الموضوع: عايز اروح مستشفى الحسين الجامعى

بص ياباشا هو انا ما اعرفش فين سراي القبة بالظبط
لكن انا هحاول افيدك علي قد ما اقدر

اعتقد ان انت تعرف ارض المعارض او قاعة المؤتمرات والاستاد

انت هتدخل من جنب ارض المعارض علي اعتبار ان انت جاي من ناحية كوبري الفنجري
يعني هتدخل يمين وتكمل وارض المعارض علي يمينك لحد الاخر لحد ما تلاقي كوبري 6 اكتوبر تروح داخل يمين الطريق دا الي هو امتداد رمسيس وانت كده يعتبر ماشي تحت الكوبري
امسك الشمال بقي وهتيجي اشارة تدخل انت شمال
كده انت بقيت علي صلاح سالم
تفضل ماشي علي طول وما تطلعش ولا كوبري ويستحسن ان انت تمسك اليمين وهتنزل نفق صغير وتكمل لحد مشيخة الازهر وهو هيبقي يمين اجباري
ولما تدخل هتلاقي علي يمينك موقف اتوبيسات هتكمل لاخر الشارع وتدخل شمال وحاول تيجي علي اليمين شوية لاءن كده يعتبر مستشفي الحسين الجامعي قدامك
علي مسافة اقل من 100 متر

بس بص بقي ياباشا
انت لو دخلت يمين هتكمل للازهر تقريبا
وشمال للازهر بارك وصلاح سالم

انا مش عارف بقي انت تقدر تركن العربية فين
بس عموما دي سلة انت لو سئلت اي حد هيقولك علي طول

واستني حد من الاعضاء يفيدك اكتر مني
انا قولت اقولك الي اعرفه علشان لو انت مستعجل

و
توصل بالسلامة ان شاء الله

الف شكر ليك يا باشا

المشاركة الأصلية كتبت بواسطة dew drops

عايز اروح مستشفى الحسين الجامعى من سراى القبة بالتفصيل لو سمحتم

مستشفى الحسين الجامعى فى ميدان الحسين بالقرب من الدراسة وليست بمدينة نصر
فى حالة انك رايح مواصلات ممكن تركب المترو من سراى القبه وتنزل محطة العتبه وتاخد اى مواصله للمستشفى قريبه اوى امال بالعربية هتاخد طريق صلاح سالم وبعدين تنزل نفق الازهر واول ما تطلع من النفق اسال اى حد500واحد هيقولك وممكن تركن فى جراج الدراسة بعد المستشفى بحاجة بسيطه اوى.

المشاركة الأصلية كتبت بواسطة ahmedfathi

فيه باركنج قدام المستشفى مباشرة انا باركن فيه على طول

طيب طريقة الحساب ازاي ؟؟؟