الموضوع: مشكلة نقص المياة في دايو ماتيز

السلام عليكم ورحمة الله وبركاته
الاخوة الكرام اعضاء المنتدى الكريم
ارجو ممن لديه الخبرة مساعدتي في حل مشكلتي
انا عندي عربية دايو ماتيز وفي مرة الرادياتير اتخرم طبعا وانا مش اعرف المهم الموتور سخن والجوان باظ واتصلح والخراطيم كلها اتغيرت وهكذا
المهم ان حاليا بعد كل الاصلاحات دي عندي مشكلة في المية
بزودها كل يوم وان كان المعدل مش كتير
يعني مثلا امبارح قبل ما اخرج الصبح كان معدي المية تقريبا اقل من علامة الماكس شوية صغيرة ومشيت بيها 40 كيلو وركنتها لمدة 5 ساعات تقريبا وبعدين مشيت بيها حوالي 30 كيلو وركنتها ساعتين وبعدين مشيت حوالي 65 كيلو تقريبا
والنهاردة الصبح لقيت المية اقل من الmin بشوية مع العلم ان شغلت المروحة الصبح واخر اليوم
والنهاردة الصبح زودتها لحد ما المية عدت علامة الماكس بشوية ورحت مشوار 40 كيلو وركنتها 5 ساعات وقبل ما اطلع بيها كانت العلامة عند الماكس تقريبا
من غير ما اشغل المروحة
يا ترى المعدل ده طبيعي؟؟؟؟ ولو فيه مشكلة تكون في ايه مع العلم ان غيرت الجوان وخراطيم المية كلها

يا ريت تفيدوني لو فيه خطر على اي حاجة ممكن لا قدر الله تبوظ
دعواتكم
شكرا
جزاكم الله خيرا مقدما