الهواء ولا النتيروجين

**alynubira** · 27-04-2010 12:13 AM

السلام عليكم
عندى سؤال وهو ملى الاطارات بالهواء احسن ولا النتيروجين احسن

**محمد الشامي** · 27-04-2010 12:25 AM

النيتروجين احسن وافضل وأغلى

لان النيتروجين بيدي ثبات للعربيه اكتر
وكمان مش بتحتاج تزود العجل كل اسبوعين مثلا , النتيروجين كثافته اعلى من الهواء العادي تقريبا وكمان مفيش فيه بخار ميا
وبالتالى نسبه انكماش الهواء داخل الأطار بتكون معدومه تقريباً , وكمان بتحافظ على الكاوتش نفسه من الداخل

لكن عيوبه انك يوم ما تزود العجل لازم تزوده نيتروجين

وده مش متاح الا في اماكن معينه

**Samir Elshahawy** · 27-04-2010 12:32 AM

لكن عيوبه انك يوم ما تزود العجل لازم تزوده نتيروجين
ولو عجله نامت منك لازم تزودها نيتروجين بردو

أسمح لي أختلف معاك شوية
أيه اللي يمنع أنك تزود هوا لو عجلة نامت و مافيش مكان تزود منه نتروجين ؟؟

تقدر تزود هواء طبعا و بعد كده لما توصل لأقرب مكان فيه نتروجين بيقوموا بسحب الهواء من الاطار و اعادة ملئه بالنتروجين

أما أيهما أفضل ؟؟
الاثنين كويسين و مش هاتحس بفرق جوهري أوي ألا لو كنت أنت شخصيا مرتاح نفسيا لأحدهما

مع خالص تحياتي
م/ سمير الشهاوي

**محمد الشامي** · 27-04-2010 12:41 AM

المشاركة الأصلية كتبت بواسطة se_coralsea

أسمح لي أختلف معاك شوية
أيه اللي يمنع أنك تزود هوا لو عجلة نامت و مافيش مكان تزود منه نتروجين ؟؟

تقدر تزود هواء طبعا و بعد كده لما توصل لأقرب مكان فيه نتروجين بيقوموا بسحب الهواء من الاطار و اعادة ملئه بالنتروجين

مشكور يا باشمهندس على تعليقك ولكن مش معنى كلامي انه مستحيل يزود غير النيتروجين
لكن انا اقصد انه مينفعش يخلط الاتنين ببعض , الا لو في حاله طارئه مثلا

لأن الخلط لمجرد الخلط هو كأنه بيفقد النتيروجين بعض خواصه من خلال مزجه بالهواء العادي

ولا ايه يا باشمهندس ؟؟ انا طبعا مش عارف المعلومات بشكل علمي دقيق , لكن انا باخد رأيك في كلامي

**yssryaae** · 27-04-2010 12:50 AM

لو النتروجين متوفر اكيد هزود العجل بيه بس للاسف مش موجود عندى وبعدين لو الطرق المصرية كويسة عمر العجل مهيحصله حاجة ولو حتى نتروجين دى عربياتنا محتاجة عجل دبابات عشان نطلع بيها الجبال اللى فى الطرق

**abo_lamar** · 27-04-2010 12:52 AM

من اهم عيوب موضوع النيتروجين هو قلة الورش اللي بتزود نيتروجين عشان كده مش كل الناس بتحب تستخدم النيتروجين .

**alynubira** · 27-04-2010 01:09 AM

كلامكم زى الفل بس انا سمعت ان النتيروجين بيسخن الكوتش بتاع العربيه

**محمد الشامي** · 27-04-2010 01:19 AM

المشاركة الأصلية كتبت بواسطة alynubira

كلامكم زى الفل بس انا سمعت ان النتيروجين بيسخن الكوتش بتاع العربيه

بيتهيألي ان احتكاك الكاوتش مع الأرض هو سبب السخونه , لكن مش نوع الغاز الداخلي

**eng_ahmedryad** · 27-04-2010 01:28 AM

المشاركة الأصلية كتبت بواسطة alynubira

كلامكم زى الفل بس انا سمعت ان النتيروجين بيسخن الكوتش بتاع العربيه

الكاوتش بيسخن من الأحتكاك مع الأرض وده طبيعي ، ولما بيكون الكاوتش منفوخ هواء ، بيتأثر بدرجة الحرارة وبيتمدد ، وده عكس اللي بيحصل في النيتروجين لأنه مش بيتأثر بدرجة الحرارة بنفس مقدار الهواء العادي ، وبالتالي مايتمددش ، علشان كده بيكون النيتروجين أفضل.

**Samir Elshahawy** · 27-04-2010 01:29 AM

المشاركة الأصلية كتبت بواسطة alynubira

كلامكم زى الفل بس انا سمعت ان النتيروجين بيسخن الكوتش بتاع العربيه

أطلاقا و لكن الاحتكاك بين الكاوتش و الطريق بالاضافة الي أستخدام الفرامل اثناء السرعات العالية بيكون سبب رئيسي و مباشر في ارتفاع درجة حرارة الكاوتش
و لا تنسي ان النتروجين ماهو ألا غاز تسري عليه قوانين الغازات مثله مثل الهواء

المشاركة الأصلية كتبت بواسطة محمد الشامي

مشكور يا باشمهندس على تعليقك ولكن مش معنى كلامي انه مستحيل يزود غير النيتروجين
لكن انا اقصد انه مينفعش يخلط الاتنين ببعض , الا لو في حاله طارئه مثلا

لأن الخلط لمجرد الخلط هو كأنه بيفقد النتيروجين بعض خواصه من خلال مزجه بالهواء العادي

ولا ايه يا باشمهندس ؟؟ انا طبعا مش عارف المعلومات بشكل علمي دقيق , لكن انا باخد رأيك في كلامي

هو الخلط في حد ذاته لن يفقد النتروجين خواصه و ألا كان فقدها اثناء وجوده الطبيعي بالهواء الجوي و لكنه يقلل من وجوده كنتروجين نقي داخل الاطار و تصبح الغلبة للهواء الجوي , أليس هذا هو ماتقصده ؟؟

الموضوع بسيط جدا و مش محتاج شكل علمي و لا حاجة و كلنا بنستفيد مع بعض من خلال المناقشات الحلوة اللي بتميز منتدانا عن غيره

مع خالص تحياتي
م/ سمير الشهاوي

الموضوع: الهواء ولا النتيروجين

LinkBack

أدوات الموضوع

عرض

الهواء ولا النتيروجين - انشر الموضوع فى :

-

-

-

-

-

-

-

-

المواضيع المتشابهه

الفرق بين النتيروجين و الهواء؟؟

زيت في عمة الهواء

مطب الهواء!!

عمة الهواء

ضغط الهواء

الكلمات الدلالية لهذا الموضوع

المفضلات

المفضلات

ضوابط المشاركة