السلام عليكم ورحمة الله وبركاته
سؤال يشغل بال الكثير.... هل أسعار المستعمل هينزل ولا هيزيد؟؟
أنا ملاحظ أن القديم بيزيد سعره معرفش هيفضل كده ولا هينزل تانى؟؟؟
وشكرا
عرض للطباعة
السلام عليكم ورحمة الله وبركاته
سؤال يشغل بال الكثير.... هل أسعار المستعمل هينزل ولا هيزيد؟؟
أنا ملاحظ أن القديم بيزيد سعره معرفش هيفضل كده ولا هينزل تانى؟؟؟
وشكرا
هيزيد ياباشا الفترة اللى جاية
دخول الصيف والخليجين بيزود سعر المستعمل ف بلدنا
أشكرك أ. أجمد لسرعة الرد طيب أيه أحسن فتره تنصحنى بيها أشترى خلالها مستعمل؟
انا شايف انه هيقل
أنا مش بس شايف دا كل الناس شايفة
الشانا بينى الصينيه فى إعادة البيع موجود لها كذا أعلان بـ18 ألف جنيه و بـ20 ألف جنيه و بـ19 ألف جنيه و أصلا العربيه دى فى إعادة البيع بتنزل جداااااااااااااااا هيا و الـByd Flyer
و دى شوية أعلانات عشان تصدقوا بس و ميجيش واحد يقول دا بيهزر
دى بـ19 ألف هنــــــــــــا
دى بـ20 ألف هنــــــــــــا
دى بـ21 ألف هنــــــــــــا
دى بـ18 ألف هنــــــــــــا
أكتب بس شانا بينى للبيع و شوف الأسعار هتستعجب و العربيه زيرو عامله حوالى 42 ألف
مش هقولك احسن فترة هقولك الصبر ف الاختيار
انا رأى الشخصى تبقا فلوسك معاك وتتقل ف الشراء لغايط متلاقى حاجة نضيفة ومقتنع بيها كويس جداا .علشان الواحد مش بيشترى عربية كل يوم
متنفعش ف الاختيار موضوع احسن فترة ده مع انى مش مقتنع بيه بس هقولك امتا السوق بيبقا غالى على دخول الاعياد والمناسبات زى اجازة نصف العام اجازة الصيف مواعيد اجازات الخليجين
وحاول ميبقاش وسيط ليك اى تاجر حتا لو كان اخوك
بس انتا حدد الاول انت عايز عربية ايه ف حدود كام فلوس وان شاء الله هتلاقى الف واحد يساعدك من نايل موتورز
ظل الناس يظنون ان أسعار العربيات هترخص وبالتالي المستعمل هيرخص ولكن اللي حصل غير كده خالص ... اللي معاه مستعمل حالة نظيفة جدا بيضرب في العالي
اسعار السيارات فى مصر فى ارتفاع واصيف كمان داخل هتولع اكتر
وهى دى مصر اللى بيغلى فيها مبيرخصش تانى ابدا
انا شايف ان احنا داخلين على موسم الصيف و زى ما الحرارة بتولع كل حاجة بتولع معاها و ربنا يوفقك فى عربية كويسة تناسبك ان شاء الله
لا العربيات المستعملة و القديمة هتغلى عشان
http://www.nilemotors.net/Nile/145329-a.html
ماهو برضة بالعقل كدة لما يبقى فيه عربية شانا بينى موديل 2008 بتتباع بـ18 و ب20 ألف جنيه و مفيش حد حتى بيفكر يشتريها مش عشان موديلها ولا قطع غيارها لأ عشان محدش معاه دلوقتى و لما يبقى فيه فيات 131 موديل 1980 يعنى عدى عليها 30 سنه بسعر 18 ألف جنيه مثلا يبقى دا طبيعى دا يبقى حاجة تجن الجن
عربية بقالها سنتين بنفس سعر عربيه بقالها 30 سنه دا مش بعيد إلى يشتريها يكون سنه أصغر من عمرها متقلقوش كدة كدة الأسعار هتفضل زى ماهيا ولا فيه أصلا حد بيشترى ولا بيبع إلا نادرا
طبعا عمرى مابقارن مابين الأتنين بس حاجة عدى عليها 30 سنه و سعرها كدة تبقى غريبة مش تشكيك فى قدرة الـ131 بالعكس دى ملكه الفيات و لحد دلوقتى مش هتتعوض بس دور فى أى دولة أجنبيه شوفها دلوقتى لو موجودة هتتباع بكام الناس هنا بتبيعها على أساس إنها أثار أو تماثيل فرعونيه و على فكرة أكيد الشانا بينى مش هتقعد نص الفترة دى فى الشوارع مش تقليل برضة منها لكن عشان هيا مش سلعة أستهلاكيه داخل مصر لان الطرق عندنا تدمر أى عربية
و أسف لو كنتوا فهمتوا قصدى غلط لكن أنا بتكلم على عمر السيارات و أسعارها فى مصر تعتبر نكته
انا شايف ان الاسعار هتولع
بص ama هى اسعار الصينى المستعمل كده واقعه خالص وشوف هما حاطين الاسعار دى وكمان محدش بيشترى الصينى وبالذات العربيات دى غير مرغوب فيها فى اعاده البيع وفيه ناس كتير تفضل انها تشترى عربيه فيات قديمه عن انها تشتريه لانى شايف ان الفيات القديم لو فى حاله كويسه ومعموله صيانه هيبقى افضل منها
وطبعا انت شايف ماركه صينى لو روحت لاى محل قطع غيار سئلته علي قطع غيار ليها هيقولك روح الصيدليه مش بيبع ادويه
برضوا الجيلى الهاتش باك اللى كانت نازله من فتره وتوكيلها سابها وهرب برضوا نفس الكلام والله صاحبها كان عارضها ب 19 وبيتحايل عليا علشان اشتريها ويقولى معاها قطع غيار ب 600 جنيه جديده وانا الصراحه قلقت انا لو معايا عربيه زى دى ومشتريها جديد ودافع فيها 45 الف ايه اللى يخلينى اخسر المبلغ ده كله فى سعر اعاده البيع العربيه مش جايبه سعر كويسه خلاص والله ما بيعها لكن اخسر 20 الف جنيه يعنى 50 % من تمن العربيه فى اقل من سنتين ده صعب شويه
أنا رأيي إن العربيات هتغلى 10000 جنيه لأني لاحظت هذه الزيادة من آخر التسعينات أنا منت شاري 132 1600 بـ 14000 جنيه سنة 99 وجبتلي 28000 جنيه سنة 2006 بس كنت شددها جامد ودلوقتي 2010 جايبه 14000 جنيه تاني أنا حاسس إنه في الصيف هتطلع 10000 جنيه بعد قرار وزارة الداخلية ده وهتقف عند السعر ده ونفس اللي حصل معايا في 132 حصل مع ابن عمي في بيجو 504 بس مع فارق السعر ماعدا واحد صاحبي أشترى مرسيدس 200 زلمكة 84 أيام ماشتريت 132 ب 45000 وسعرها دلوقتي 85000 ومانزلتش ياسلام نفسي تنزل و أنا أبيع هدومي و أشتريها زلمكككككككككككككككككككككك ككككككككككككة وحش يا جدعان:049:
يا جماعة أنا مش بقلل من الفيات 131 نهائى و دا كان واضح فى ردى دة يا ريت تطولوا بالكم و أنتوا بتقروا الردود
و أسف للمرة التانيه لو حد فهم أنى بقارن أى عربية صينى بأى ماركة فى الفيات
و على فكرة أنا بحترم الفيات 131 جدا جدا جدا لأنها بجد بتثبت جدارة حتى الأن
لكن أنا بتكلم على الأسعار فقط متكلمتش عن قطع الغيار لأن معروف أن أى عربية صينى أو 80% منهم بيتوفق لهم من ماركات تانيه و دى عيبها الوحيد بعد أسعارها برضة المبالغ فيها بسبب الجمارك و الضرايب و الوكلاء
يا باشمهندس أنا عارف جدا كلام حضرتك و مقتنع بيه لكن أنا كنت بعلق على الأسعار فقط و أسف يا جماعة لو حد فهمنى غلط للمرة المليون
يا باشمهندس مع أحترامى الكامل لفيات 132 لأنى بعشقها جدا و العربيات كل سنه بتعدى عليها بتقل لان الموديل بيقدم
لكن ولا هتزيد ولا حاجة و كمان 10 ألاف جنيه دى بعيده أوى أوى لأن قريب على مصراوى كان واحد المالك الأول ليها من سنه 1980 و ركز أوى فى المالك الأول و كان عايز يبيعها بـ10 ألاف و نص رغم أنها فابريكة بالكامل فى الدواخل و دا لأنه مش تاجر فقط
انا على فكرة سمعت الكلام ده من اكتر من واحد