الموضوع: قطع غيار الجيتس

المشاركة الأصلية كتبت بواسطة Hesham A.Megid

الانزار تمنه 500 جنيه و الانزار الاصلي اللي المفروض بيركب في العربيه ببلاش تمنه 250 يعني انت بتدفع الفرق بس اللي هو 250 جنيه، و ركبت كمان و حدات رفع للاربع ابواب تمنهم 200 جنيه و كنت عايز اركب وحدة سنتر للشنطه بس للأسف قالولي مش هينفع عشان مش هتبقي زي الفابريكه و هتبوظ و تعلق كل شويه، يعني انا دلوقتي بفتح العربيه بالريموت بس عشان افتح او اقفل الشنطه لازم بالمفتاح

معليش هو سؤال صغير..
هو ايه كان نوع الانذار و اسمه ال ب 250 وايه نوع و اسم الانذار الاصلي الي ب 500 جنيه..يعني عشان الواحد يكون عارف بس الماركات..تحياتي..

المشاركة الأصلية كتبت بواسطة Hesham A.Megid

انا سألت من يومين علي فوانيس الشبوره في التوكيل قالولي ان الوحد ب 361 و الزرار ب 105!! يعني كله علي بعضه بالتركيب هيعدي 850 جنيه!

فوانيس الشبورة بتاعت الإلنترا الجديدة بـ 930 من غير تركيب

المشاركة الأصلية كتبت بواسطة Hesham A.Megid

ال ب 250 مش عارف اسمه ايه، بس هو اللي بيركب في ال Elantra. و ال ب 500 اسمه Spy Alarm

شكرا ليك على الرد الوافي..سؤال بعد إذنك،حضرتك توصي بيه -يعني مركبه على اساسه انه احسن و لا إيه؟؟ -و لا لسه تحت التجربه عشان لو كده الواحد من البدايه يكون واضح معاهم ...يعني يقولوهم انه حيغير الانذار الي بتركب اصلا بالانذار التاني عشان يكونو عارفين من البدايه من غير لف و دوران و توهان..رأيك ايه؟؟

المشاركة الأصلية كتبت بواسطة Hesham A.Megid

انا مركبه بقالي اسبوع و هو شغال زي الفل لحد دلوقتي، بس ده طبعا مش وقت كافي للحكم عليه. انا اللي خلاني مركبش الانزار التاني هو ان واحد قريبي عنده Elantra و بيشتكي من الانزار ده و انه بيعلق كتير و في التوكيل قالوله غيره بنوع تاني احسن.

شكرا استاذ هشام على المتابعه..
امبارح انا رحت دفعت عشان استلم العربيه لانه اللوت وصل و التسليم بيكون خلال الاسبوع التاني من فبراير..بالكتير خلال الاسبوع الثالث من فبراير..
اتكلمت مع المندوب المتابع معاه عن مشكره الانذار و قلت له هل هو فعلا الانذار الي بيكون في الالنترا قام قلي هو فعلا كان بيتركب نفس الانذار لكن احنا غيرناه عشان في ناس بتشتكي منه و كده..
مش عارف الكلام ده بجد حصل و لا لأ..على العموم هو وراني المفتاح بتاع الانذار و كان فيه بس زرارين واحد قفل و التاني فتح و بس..و شعار هيونداي من قدام و شعار الانذار من ورا..الاسم كان مش واضح خالص لكن تقريبا (Ghiamax) انا كلمته انه يعني لو الواحد عاوز يغيره ايه الحل او الطريقه قام قالي نفس الكلام تاني بخصوص انه مش نفس انذار الالنترا..رأيك ايه يا باشمهندس هشام..

المشاركة الأصلية كتبت بواسطة Hesham A.Megid

دي صورة الريموت بتاعي. هو ده اللي وراهولك؟

فعلا ده هو..هو ده SpyAlarm الي حضرتك ركبته بدل الانذار الي فيه مشاكل؟؟