هل فيه علامات معينة ؟
حاجات معينة بتبوظ في العربيات اللي بتتأجر بالذات ؟
عيوب صيانه معينة ؟
هل فيه علامات معينة ؟
حاجات معينة بتبوظ في العربيات اللي بتتأجر بالذات ؟
عيوب صيانه معينة ؟
حضرتك ببان من العداد الكيلو و من شكل العربيه نفسها طبعا كله دا ببان لما تفحص العربيه ف التوكيل متلا
تمام , بس موضوع العداد ده الثقة فيه قليلة شويتين , انا قدامي في الحرفيين كهربائي هناك نزل عداد من 130 لحد 80 ألف عادي خالص و كان ممكن ينزل اكتر
شكل العربية نفسها ازاي مثلا ؟
اهم ما يجعلك تعرف ان السارة ايجار اول لا حالة الصالون والتابلوه
سيارات الايجار دائما بها حرق سجائر ورائحة كريهة و تابلوه متخربش او متقطع
زى ما قال الاستاذ رؤوف , العربيه الايجار علطول التجار بتعرفها من الصالون
كل حاجه فى الميكانيكا ممكن تحصل لعربيه صاحبها بيجرى زى الايجار لكن الصالون هو الفيصل
الكراسى متبهدله والفرش الاصلى ضايع والابواب متاكله والتابلوه فيه اجزاء بلاستيك مكسوره وحروق كتير فى العربيه وبشكل عام الصالون كله عيوب يبقى 80% كانت ايجار , يؤكد بقا الحاله ان مفيش عربيه ايجار فابريكه برا
ومفيش عربيه ايجار بكاوتش الفابريكا , يا هتلاقى حالته ضااااايعه يا هتلاقيه كاوتش حالته عاديه بس مش بتاعها
واخيرا مفيش عربيه ايجار عفشتها بحاله كويسه , النقط دى لو اجتمعت فى عربيه تبقى اكيد ايجار
ومتقلقش من موضوع اللعب فى العداد ده , اى حد بيفهم فى الشرا سهل قوى يقيم حاله العربيه مقارنه بالكيلومتر لأن اللى بينزل بياكل عدد كيلومترات محترم فبيفرق فى شكل العربيه قوى
احسنت قولاً Ahmed0Nouh ..
المهم الحالة العامة للعربية
همممممم , من كلامكم كده انا ممكن اقتنع ان عربيتي فعلا كانت بتشتغل ايجار
- لانوس1
- العربية كحالة عامة نضيفة
- الصالون جلد بجودة مش قد كده لكنه مش مبهدل و حالته كويسة
- التابلوه مش مبهدل برده
- الكاوتش كان فعلا ضايع ضايع و فيه فرد شغالة على داخلي و غيرته كله
- العفشة كانت تمام , بس بعد ما قعدت معايا شوية ( و انا كلت بيها مطبات كتير بصراحة , يعني اول عربية بقى و كده ) و غيرت فعلا في العفشة حاجات كتير و العربية رجعت تمام تاني
- الواضح ان صيانة العربية كانت سيئة جدا , يعني مياه حنفية في الرادياتير , الفانوسين اللي ورا كان راكب لهم وشوش صب مش فوانيس صيني حتى, و الفوانيس الامامية فوانيس الفابريكة بلمباتها و معتمين , و الاكصدامات محتاجة تترش
- العربية راششة برة عموما و الرش جودته مش قد كده
- راكب لها سنتر و اتنين زجاج كهرباء
- الموتور حالته لما اشتريتها كانت 75% , بس الملحوظ ان سحبه كان مش اوي و لما قرصت عليه بقى يسحب كويس جدا
- العربية كانت محتاجة ترصيص , بعد 100 كانت بتغربل و لما رصصت بقت زي الفل
- الفرامل كانت في الضياااااااااااع , و قعدت بيها كده 3 شهور تقريبا و انا ولا دريان و بعدين غيرت التيل و الطنابير(كانت عملت شفة)ـ
ايه رأيكم ؟
هو والله مش شرط ممكن تكون مع واحد ومبهدلها
علشان انت لو حطيت في دمااغك كدة ممكن تتعب نفسيا
وبالنسبة للعداد بيتلب فية
كنت مع واحد صحبي من قيمة يومين وابوة تاجر والعربية كاانت تويوتا 2006 والعربية حاالتها مية مية وفابريقة برة وجوة
والعدااد كان 140 الف كيلو
عملناة 40 الف عند واحد متخصص لكدة
وخد 130 جنية والوقت 3 دقاايق بالظبط
رجاء مراعاة الدقة عند كتابة لفظ الجلالة
1:24am 28/4/2010
مشرف القسم 9ب
المهم الحالة العامة للعربية
وفعلا معروفين الانسر فيرنا لانوس تيوتا النتر الشيب القديم والجديد سيراتوالجديده
بجد حرام عليهم ...وشوية الملاليم الى هايزيدوا فى تمن العربية حرام ..يدخلهم بيتة زية زى الحرامى مفيش فرق على الاقل الحرامى بيخليك تعرف ان فية حالة ناقصة ام دة بيعملك من البحر طحينة وفى الاخر لبيطلع بحر ولا بيكون فية طحينةاقتباس:
كنت مع واحد صحبي من قيمة يومين وابوة تاجر والعربية كاانت تويوتا 2006 والعربية حاالتها مية مية وفابريقة برة وجوة
والعدااد كان 140 الف كيلو
عملناة 40 الف عند واحد متخصص لكدة
وخد 130 جنية والوقت 3 دقاايق بالظبط
( انا اسف لصديقك ووالدة بس هما الى عملوا فى نفسهم كدة...)
التجار ما خلوش حيلة الا ما عملوها ابليس نفسه بيتعلم منهم حاليا و بياخد عندهم دروس خصوصية ربنا يوقعهم فى بعض و يبعدهم عننا
مستحيل تعرف
واللة ياجماعة لما سالتو قالي انا بقول للزيون
اللي هياخدها علشان تكون راحة نفسية
والعربية واللة زيرو
سبحان الله
امبارح بمنتهى الفخر سواق لعربية من عربيات الشغل بيحكيلي عن نصاحته في العربية الإلانترا بتاعته اللي كانت عاملة 350 ألف كيلو وإزاي إنه لما جه يبيعها نزل عدادها لـ 120 ألف عشان تتباع
الغريب إنه متكسفش وهو بيتكلم ولا لما قلت له إنت بتتكلم ومبسوط من نفسك إنك غشيت واحد اشترى العربية؟
ياجماعه دى فى ناس بيبع عربيات مشيسه ولحمه نص وتقولك فابريقة ده سوق ما يعلم بيه الا ربنا
والله انا بعتبر اللى بيلعب فى العداد ده ابن حلال علشان لو هتشوف الموتور والدنيا ايه وتقدر تعرف الموتور والعفشه حالتهم ايه وده اللى يهمينى
لكن العربيه اللى عامله حادثه ومقلوبه والحاجات دى ويبعها على انها فابريكه دى بقى بجد اللى حرام عليه
انا مش عارف ليه الناس بتستغرب من اللى يجرالنا
لما الناس مبقاش عندها ريحة الضمير
لا وبيتكلموا عادى خالص ولا كانه غش ولا فيه اى حرمانية
مفيش اغبى من التاجر المصرى اللى لازم يخدعك فى كل حاجة وفاكر نفسه بيكسب...يبقى يقابلنى
بما إن الشئ بالشئ يُذكر
إنت فكرتني بمقال رائع لكاتب سعودي محمد عبد الله المنصور بعنوان مقال بـ 400000 ريال
كنت هاحطه هنا لقيت إن الأفضل أحطه في موضوع منفصل هنا
شكراً للمقال المعبر ...أبو حمزة
و الله انا مش هاتعب نفسيا لأن اللي حصل حصل خلاص , انا شديت العربية و تقريبا رجعتها عروسة تاني و بقى شكلها محترم اوي , انا بس عايز اعرف للاستفادة
بخصوص العداد , انا كنت من فترة قريبة اشتريت طقم عدادات استيراد من الحرفيين - عشان فيه rpm و عربيتي مافيهاش - و انا هناك و الكهربائي بيركبه , قلت له بس العداد الجديد ده عامل 130 ألف و عربيتي عاملة 85 ألف بس , كده هاتبقى العربية خسرت 50 ألف في عدادها , انا قلت له كده و انا متوقع انه هايحل عداد السرعة بالرحلات بالكيلومترات من القديم يحطه في الجديد , لقيته بيقول لي عايزه كام ؟ 50 ألف ؟ قلت له عايزه 85 ألف زي القديم , خده و دخل في اودة مقفولة - سر الصنعة طبعا - و طلع لي بالعداد عامل 80 ألف , و كان الله بالسر عليم
العداد ما بقاش مقياس بالمرة
و المهم اللي يعرف يكشف على الحالة دي صح , انا يوم ما اشترتيت كان معايا واحد فاهم زي ما هو مفروض و اخد فلوس , بس طبعا ولا دري بكاوتش ولا غيره , هي اساسيات و زي الفل و خلاص , و بعدها على طول كشفت عليها في بنزينة كالتكس , قالوا ترشيح زيت من الكارتيرة تحت - و اتحل بتغيير الجوان - و بلية دينامو خشنة , و اتغيرت ب40 جنيه , و شكرا , ولا خدوا بالهم كلهم من اي حاجة من الحاجات اللي ذكرتها في البوست اللي فات
+1111111
فعلا الحاله اهم كتير من عدد الكليومترات يعنى لو واحد ماشى 10 كليو فى طريق مكسر ومنيل بنيله ولاا تمشى 100 كيلو على الصحراوى وبعدين اى عربيه مستعمله ليها رينج مش هتزيد عنه يعنى اللعب فى 10 تلاف حسب الحاله فمش مستاهله الناس دى تغش مش عارف بيفكروا ازاى مفيش ضمير والكل ماشى بمبدا ما الكل بيعمل كده
لو سمحتوا يا جماعة إزاي أعرف إن العربية مغيرة نص عشان أنا شفت ناس معاهم عربيات مغيرة نص وذي الجديدة بالظبت اللي شككني فيها إنها نظيفة جداً جداً حاجة غريبة ولاحاجة بينه
على الله حد يجاوبك , بس اظن السمكري او بتاع الدوكو الشاطر يعرفها