الموضوع: جنط ل frv

المشاركة الأصلية كتبت بواسطة khaledazizeg

انا كنت قريت ان الامان بالنسبة للعفشة هوا الجنط ال16

شكرا على الرد بس هوه 17 مش ينفع

الفكرة مش في الجنط كمقاس فقط الاهم هو وزن الجنط
في جنوط 17 اخف من الجنوط العادية ال 15 ودا بسبب الالمونيوم اخف من الحديد

لكن خد بالك ان ليك مقاسات محددة هتنفع معاك ومقاسات لأ بسبب ال abs
لان ال abs بيحسب سرعة العربية من علي بلية العجل او علي ترس علي كبلن العربية فانت لما تكبر مقاس العجل هتكون ماشي بسرعة اكبر من السرعة الموجودة علي عداد العربية وبالتالي ال abs مش هيشتغل كما ينبغي
بالنسبة لل frv مقاس العجل بتاعها
195\65\r15
اقرب مقاس ليك علي ال 17 هو
205\50\r17
وكمان 245\45\R17

واقرب مقاس ليك علي 16 هو
205\60\r16

المشاركة الأصلية كتبت بواسطة romeo26222

الفكرة مش في الجنط كمقاس فقط الاهم هو وزن الجنط
في جنوط 17 اخف من الجنوط العادية ال 15 ودا بسبب الالمونيوم اخف من الحديد

لكن خد بالك ان ليك مقاسات محددة هتنفع معاك ومقاسات لأ بسبب ال abs
لان ال abs بيحسب سرعة العربية من علي بلية العجل او علي ترس علي كبلن العربية فانت لما تكبر مقاس العجل هتكون ماشي بسرعة اكبر من السرعة الموجودة علي عداد العربية وبالتالي ال abs مش هيشتغل كما ينبغي
بالنسبة لل frv مقاس العجل بتاعها
195\65\r15
اقرب مقاس ليك علي ال 17 هو
205\50\r17
وكمان 245\45\r17

واقرب مقاس ليك علي 16 هو
205\60\r16

بجد مش عارف اقولك ايه متشكر اوى

المشاركة الأصلية كتبت بواسطة meshmesh78

شكرا يا هندسة على المعلومة
طيب علشان نخلى الموضوع مثمر بشكل أكبر لو عربيتك مثلا جنط حديد هل من المفيد تركيب جنط اسبور عليها والمفيد اى انه افضل وليس الشكل فقط..
وياترى عملية التبديل دى ممكن فى ال frv بدون تأثير على العفشة لأنه كما يقال والله اعلم ان العربية بتكون مصممه على هذا الشكل فيا ريت توضيح الموضوع رغم ان معنى مداخلتك انه ممكن بدليل ان حضرتك تفضلت بإعطاء المقاسات المتاحة.

بص يا مشمش..الفكرة كلها في تصميم العفشة والعربية ونظام فرامل ال ABS ليها ابعاد مرتبطة بمقاس العجل..
1- بالنسبة للعفشة طبعا وزن الجنط هو العامل الاساسي في التاثير عليها مش الحجم لانك لو هتاخد مطب والجنط تقيل هتلاقية بياخد المقص والمساعد لتحت بقوة ودا بيأثر علي العفسة سلبا..

2- بالنسبة للعربية: تصميم العربية بيبقي له بعد مهم جدا في ثبات العربية وهو ارتفاعها عن الارض علشان كدة بنراعي عند تغيير مقاس الجنط للمقاس الاكبر ان نسبة سمك الكاوتش تقل علشان تعوض ارتفاع الجنط وتبقي المحصلة النهائية ان ارتفاع العربية هيكون هو هو بعد الجنط ما يركب.

3- بالنسبة لل ABS : دا طبعا عامل مهم وهو مرتبط برضة بقطر العجلة لان الABS بيحسب سرعة العربية عن طريق معادلة رياضية موجودة بداخل الكومبيوتر وهي بسيطه.. ال ABS له اربعة سنسورز راكبين 2 امامي علي بلية العجل او علي ترس مشرشر علي راس الكبلن الخارجية واثنين خلفي علي البلية او علي ترس مشرشر علي الاكس الخلفي
الكوبيوتر بيحسب عدد لفات التروس دي كل علي حدة وفي تصميم ال ABS بيتحط معادلة وهي بتبقي نسبة بين حجم الترس وحجم العجلة بمعني اسهل ان كل لفة كاملة للكاوتش بتساوي مثلا 5 لفات كاملة للترس وبكدة ال ABS بيقدر يعرف سرعة العربية وقوة الفرملة وخلافة..

الصورة دي بتوضح مكان السنسور ومكان الترس اللي بيقيس منة سرعة الدوران وبيحولها بعد كدة لسرعة العربية



علشان كدة لما بنغير الجنوط بمقاسات مختلفة بيبقي قدامنا اختيارات ومقاسات معينة مش بينفع نخرج عنها..
اتمني اني اكون جاوبت علي التساؤلات كلها..

بص يا باشا بالبلدي كدة كل ما تكبر الجنط يزيد الاستابيليتي و ينشف العفشة لأن اي الكاوتش لية 3 مقاسات, مثلا المقاس الاصلي 15 * 195 * 65 يعني:
1- ال15 دية قطر الجنط من الخارج يعني دايرة الجنط الخارجية الي هيركب عليها الكاوتش
2- 195 دية بتاعت عرض الكاوتش الي بيكون ملامس للأرض.
3- 65 بتاعت المسافة بين شفة الجنط و الجزء الملامس للارض.
بالتالي لما تركب جنط اكبر مثلا 17 بدل 15 و علشان تحافظ علي نفس حجم الكاوتش (علشان العربية متكونش عالية) لازم تغير مقاس العجل الي مثلا 17*اي حاجة * 50 بدل 65 و بالتالي المسافة بين الجنط و الارض هتكون اقل و دة هيخلي العفشة تنشف جدا, تخيل مرتبة سفنج عالة و طرية و واحدة تاني كثافة اعلي و ارتفاع اقل اكيد هتكون انشف.
و انا شايف ان frv ثابتة جدا بس العافشة ناشفة سنة فمش محتاجة ثبات زيادة و لا هتتبصت لما العفشة تنشف زيادة فرأي خليك علي نفس المقاس 15 لاو عايز تعرض الكاوتش مفيش مشاكل يعني 205 ولا 215 بدل 195 علي نفس مقاس الجنط.

مش عارف الصورة ما ظهرتش ليه