر ازاي يا جماعة ؟؟
هو مش الحكومة اللي عاملة دعم دي حكومتكم ؟؟ مش انتوا بتدفعوا ضرايب ؟؟ صح ولا لأ ؟؟

اكيد هو بيدفع ضريبه وترخيص ونقل ملكيه اكتر

يبقى له حق اكتر فى الدعم

المشاركة الأصلية كتبت بواسطة أبومريم

رأيي إن كل واحد أدرى بظروفه

هو ده الكلام الصح وكمان هو حر فى فلوسه

حاسبه بيصرفها ازاى طالما مش فى حاجه حرام يبقى صح

طبعا مع احترامى للجميع

وياريت محدش ياخد الامور يشكل شخصى

**ahmed4000** · 29-04-2010 11:16 AM

المشاركة الأصلية كتبت بواسطة wesam_salom

اكيد هو بيدفع ضريبه وترخيص ونقل ملكيه اكتر

يبقى له حق اكتر فى الدعم

هو الدعم مش حق للجميع
الدعم للفقراء او الاكثر احتياجا عامة
فتخيل معايا واحد لا عنده عربية ولا لاقى يركب اتوبيس حتى بياكل عيش استغفر الله العظيم وتعليم زفت وصحة زفت ...فى حين واحد تانى مش لازم نقول غنى علشان الناس متزعلش -مع ان لما اجيب عربية باكتر من 100 الف يبقى اكيد غنى- بس خلينا نقول طبعا اغنى من صاحبنا الاولانى

ورغم كده فالتانى بياخد نصيب من الدعم اكتر ميت مرة من الاولانى

لان الغلبان لا بيستخدم عربية ولا بينزل يلف بيها شوية ولا بياخد العيال يفسحهم بالعربية

خلينا واقعيين مدام الفلوس محدودة يبقى ندى للاكثر احتياجا أم الاغنى نسبيا يبقى بيتحمل جزء من مصاريفه

**mramzy** · 29-04-2010 11:51 AM

طب انا عايز الفت نظركم لحاجه
هو الراجل لما اشترى عربيه كورلا والا شيروكى والا بورش حتى
هو هربها فى جيبه
والا الجمارك قالت هتدفع 400 % دفع والا لا
ولما قالوا له انك هتفع 2% من ثمن العربيه قال لا
يعنى الراجل فربنا فتح عليه والا اشتغل بره وهناك معندهمش 128 وجاب عربيه عدله نعذبه ونبهدله
الحكومه خدت فوائد اكثر من الشركه المصنعه بمصانعها بعملها حققت مكسب فى العربيه دى عند طريق الجمارك والضرائب
فيه ايه هو حد شريكه فى فلوسه تعب وشقى وبيدفع ضرائب برضه فى شركته او مصنعه الخ الخ
وبعدين اللى عمال يحط ضرائب وبتاع عنده كام عربيه مرسيدس بيدفع فيهم برضه زينا
والا حرام يركب حاجه نظيفه بعد الشقى والبهدله وشغل 20 ساعه والكلام ده
وبرضه اللى بيحط القرار ده بيحط برضه بنزين مدعم والا هو علشان مش بيدفع من جيبه يبقى مش همه
والا ايه