الموضوع: صدق أولا تصدق ...غبور يعلن عن "مازدا" على mbc ..هل يطارده شبح الرواس !!

حتى لو جيه وكيل تانى و لا غبور نفسه مازدا عندها ايه 2 و 3 و 6 و موديلين دفع رباعى cx7 و cx9 و دول هايبقوا غاليين دا غير المينى فان و الرودستر و السوبر rx8 يعنى من الاخر هاتبيع 2 و 3 يبقا عربيتين مش هايقوم بقا وكيل و يستثمر عشان عربيتين على الرغم ان مازدا 3 عملت انجاز يشهد لها بيه انا نفسى بس غبور يهتم بتفعيل الصيانة و قطع الغيار حتى و لو عشان خاطر عيون المازدا 3

المشاركة الأصلية كتبت بواسطة ahmed samy

انا كان قصدي ان غبور مركز كل طاقته الإنتاجية في خدمة هيونداي ومستخسر في مازدا جوز الصنايعية و الكوريك

و هو بصراحة رامي كنز ده كان ممكن يفترس الشارك و الكوكو السنتين اللي فاتو دول و يبيع لما يفطس

بس تقول ايه

هو قالك التوكيل وقاعد فى الدرج , اظبط هيونداى الاول وبعدين ابقى اجيله وقت ما افضى علشان ميضيعش تورته هيونداى الكبيره قوى من ايده , الراجل ده انا يتهيألى هيونداى هتعمله تمثال جنب علم كوريا على سطح الشركه من اللى عمله معاهم , ده لو كان بيبيع لهم مقابل حصه فى الشركه كان زمانه على وش عضو مجلس اداره

المازدا كانت فعلا ممكن تاكل السوق

دى عربيه بتتباع من غير وكيل زى الرز امال بقا لو خدت زقه مبيعات هتعمل ايه !!

المشاركة الأصلية كتبت بواسطة ahmed4000

قصة مازدا دى عجيبة اوى
مش فاهم الشركة الام ساكتة ليه ومحدش يقول مش عايزة مبيعات من مصر (طيب واشمعنى كل الشركات التانية عايزة من مصر) فى حد حيبقى قدامه يبيع وحيقول لا وخاصة ان العربية بتباع فعلا من غير توكيل (اومال بتوكيل تعمل ايه)

حتى غبور نفسه مش فاهم مش شغال فيها ليه؟ طيب معليها طلب كويس وايه العربية فى هيونداى اللى المازدا حتنافسها فى السعر؟ حد يفهمنى يا جماعة

عادى جدا ان الشركه متبقاش عايزه مبيعات من مصر , مش كل شركات العالم بتبيع فى كل بلاد العالم حسب خطتها للأنتشار ودراستها للأسواق اللى بتدخلها بتقرر عايزه تلعب هنا ولا لا ومازدا طول الفتره اللى فاتت مش عايزه تشتغل فى مصر

دى سياسه كل شركات العربيات مش مازدا بس

انك تشغل ماركه جديده وتبقى وكيلها حاجه مكلفه جدا وصعبه جدا جدا جدا وتحتمل المكسب والخساره ان لم يتم التخطيط لها جيدا , رأى الشخصى : غبور كان مكسل يشتغل فى المازدا او بمعنى اصح عايز يركز فى جنب واحد علشان يديله كل الطاقه زى ما قال دكتور احمد سامى