الموضوع: اللي بيشتري عربية مستعملة , ازاي يكتشف انها كانت بتتأجر ؟

المشاركة الأصلية كتبت بواسطة magyver

هو والله مش شرط ممكن تكون مع واحد ومبهدلها
علشان انت لو حطيت في دمااغك كدة ممكن تتعب نفسيا
وبالنسبة للعداد بيتلب فية
كنت مع واحد صحبي من قيمة يومين وابوة تاجر والعربية كاانت تويوتا 2006 والعربية حاالتها مية مية وفابريقة برة وجوة
والعدااد كان 140 الف كيلو
عملناة 40 الف عند واحد متخصص لكدة
وخد 130 جنية والوقت 3 دقاايق بالظبط

و الله انا مش هاتعب نفسيا لأن اللي حصل حصل خلاص , انا شديت العربية و تقريبا رجعتها عروسة تاني و بقى شكلها محترم اوي , انا بس عايز اعرف للاستفادة
بخصوص العداد , انا كنت من فترة قريبة اشتريت طقم عدادات استيراد من الحرفيين - عشان فيه rpm و عربيتي مافيهاش - و انا هناك و الكهربائي بيركبه , قلت له بس العداد الجديد ده عامل 130 ألف و عربيتي عاملة 85 ألف بس , كده هاتبقى العربية خسرت 50 ألف في عدادها , انا قلت له كده و انا متوقع انه هايحل عداد السرعة بالرحلات بالكيلومترات من القديم يحطه في الجديد , لقيته بيقول لي عايزه كام ؟ 50 ألف ؟ قلت له عايزه 85 ألف زي القديم , خده و دخل في اودة مقفولة - سر الصنعة طبعا - و طلع لي بالعداد عامل 80 ألف , و كان الله بالسر عليم

العداد ما بقاش مقياس بالمرة

المشاركة الأصلية كتبت بواسطة ابو فرح

المهم الحالة العامة للعربية
وفعلا معروفين الانسر فيرنا لانوس تيوتا النتر الشيب القديم والجديد سيراتوالجديده

و المهم اللي يعرف يكشف على الحالة دي صح , انا يوم ما اشترتيت كان معايا واحد فاهم زي ما هو مفروض و اخد فلوس , بس طبعا ولا دري بكاوتش ولا غيره , هي اساسيات و زي الفل و خلاص , و بعدها على طول كشفت عليها في بنزينة كالتكس , قالوا ترشيح زيت من الكارتيرة تحت - و اتحل بتغيير الجوان - و بلية دينامو خشنة , و اتغيرت ب40 جنيه , و شكرا , ولا خدوا بالهم كلهم من اي حاجة من الحاجات اللي ذكرتها في البوست اللي فات