صراع العمالقه على cnn !!

**mensho** · 29-04-2010 10:56 AM

البرادعى راجل محترف فى الحاجات دى احمد عز اية اللى طالع يعمل مناظرة
دة محتكر الحديد والصلب واحنا والحكومة عاملين مش سامعين
سبحان الله ياأخى

**memo_p910** · 29-04-2010 01:27 PM

شفت المناظره كمان عمر اديب ترجمها بصراحه احمد عز نرفز المذيعه الي قاطعته اكتر من مره وقدرت تحاصره بالاسئله خاصة بعد ما شبه الاخوان باتباع احمدي نجاد اما البرادعي فتكلم كلام يوزن بالذهب ودعى الى استعادة كرامة المصريين وقال انه لا يهتم بسلامته الشخصيه

في مناظرة على (سي إن إن): البرادعي يطالب بعودة الكرامة.. وعز يتمسك بقانون الطوارئ

**kh_talaat** · 29-04-2010 01:50 PM

أحمد عز حاول يضرب كرسي في الكلوب وقال ان انصار البرادعي واللي بيساندوه جزء منهم من الأشتراكيين اليساريين ودول اثبتو فشلهم في حقبة الستينات

والجزء التاني من الأخوان ودول زيهم زي اعوان احمدي نجاد

ههههههههههه بالذمة دة كلام

**human** · 29-04-2010 02:02 PM

المشاركة الأصلية كتبت بواسطة kh_talaat

أحمد عز حاول يضرب كرسي في الكلوب وقال ان انصار البرادعي واللي بيساندوه جزء منهم من الأشتراكيين اليساريين ودول اثبتو فشلهم في حقبة الستينات

والجزء التاني من الأخوان ودول زيهم زي اعوان احمدي نجاد

ههههههههههه بالذمة دة كلام

طبعا!!
اومال يقول ان الاخوان ليهم صوت فى الشارع و عندهم برنامج ولا يقول ان الليبراليين دول جايين عايزين اصلاح

لازم نخوف العالم من الاخوان و من اليساريين !!

خطاب قديم و لعبه قديمه

كل واحد ضد الحزب الوطنى هو عميل و ضد الاصلاح

طيب يعنى لما يقول عندنا 23 حزب ممكن يشارك فيهم ده كلام واحد عاقل؟!!