الناس اللى ذكرتهم دول اسعارهم كويسة بالنسبة للشغل اللى بيعملوه .. ابراهيم سعد بتاع الدوكو غالى شوية .. وانلى غالى شوية .. وائل طه يعنى معقول بس فى المجمل بتاخد منهم العربية جديدة .. و على فكرة السمكرى و بتوع الدوكو اللى ذكرتهم دول بيشتغلوا فى العربيات الزيرو اللى بتيجى مخبوطة .. و مش بيبان عليها و بتتباع على انها مارشتش و لا دقتش حاجة .. محترفيين يعنى .. عم عبده العفشجى ميزته انه ليه سعر واحد يعنى مش بيحاسب بشكل الزبون او نوع عربيته و بيتابع الشغل بنفسه .. ربنا يبارك له .. كمان مصطفى الدكتور اكهربائى اسعاره معقولة قوى .. بتاع التكييف اللى فى الابراهيمية غالى حبتين بس بتنسى مشاكل التكييف بعد اصلاحه يعنى غالى و تمنه فيه .. محمود السروجى ده بيعمل شغل كويس و اسعاره شعبية بس واحد عنده ضمير و ميزته انه مابيعملش من الحبة قبة .. و لو وقتك مش مساعدك ممكن ياخد المقاسات و يجهزها و بعد كام يوم تعدى عليه يركّب على طول