سؤال عن علبه الفيوزات

**jojowork1** · 27-04-2010 09:08 PM

يا جماعه معلش انا داوشكم بس
انهردا وانا ماشي لقيت التكيف عمال يفصل ويشتغل لوحده والعربيه ولعت نار وطفت وماكنتش راضيه تدور وعفراتتني بصراحه المهم ركنت ونزلت بصيت وفتحت علبه الفيوزات اللي في الكبوت لقيت ان فيه فيوزات سايحه ولما غيرتها وشغلت وبدور لقيت الفيوزات بتشرز عن رجولها وسخنه نار ومكانه صلا باظ في العلبه ديه المهم رحت سئلت علي العلبه لقيتها جديده فرحت اول ما مسكتها لقيتها علبه فاضيه يعني شاسيه من بره مفهوش اماكن الفيوزات ولا اي حاجه انا عاوز المكان بتاع الفيوزات عشان ده ساح وباظ خالص والريش اللي فيه باظت هل ده موجود جديد ولا استيراد طيب لو استيراد انا هاخد ايه بظبط يعني معقوله الراجل هايقعطع الاسلاك اللي داخله فيه عشان يديني الحته ديه ويبقي بوظ الضفيره ولا هاخده بالضفيره وده مستحيل يعني
شكرا مقدما ليكم

**samirayad** · 27-04-2010 09:38 PM

لو حجم التلف كبير فى العلبه بتاعتك
هاتلك واحده أستيراد كامله
وشوف كهربائى كويس يركبك ضفيرة العلبه بتأنى وتركيز شديد
وياخد وقته وأنت واقف معاه
حتى لو حيبدأ معاك من أول النهار لآخره

على فكره أنا كنت شارى علبة فيوزات كامله بكل الفيوزات والكتاوتات
من حوالى أربع سنين ب100 ج

وتشوفها ولا كأنها بتاعة عربيه زيرو

______________________

ولما بعت العربيه اللى كانت معايا قبل النوبيرا ........بعتها مع قطع الغيار اللى كانت عندى ب 50 ج

**jojowork1** · 27-04-2010 09:57 PM

سباق يا باشا
بس موضوع التركيب ده سيبه عليا ما تقلقش بس هو المهم انا هاخد العلبه شكلها ايه عشان ابقي فاهم هل ما تتفصل من الضفيره القديمه ولا ها خدها بالضفيره ولا ايه

**samirayad** · 27-04-2010 10:18 PM

حتاخدها كامله بجزيئات من الأسلاك راكبه على قواعدها من الخلف بنفس ألوان كابلاتك تماما

أصلهم فى نظام المدبوح بيروحوا حشين الأسلاك كلها بتاعة الضفيره من العلبه بالقصافه وبيسيبوا أطوال من كل كبل واصل لظهر العلبه بحوالى 10 سم ( لأنهم مش حيقعدوا يفصلوا كبل كبل يعنى )

هاتلك واحده وظبط أمورك مع نفسك وممكن تستخدم connector بين حتت الكابلات اللى حتبقى فى ظهر العلبه الأستيراد وتوصل بكابلاتك كويس .........وخلصت

لأن دى لعبتك أساسا

**jojowork1** · 27-04-2010 10:30 PM

ميرسي يا باش مهندس اصلي الراجل بتاع الاسيتراد صحبي وبروح افك من العربيات اللي عنده بنفسي فكده عرفت ها فك ايه بظبط شكرا للافاده
والي الامام دائما

**samirayad** · 27-04-2010 10:32 PM

ربنا يخليك ياهندسه

وخد راحتك وبهدوء
وتركيز شديد وأنت بتشتغل

**jojowork1** · 27-04-2010 10:43 PM

ربنا يسترها دعواتك

**wlelw2003** · 19-06-2010 12:30 AM

الله عليك يا سمير ربنا ما يحرمنا منك

**samirayad** · 19-06-2010 12:36 AM

أشكرك ياوائل باشا

الموضوع: سؤال عن علبه الفيوزات

LinkBack

أدوات الموضوع

عرض

المواضيع المتشابهه

سؤال في الفيوزات

سؤال عن علاقة الفيوزات باستهلاك البنزين فى اللانوس 1 ؟؟؟

خريطه علبه الفيوزات اللى جنب الموتور للالنترا 2007؟

مطلوب كتالوج صيانه بيجو 405 موديل 2003 ودليل علبه الفيوزات

سؤال عن تمن علبه الشكمان بالتركيب,,و طرمبه المياه..

الكلمات الدلالية لهذا الموضوع

المفضلات

المفضلات

ضوابط المشاركة