فيات تمبرا موديل 1999 /2000 ام دايو لانوس موديل 2000
مش عارف اختار وانا معيا 40000 انا بصراحه التمبرا عجباني اكتر خصوصا انها فيات وناس كتير بتشكر فيها كعربيه وكمان صالونها واسع من جوه اوي وعائلية وكمان عربيه جرايه اوي وبتاعت شغل وناعمه وسحبها معقول وثابته علي الارض ومتزنه اوي وكمان كتير بيفهموا فيها من المكانيكيه بتاعتها بس سمعت إن قطع غيارها غاليه عن بقيت انواع الفيات وكمان سعات عزيزه مش سهل تلاقيها ، هل بقي هي غاليه اوي ومش موجوده ولا غاليه نسبيا وكمان سمعت إن فيها عيب إنها بتسخن ومش بتعرف بسهوله هي بتسخن من ايه وكمان لو حبيت ابعها بعد كده ثقيله نوعا ما في بعها والطلب عليها مش عالي
اما الدايو سمعت ان متورها كويس بس الــ 40000 الف اللي معايا مش هايجيبوا دايو عدله وسمعت أن فرامل الدايو وحشه وكمان بتجمع ببطئ شديد وحلوه في السرعات العاليه بس وسمعت ان الدايو رخمه في سمكرتها وكمان لما بتفتح بيها سرعه عاليه ملهاش ثبات كويس علي الارض عكس التمبرا وصالون الدايو اضيق نوعا ما من التمبرا اللي صالنوها اكبر من صالون بتنا بس الدايو سوقها شغال يوم ما أحب أبعها مش هاتقعد كتير طبعاً لو حالتها كويسه
بجد انا محتار ياريت يا جماعه كلامي لو صح تقولولي ولو فيه حجات غلط صححوهالي وقولولي أشتري أيه ولو فيه عربيه بــ 40000 أحسن من الأتنين دول قولولي عليها بس أهم حاجه تكون قطع غيارها متوفره وبسعر معقول و صيانتها سهله ميكانيكه و سمكره كتير بيفهموا فيها مش عايز اتزل لما العربيه تعطل وأطر اروح بيها الحرفيين وعزبه شلبي في كل كبيره وصغيره عشان مكانيكياتها عزيزه ومش كتير بيفهموا فبيها وياريت كمان تكزن موديل قريب شويه يعني أواخر التسعينات كده من 97 وانت صالع مش حابب اجيب عربيه ثمانينات مهلوكه شغل وشكراً وبرجاء الرد وأسف علي الإطاله
