الموضوع: هي الفرامل كدة طبيعية ولا في حاجة غلط

المشاركة الأصلية كتبت بواسطة mkb2000

أود ان اشكر كل من كتب فى هذا الموضوع ،، لسبب هام جدا وهو اننى اشتكيت فى التوكيل من نفس الشكوى ولكن مع اختلاف بسيط وهو ان دواسة الفرامل احيانا تنزل سنة بسيطة لأسفل عند الضغط على دواسة الدبرياش قبل او اثناء التوقف وهذا يحدث احيانا فقط وليس دائما ،، ولم اعر الأمر اهتماما حتى تعرضت لموقف على السريع كدت افقد فية حياتى ،، هذا العيب لو حدث اثناء الضغط المفاجئ على الفرامل لتجنب حادث فان السيارة قبل التوقف ممكن ان تمسك عجلة قبل الأخرى وتحدف السيارة بالأضافة ان الفرامل تهرب وتفقد قوتها نسبيا مما يفقدك السيطرة على السيارة ،، وللعلم سيارتى صنى مانيوال 2009 بدون abs والسيارة الأن بالتوكيل منذ 3 ايام لوجود عيوب اخرى وهى:
1- الفرامل كما ذكرت
2- تسارع السيارة يتغير لوحدة وrbm يرتفع لأكثر من 2 حتى والسيارة واقفة دون الضغط على دواسة البنزين وهذا العيب ايضا يحدث احيانا فقط وينتهى تماما بمجرد اطفاء السيارة واعادة تشغيلها "" وفى التوكيل من قبل ضبطو الكمبيوتر بتاع العربية ولكن العيب لسة موجود وانا صورتة لهم على الموبايل لأنهم من قبل رفضوا تصديقى وقالو العربية مافيهاش حاجة ومية مية وممكن ارفع الفلم لكل من عندة نفس المشكلة.
3- المارشدير ساعات يعلق ولا ياخذ النقلة الا لما ارفع رجلى من على الدبرياج ثم اضغط مرة اخرى ، وبردة التوكيل بيقول دة عادى اديها التالت الأول وبعدين المارشدير او انتظر 3 ثوان قبل النقل لأن الصنى كدة ،، وانا طبعا غير مقتنع بالكلام دة.
4 حزام الأمان لايرجع مكانة عند فكة
أضافة لعيب اكشفتة قبل كدة وهو صوت اثناء رفع اوخفض الزجاج الخلفى وفى التوكيل قالو دة من تراب الجو بيدخل ورا الكاوتش والكاوتش دة ناشف ومصرى عشان كدة بيعمل صوت ولما ننضفة بالهواء هايروح الصوت وفعلا راح بعد تنضيفة ،، وحصل بعد كدة كتير وبقيت انا انظفة واكبر دماغى

لكن بالنسبة للعيوب الثلاثة الأولى فأننى لن استلم السيارة دون اصلاحها ،، ولكن موضوع الفرامل وان الدواسة بتنزل سنة لوحدها ماكانش حد مصدقنى بالتوكيل ،، فارجو ممن كتن فى هذا الموضوع الأتصال بى للأهمية
]د. محمد كامل
موبايل 0144619225
mkb2000cd@yahoo.com

ايوه يا د. محمد انا اللي كنت كاتب الموضوع قبل كده وفعلا الموضوع ما زال معي وكنت ناوي في صيانة ال5000 كم اكلمهم فيه وان شاء الله هاكلم حضرتك بعد صلاة العصر بس انا عربيتي اتوماتيك وفيها abs فواضح كدا ان العيب مش من الفرامل وانما في الضفيرة وربنا يستر

المشاركة الأصلية كتبت بواسطة aiman0173

الحمد لله أنا معي ال ex auto with abs وهي دلوقتي عاملة 800 كم بس أنا بدأت ألاحظ حاجة لما يكون التكييف شغال:

• في بعض الأحيان مش دايما وأنا ماشي والمكيف شغال لما بدوس الفرامل الاقي العربية بترعش وكأنها هتطفي
• في أحيان آخرى وانا مشغل المكيف ولما بكون في اشارة او العربية واقفة وانا دايس فرامل الاقي دواسة الفرامل تروح نازلة شوية عن الطبيعي

هل كدة في مشكلة في الفرامل ولا دا عادي ، وياريت لو حد قابلة الموضوع دا قبل كدة ميبخلش علينا بالنصيحة

اولا مبروك عليك العربية أ/أيمن

بالنسبة للنقطة الاولى اعتقد انك لازم تروح لاقرب توكيل يراجعوا قراءات الكمبيوتر ويراجعوا ضفيرة المحرك ولو مش بتعمل كيلومتر كتير ياريت تروح قبل الالف كيلو عشان لو ضفيرة ميأثرش ع البوجيهات

اما بالنسبة للنقطة الثانية وهى الفرامل فده طبيعى جدا ومفيهوش مشاكل (مع استمرار ضغطك على دواسة الفرامل الدواسة بتنزل شوية).
مش لازم ننسا ياجماعة ان نظام الفرامل ده هيدروليك وطبيعى مع ضغط الفرامل الدواسة بتتحرك نتيجة لانتقال الهيدروليك بس لما الهيدروليك ده بيوصل للاخر بيفضل فيه انضغاطية مابين جزيئات مادة الهيدروليك ودول الشوية اللى بتحسهم لما بتقف فى اشارة وتبقا مكلبش فى دواسة الفرامل بس الانضغاطية دى محسوبة طبعا فمتقلقش

ده فيديو بسيط يشرح نظام الفرامل

[youtube]http://www.youtube.com/watch?v=srVb0T5_qtE[/youtube]