الموضوع: نصيحة صحية

رحت أولا لطبيب مخ وأعصاب وماكملتش معاه لأنى اتحسنت شوية
رحت بعد كده لطبيب قلب ربما تكون دى أعراض ضغط مرتفع فنصحنى بالعرض على طبيب مخ وأعصاب وقاللى قلبك كويس وضغطك كويس
لما رجعت لى الأعراض تانى رحت مرة تانية لطبيب مخ وأعصاب بس كلامه ماعجبنيش وحسيت إنه إستهان بالحالة .

اسمحلى يا باشا..دى مش طريقة واحد بيتعالج...
ومينفعش تتحسن وتسيب الدكتور ولما تتعب تانى تروح لدكتور تانى وهكذا...

روح لأستاذ دكتور وخليك معاه لغاية تمام الشفاء بأذن الله...

الف سلامة على حضرتك

لا بأس طهور ان شاء الله

بص حضرتك الصداع اسبابه كثيــــــــــــــــــــرة جدا

ممكن الاسباب تبقى بسيطة جدا وممكن غير

طبعا حضرتك قيست الضغط وكان كويس وده احد اهم الاسباب استبعدناها

لكن زي ما قيل ممكن تكون اعراض جانبية لادوية حضرتك بتأخذها

وممكن يكون سبب نفسي وده من الاسباب الشائعة او حتى قلة النوم

ممكن يكون من اعراض الانيميا فحضرتك ممكن تعمل عد دم كامل او حتة نسبة هيموجلوبين وتشوف

ممكن لو حضرتك بتعاني من التهابات الجيوب الانفية تعملك صداع برضه

لو حضرتك نظرك ضعيف والنظارة عاوزة مقاسها يتغير

احيانا برضه لو حصل جفاف (dehydration) فياريت تشرب كثير لان مرضى السكر رغم انهم بيشربوا كثير لكن برضه زي ما حضرتك تعرف بيفقدوا ماء كثير

وممكن للاطمئنان برضه تعمل اشعة مقطعية على المخ

ولا تنسى بمناسبة السكر عمل كشف قاع عين و قياس نسبة الهيموجلوبين السكري (glycated hemoglobin) بشكل دوري للاهمية

ومرة تانية الف سلامة على حضرتك

الف سلامة عليك ربنا يشفيك ونطمئن عليك
انا عندي الاعراض دي والسبب انيميا وجيوب انفيه
ان شاء الله يكون السبب بسيط بس المهم تسعى وتشوف رأي اكثر من دكتور