للأسف اللوجان إتخبطت ... و لسه عاملة 3000 كيلو ..

المفروض حجزت فى التوكيل المعاد بكره هنروح ...

الخبطة جت فى الرفرف اليمين جنب الفانوس .... ..

الخبطة فى الزمالك سواق تاكسى خارج من شارع جانبى بسرعة عالية نسبيا للشارع إللى خارج منه ... و والدى سايق و فجأة .. هووووب لبس فى العربية ! ... و طبعا العربية بتاعتنا ليها أولوية المرور

طبعا بقى مقولكوش المطيبتية و حصل خير و نحلها ودى بس أبويا صمم يعمل محضر ...

و سواق التاكسى شاب مده بتاع 24 سنة ماقلش كلمة ...

أبويا إتنرفز على الناس و زعق فيهم كلهم محدش يدخل إمشوا ...

المهم طلع و التاكسى وراه على القسم (طبعا أبويا خد النمرة عشان الواد مايزوغش) ... طبعا أبويا عمل المحضر عشان التأمين ..

جه تاكسى تانى ماشى وراه من أول السكة و مشى جنب العربية و قال إحنا نحلها ودى أحسن!!
مش هتأخد حق ولا باطل فى القسم!! .. أبويا إتنرفز و رد عليه و قاله إمشى يا إما والله لأخبطك بنفس الرفرف دلوقتى و تيجى إنت كمان معانا ! .. السواق التانى خاف و مشى ...

المهم بعض المحضر قال للسواق كام كلمة كده إنه يركز و إن ده أكل عيشه و إن العطلة بفلوس و الواد مقالش حاجة طلع كويس ... المهم طلع كمان هو عامل تأمين مش عارف ليه كان مضايق من حكاية القسم؟؟؟؟

بس الحق يقال أبويا قالى إنه بيتحمل جزء من المسؤولية شوية إنه لو كان مركز فى الطريق كان تفاداه ... لأن هو كان بيدور على شارع جانبى ...

يلا قدر الله ما شاء فعل بس العربية لسه زيرو ...

إن شاء الله بكرة انا رايح بيها التوكيل المقطم ...