انا وكوبري اكتوبر والتشريفه

**hugan** · 27-04-2010 10:57 PM

انا من الناس اللي ليهم علاقه جامده بكوبري اكتوبر حاجه غريبه ما تقدرش تفسرها شيء من العذاب ما تقدرش تقاومه وكان كوبري اكتوبر من اسباب اني اشتري عربيه مكيفه لانه ياعيني عليه لما تمشي عليه في عز شهور الصيف والدنيا مولعه وانت قاعد مسلوق جوه العربيه والطريق مش عايز يتحرك المهم النهارده كنت كن سعداء الحظ واسعدني زماني اني كنت رايح من مصر الجديده للمهندسين وطبعا متو قع العزاب والمعاناهاللي هاشوفها وطلعت الكوبري من صلاح سالم وافوجيء بحاجه رهيبه ان الكوبري تقريبا هو فاضي مفيش الا يدوب 3 او 4 عربيات معايا وماشي ايه 120 علي كوبري اكتوبر ايه الجمال ده المقابل طبعا حدث ولا حرج واقف طبعا اتضح ان كان في تشريفه امامي مباشره وكانت الموتو سيكلات فاتحه واحنا وراها طبعا احساس لا يقارن ولا يصدقه عقل ساعتها بس عرفت ليه المسؤ لين والوزراء لا يهمهم اصلاح حال المرور لان الطريق دايمامفتوح وفعلا هما مش عارفين يعني تتسلق في عربيه في الصيف والطريق واقف سكتهم سالكه دايما بس بجد شيء ممتع انك فاتح واكل واقف وعمال يتفرج وربنا يحنن قلوبهم علينا

**nab!l** · 27-04-2010 11:38 PM

متعة.......

**محمد الشامي** · 27-04-2010 11:52 PM

حضرتك لو شوفت فيلم "طباخ الريس" هتعرف ان الناس في الوقت ده كانت كلها تحت الكوبري

**hugan** · 27-04-2010 11:55 PM

المشاركة الأصلية كتبت بواسطة محمد الشامي

حضرتك لو شوفت فيلم "طباخ الريس" هتعرف ان الناس في الوقت ده كانت كلها تحت الكوبري

ههههههههههههه

**menocomp** · 28-04-2010 12:24 AM

المشاركة الأصلية كتبت بواسطة hugan

ساعتها بس عرفت ليه المسؤ لين والوزراء لا يهمهم اصلاح حال المرور لان الطريق دايمامفتوح وفعلا هما مش عارفين يعني تتسلق في عربيه في الصيف والطريق واقف سكتهم سالكه دايما بس بجد شيء ممتع انك فاتح واكل واقف وعمال يتفرج وربنا يحنن قلوبهم علينا

عين العقل.
++++++++++111111111

**Ahmed Nouh** · 28-04-2010 01:00 AM

حصلت معاى فى مره كنت طالع من رمسيس والامناء وقفونى اول واحد فى الصف علشان فى تشريفه نازله من اتجاه الجيزه لمدينه نصر

صحيح وقفت بتاع ربع ساعه بس كنت اول المنطلقين فى قفا التشريفه , من رمسيس لمدينه نصر فى وقت لا يتعدى ال 7 دقايق على 110